ISAIAH 42:6 - DAÜLANGPÜ LAIHING (BSI)

⁶ Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

ISAIAH 42:6 Referans Kwoze

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

PHONGSHANTHÜ DOU 13:47

Mehenangkü Shembüpai ham kü hapakei shahkung shuohpeih: ‘Kahdoknyü dohpü ngoishi yemleipü danghühen nangkü ngei amphongü Kung am shingvaishi vangngai hük leihüpeih.’ ”

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

ISAIAH 49:8

Shembüpai hapakei enyüke: Mechem ngelei phahji hepak ngoihenshang ngei ammi phoppü kü janghen, hatü yemleihen nyih kü ngei am kü sheühhen. Ngei amphong yomhen, hatü nanglakthü shingvaishi amü vangpüshuwpü leihühen, Kahdok nyokei leihen, hatü tükei nyupü mükjüp demei hanhen.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

ISAIAH 26:3

Üami mongdangi nüng kü hinglemnya, nüngi jom den ngoipü chingmei kü tuhnyeih; mehenangkü jomi nüng kü hinglemnyüke.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

HEBREW 9:15

Ha tata kü Kahvangi nyüklangpüthü nedohnetenpü lahtükpü mükjüp danghen shingvaishi Khristayü vangpüshuwpü ja kü lembü leiteke. Shaang shongpü vangpüshuwpü phangkü mang thahpüthü bümei leihühen nangkü ha shemhen büpa diteke.

PHONGSHANTHÜ DOU 26:23

Messiah shangponghen hatü dipü kübü yangei leihen shongpü vaipü nangkü büpai Jehoda am hatü Kung am kü vangngai jung baonghen.

2 KORINT 1:20

Mehenangkü büpa kü Kahvangi lahpeyü, “Hih” shei nyüpeih. Ha tata kü büpa homei Kahvang müknyinshekhangei “Amen” shei hami enyeih.

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

ISAIAH 41:13

Mehenangkü ngei, Shembüpa, ammei Kahvangi ammei lakdahphi kü khaaihen; hatü amphong kü, “Tenyem, ngei am kü sheühphahen” shei epeyü ngei hih.

HEBREW 8:6

Shejao shaang Jisu-ü chah-ei meipü chongphopü dousho dangteke; hatü vangpüshuwpü mepa kü büpa lembü lei, hapayü lahpü kü laphentü lingei nyüke.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

ISAIAH 45:13

Ngei daülangshemshepü kü ngelei mükhong jiühühen, hatü douthü jiüshi linghen nangkü ngei Cyrus vamhüpeih. Ngei büpalei lemthü peü kangshangi linghen; büpai ngelei chingnyü Jerusalem ne-ei lingei leihen, hatü wüpküpei nyupü ngelei nanglakthü bümei leihühen. Üpaiyao büpai hapa dükhen nangkü lat neshuoh, nevaijü yawhdou neshuoh” shei Jeiyong Shembüpai enyüke.

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

MATHI 26:28

mehenangkü hapayü longshi shing mang tükpü danghen shingvaishi haipü vangteishuwteipü ngelei iy.

ISAIAH 32:1

Veituh, ong hüki daülangshemshepai, hatü vanglem lembüthüi shahhingi vanglem lemkahen.

HEBREW 7:2

hatü Abrahami büpa kü lemphü kübü ankhong shuoh. Shongpü kü büpalei menü, “daülangshemshepü ongpa,” nyipabü kü büpayü Salem amei ongpa, ha lappai, “chingmei ongpa” nyuteke.

ISAIAH 27:3

Ngei, Shembüpai hapa yomnyüpeih; ngei hapa kü nedoh-i yung ünyeih. Üpaiyao hapa nemangtükhen shingvaishi ngei nyihjeih yajeih hapa yomnyüpeih.

ISAIAH 41:2

Üpai heongphi leipü hampa hük vamhütü laophülei dousho shing nyükpa? Büpai jatthü büpalei lak kü shuohnyeih, hatü ongthü büpalei la-i shouptüknyeih; Büpalei yanlui jomphongü bhihla leitüknyeih; büpalei lahhani hahbhang vanglüki deipükei deilangnyeih.

ISAIAH 45:1

Shembüpai laophüi jehahpü Cyrus, üpalei lakdahphi kü büpa touei neütükhen, hatü ongthülei wong komtükhen, hatü shem shaden küppü aphen shomnya, büpa kü hapakei enyüke:

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.