ISAIAH 42:13 - DAÜLANGPÜ LAIHING (BSI)

¹³ Shembüpayü hampa hük kei dainyüke, veshan hük keiha büpai hokhen temnyüke; Büpai lenei thep nyüknyüke; Büpai laophülei vepathü kü laophülei wong hunyüke.

ISAIAH 42:13 Referans Kwoze

MENVIH KESHO 78:65

Hahepak kü Shembüpa shipü kübü keiha paoteke, hampa hük yiüi chokpükei nyuteke.

ZEPHANIAH 3:8

Shembüpai enyüke, ngei om dantuh; mehenangkü ha nyih ngei denpü hük vaishi yaongkahen. Mehenangkü jom kü ngelei mongshih, hatü ngelei monglep khüpshuohnüng jatlithü hatü ongchingthü thaihühen ngei temtüktih. Kahdoknyü kemei ngei mongshihpü awi shamtükhen.

AMOS 1:2

Amos-i e: Shembüpai Zion Kahshang leipü ngüngnyüke, hatü Jerusalem kübü büpalei ngeü annyüke; mi yombüthülei het ühshing phenha kaudaiteke, Karmel kahshang leipü thüng vandaiteke.

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

NAHUM 1:2

Shembüpayü mükhakpü, bhüh yempü Kahvang nyüke; Shembüpai bhüh yemnyüpeih, hatü mongshih maei nyüpeih. Shembüpai büpalei vepathü khüei bhüh yemnyeih, hatü büpalei vepathü khüei mongshih jaoei tuhnyeih.

HOSEA 11:10

Jomphong Shembüpa phei mühen, büpai mailang keiha ngünghen. Mechem büpa ngünghenshang, büpalei hapeüthü heshüphi kübü kheüei peikahen.

JEREMIAH 25:30

Hanangkü jom khüei hathü shah teteivanei etuh: Shembüpai vangsho leipü ngünghen; Büpai büpalei daülangpü nyushing leipü vangmuk kei ngeü vamhen, hatü büpalei kahdok khüei büpai ngünghen. Nyalingngupai ngümpüthüi keiha büpai hapa kahdokei nyupüthü peü khüei lenhen.

ISAIAH 31:4

Shembüpai ngei kü hapakei enyüke: “Mailangi het yemei vaüshingkü, mi yombüthüi chemi vaülangmao, jom vaüpai shei mailang nenyempükei, nevaijü nenyülüppükei, Jeiyong Shembüpai Zion Kahshang, hatü haleipü shangtaothü nangkü hokhen yiükahen.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

ISAIAH 66:14

Ammi ha eetü ammei mongkü mongongkahen; ammei bümao phenha longpükei nyuhen, hatü hapai-üng Shembüpalei lakü büpalei chongphobüthü mü nyüke, hatü büpalei mongshih büpalei vepathü mü nyüke shei nyinghen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

MENVIH KESHO 118:16

Shembüpalei lakdah shaoshi haongnyüke, Shembüpalei lakdah phi-i wong kohpü douthü dükteke.

JOEL 3:16

Shembüpai Zion Kahshang leipü ngüngnyüke, hatü Jerusalem leipü lennyüke; kahdok vangsho kheünyüke. Shejao Shembüpayü laophülei nanglak loishing, hatü Israel nanglakthü sho joshing vaihen.

ISAIAH 37:32

mehenangkü Jerusalem leipü aopü khong hük, hatü Zion Kahshang leipü yangpü khong hük vamkahen. Shembüpa nyakpükenpai hapa dükhen.”

ISAIAH 63:15

Nüngei daülangpü hatü müknyinshekhangpü nyushing vangsho leipü ham kü veishih. Nüngi nyakpükenpü hatü nüngei wong melei nyüpa? Nüngei phahji yahyang hatü bampü ham toueipü shonglangteke.