ISAIAH 42:1 - DAÜLANGPÜ LAIHING (BSI)

¹ Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

ISAIAH 42:1 Referans Kwoze

LUK SHAHSHA APPÜ 3:22

hatü Laangha Daülangpü athuba kei yiüei büpa kü bak, hatü vangsho leipü ngeü hük vamei, “Nüngü ngei bampü Ha; ngei nüng kü mong hahnyeih” shei e.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

ISAIAH 52:13

Veituh, ngelei chongphobüi kon kohshi dükkahen; Büpayü longei shangei anshihhen, hatü dhüm longi shuohhen.

PHILIPPI 2:7

shejao laophü nying kong leiyei chongphobü hükei nyingnyoi yah-ei hangku lepü kü bühteke. Hatü hangku nyingnyoi keiha hangku leitü,

ISAIAH 43:10

Amü ngelei denbüthü, ammi ngei nyinghen, hatü hinglemhen, hatü ngeiyü Kahvang shei nyinghen shingvaishi ngeijepü ngelei chongphobüthü shei Shembüpai enyüke. Ngei mü lenei üpa kahvangao nenyuham, nevaijü ngei mü üpa kahvangao nechongkahen.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

1 PETER 2:4

Hangkui yaktükjao Kahvangi jepü hatü büpa touei douvang yangnyuyem yaong, büpa touei peituh;

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

ISAIAH 41:8

Shejao nüng, Oh Israel, ngelei chongphobü, ngei jepü Jakob, ngelei mongjempa Abrahamei hühihathü,

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

EPHESIA 1:4

Mehenangkü büpai kahdoknyü lingshekü büpa touei daülangi hatü eela neshiüi bampü kü nyuhen shingvaishi jen jepeih.

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

1 PETER 2:6

Laihingi ha enyüke: “Veituh, ngei Zionlei jetükpü, hatü douvang yaong hük tuhnyeih, hatü üpai büpa kü hinglem, mechemao veü neponghen.”

PHONGSHANTHÜ DOU 28:28

Hanangkü am kü ha nyinghünyeih, Kahvangei yemleipeyü Kung am touei shompü khih; jomi ha bangkahen.

PHONGSHANTHÜ DOU 9:15

Shejao Shembüpai büpa kü, “Heihtuh, mehenangkü ngei büpayü Kung am, ongthü hatü Israel nanglakthü touei ngelei men nyinghühen shingvaishi ngei büpayü hadir hük vaishi jetepih.

LUK SHAHSHA APPÜ 9:35

Hahepak kü phum leipü ngeü hük vamei, “Hapayü ngei bampü Ha; büpai epü bangtuh” shei e.

ZEKHARIAH 3:8

“Shaang bangtuh, Oh Joshua ngongchong, hatü nüng touei uoshi nyupü nüngei küphüthü, amphongü ngoikahen dou nang nyangeihepü nyüke: Ngei chongphobü, üpa kü Kao shei nyüknya, shakei ngaiphahen.

ISAIAH 2:4

Büpai longpü jatthü aa kübü shah phenhen, hatü nanglakthü depülaopü dohhühen. Jomi jomei yanluthü hanshong vaiyei penglanghen, hatü jomei phungthü ajap vaiyei juplanghen. Jat hüki hük khüei nehokhen; hajük kü hokhen netemhen.

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

JOHAN 16:32

Hepak ngoikünyüke; hingmei ha ngoiteke; ammi ngei mon tuhphongtü laophü laophülei shemei yandaikemhen. Shejao ngei mon nevai Opayao ngei mü nyüpeih.

JOHAN 6:27

Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.

MALAKI 1:11

Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.

ISAIAH 32:16

Yinghilong mongkü shahhing nyuhen, hatü betjük jükpü kah kü daülangshemshepü nyuhen.

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

LUK SHAHSHA APPÜ 4:19

Shembüpai bampü bongthü baonghen ngei shompeih.”

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

ISAIAH 41:9

ngei amphongü kahdok dohpü leipü müei leipeih; ngei tailu kahdok vaungjung leipü am nyükpeih, hatü ngei amphong kü, “Amphongü ngelei chongphobü; ngei amphong jepeih, hatü ngei amphong neyakphongpih” shei epeih.

ISAIAH 42:2

Büpai chingyangshongei vaüei-eeyei, leneiwongei nevaijü shahwong eyei nenyukahen.

HAGGAI 2:23

Shembüpai enyüke: “Hapa nyih kü ngei nüng yahhen, Oh Zerubbabel, ngei chongphobü Shieltielei cheha, shei Shembüpai enyüke, hatü ngei nüngü ngelei anguti hük keiha leihühen; mehenangkü ngei nüng jetepih shei Jeiyong Kahvangi enyüke.”

MENVIH KESHO 72:4

Ongpai taopathülei shah jiüshi phenhen; nehahneyingpüthü kü sheühhen, hatü mih kü shüveipüthü ngümtükhen.

MENVIH KESHO 89:4

Ngei nüngei hühihathü den shing chonglingei tuhhen, hatü denshem peü kü nüngei ong uoshing lingei tuhhen.

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

ISAIAH 63:1

Laophülei ashakviha kü iy hoidaitü Edom hatü Bozrah leipü peiküpü üpaang? Ow meishi owtü laophülei wong kemei mokei peiküpü üpaang? Hapayü Shembüpa ngei, yanghen wong kohpü, büpa aokpü baongei peikünyüke.