ISAIAH 42:5 - DAÜLANGPÜ LAIHING (BSI)

⁵ Shembüpa Kahvang, üpai vangshothü ling, hatü hathü paanei deishih, üpai kahdoknyü paanei deishih, hatü halei lemphü vamhünya, üpai nanglakthü kü ngü shuohnya, hatü halei kamteipüthü kü yangnyu shuohnya, büpai hapakei enyüke:

ISAIAH 42:5 Referans Kwoze

ISAIAH 40:22

Büpai kahdoknyü toilangpü shangkü ong uoshing kü uoshi nyüke, hatü haleipü shennyakthüyü shoukha melaü kei nyüke. Ashak paanpü keiha büpai vangshothü paanhüpeih, hatü nyuhen shingvaishi ashakshem paanei vepü keiha büpai hathü paanhüpeih.

ISAIAH 45:12

Kahdoknyü hatü halei nyupü hangku ngei lingpeih. Ngelei laki mon vangshothü paanei deishihpeih; hatü haleipü lithathü peü ngelei lakmongei tuhnyüpeih.

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

JEREMIAH 10:12

Shejao Kahvangi büpalei ngani kahdoknyü lingpeih; büpalei kihikoni kahdoknyü chongnyiam lingpeih, hatü büpalei danaokpü koni vangshothü paanei deishihpeih.

ISAIAH 48:13

Ngelei laki kahdoknyü chongnyiam yaong sheipeih, ngelei lakdah-i vangshothü paanei deishihpeih; Mechem ngei hathü kü nyükhen, jom peü chemi yaongnyüpeih.

ISAIAH 44:24

Ngeiyü Shembüpa, am Yangbü, Wom mongei am Lingbü, Ngeiyü Shembüpa, lemphüli Lingbü, Ngei moni vangshothü paanei lingpeih, ngei lomjai kahdoknyü laiyei lingpeih.

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

ISAIAH 45:18

Shembüpai hapakei enyüke: Üpai vangshothü lingpa, büpayü Kahvang; Büpa, üpai kahdoknyü shükpa, hatü lingpa, büpai ha lingpeih; Büpai hapayü kong mü tuhhen nelingangpih, shejao halei hangkuli nyuhen nangkü lingpeih. “Ngeiyü Shembüpa, lebü Kahvang neshiü” shei büpai enyüke.

MENVIH KESHO 33:6

Shembüpalei shah-i vangshothü lingpeih, hatü büpai ngü heepai lithathü peü lingpeih.

JOB SHAHSHA APPÜ 33:4

Kahvang laanghai ngei ling, hatü Jeiyong Kahvangei ngüi ngei kü yangnyu shuohnyeih.

PHONGSHANTHÜ DOU 17:25

nevaijü büpai lemhük nanyu kei hangkulei laki büpa chongnephonyih; büpaiang hangku peü kü yangnyu, ngü hatü dou peü shuohnyeih.

JOB SHAHSHA APPÜ 12:10

Büpalei lakei yemhimak peüei yangnyu yem, hatü hangkulei ngüan ngülei nyüke.

ISAIAH 40:12

Üpai laophülei lakei yungching notü shet-aoknya? nevaijü laophülei lakkhami vangshothü shetaoknya? Üpai mühdow kü shihtü kahdoknyü noei aoknya? nevaijü kahshang hatü shangtaothü dok kü shihtü dokaoknya?

MENVIH KESHO 136:6

Yungching ilangmong kü büpai kahdoknyü lingteke, büpa bampü den kü nyunyeih.

AMOS 9:6

Shembüpai büpa nyushing vangshothü kü lingnyeih, hatü chongnyiam shing kahdoknyü kü lingnyeih. Büpai yungching yung kü nyüknyeih, hatü kahdok shak kü langnyüpeih, Shembüpayü büpalei men nyüke.

KAHBHAO 2:7

Hapheikü Shembüpa Kahvangi kahdok leipü ashem hanei yah-ei shennyak hük ling, hatü büpalei shongsha kü yangnyu ngü dushuoh, hatü hapa shennyakü yem leiteke.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

ISAIAH 40:28

Shembüpayü nedohnetenpü Kahvang, kahdok dohpü junghijang peü Lingbü shei ammi nenyingpü je hatü nedanangpü je?

JOB SHAHSHA APPÜ 34:14

Büpai büpalei laangha laophü touei leilangjema, hatü büpalei ngü laophü touei mülangjema,

JOB SHAHSHA APPÜ 27:3

ngei ngüan ngülei aokpü thahshi, hatü Kahvang laangha ngei kü nyupü thahshi,

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

KAHBHAO 1:1

Chongpangpülei Kahvangi vangshothü hatü kahdoknyü ling.

ISAIAH 37:16

“Oh Jeiyong Shembüpa, Israel Kahvang, cherubim nyi aa kü hon uoshing kü uopüba, nüng monha kahdoknyü ongchingthü peü shak kü Kahvang. Nüngi kahdoknyü hatü vangsho lingpeih.

ISAIAH 40:26

Vangsho philei ngangei veituh: Üpai hathü lingpa? Büpai lithathü hük hük ieyei kü men menei nyüke. Büpalei ngan hatü wong longpü homei hathü hükao nemahtüki nyüke.

ISAIAH 57:16

Ngei düngei nethaüvaühen nevaijü ngei düngei mongshih-ei nenyuhen, Hei nevaijema ngei lingpü hangkulei laangha mahdaihen, hatü hangkuli ngü kemdaihen.

JEREMIAH 27:5

Ngelei ngan longpai hatü ngelei laklu wong longpai ngei kahdoknyü hatü halei nyupü hangku hatü yemhimakthü lingpeih, hatü ngei monghahpü shennyakthü kü shuohpeih.

JEREMIAH 38:16

Shejao Zedekiah ongpai Jeremiah kü joei lah-ei, “Jen kü ngei shuohpü vanyangyem Kahvang men kü ngei nüng nejütükpih, nevaijü nüng jühen yempüthü kü neshuohpih” shei e.

EZEKIEL 18:4

Nyühipa vaituh, hashih vaituh, yangnyu kemei ngelei shei nyingtuh: Shennyak üpai mang thahnya, hapa shennyak mon dihen.

MENVIH KESHO 96:5

Mehenangkü nanglakthülei kahvangthüyü lajeithü mon, shejao Shembüpai vangshothü lingpeih.