ISAIAH 41:8 - DAÜLANGPÜ LAIHING (BSI)

⁸ Shejao nüng, Oh Israel, ngelei chongphobü, ngei jepü Jakob, ngelei mongjempa Abrahamei hühihathü,

ISAIAH 41:8 Referans Kwoze

JAKOB 2:23

Hapakei Laihing jiühüteke shei enyüke: “Abrahami Kahvang kü hinglem, hatü hapai büpa kü daülangpü shei ieyeilem, hatü büpa kü Kahvangei mongjempa shei nyük.

2 SHÜPPÜKENGPÜ 20:7

Oh hamei Kahvang, nüngi nüngei Israel nanglak toueipü hapa kahdok kü nyupü am nechangtükangpü je, hatü nüngei küphü Abrahamei hühihathü kü den shing neshuohangpü je?

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

ISAIAH 51:2

Ampa Abraham hi am bühpü Sarah nyi kü veituh; Ngei mechem büpa kü nyükpa, büpa hapeü nenyuham, shejao ngei büpa kü moihiman, hatü hühiha longi dahüpeih.

ISAIAH 44:21

Hathü deih-ei dangtuh, Oh Jakob, amphongü ngelei chongphobüthü, Oh Israel. Ngei amphong lingpeih; amphongü ngelei chongphobüthü; Oh Israel, ngei amphong nebetükpih.

ISAIAH 29:22

Hanangkü Jakob phang nangkü Abraham angei leipü Shembüpai hapakei enyüke: “Hajük kü Jakob veü nepongpih, hajük kü jomei dhe nehaipih.

MENVIH KESHO 33:12

Kahvangü üam jatei Shembüpa nyu, hatü büpai laophülei mükjüp vaihen jepü nanglakü moihimanpü!

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

MENVIH KESHO 135:4

Mehenangkü Shembüpai Jakobü laophü shing, hatü Israelü büpalei lompü vaishi jelangteke.

JEREMIAH 33:24

“Hathü nanglaki, ‘Shembüpai jehahpü ongching nyi büpai yaktükteke’ shei epü nüngi nedanangpü je?” Hanangkü jomi ngelei nanglak kü ne-ienelem hatü jat hük kei nedeihnyu.

ISAIAH 48:12

Ngei nyüklangpü, Oh Jakob, hatü Israel, ngei epü bangtuh: Ngeiyü Kahvang; Ngeiyü chongpangpü hatü dohpü.

MATHI 3:9

Ammi laophü nyingi, ‘Abrahamü hamei bü’ shei te-ehah; mehenangkü Kahvangi hathü yaong kübü yah-ei Abraham shing hapeüthü vamhüaokhen hih.

ISAIAH 63:16

Abraham hatü Jakobi ham nenyingjao, nüng hamei Pa; Nüngü, Oh Shembüpa, hamei Pa; Aivang den mebü nüngei menü ham Yangbü.

ISAIAH 49:3

Büpai ngei kü, “Nüngü ngelei chongphobü Israel, nüng homei ngei müknyinshekhanghen” shei ephopeih.

SHAHKÜP 10:15

Shejao Shembüpai ammei bühipa kü ahshi-üng bampü nangkü büpai lebü jatthü shak kü am jepü khih hatü shaang thahshi amphongü büpai jelangpü nanglak nyüke.

LEVI 25:42

Mehenangkü Israel amü ngei Ijip leipü müei leipü ngei chongphopüthü nyüke. Jomü aa leshi nenyuhen.

MENVIH KESHO 105:6

Oh büpalei chongphobü Abrahamei hühihathü, Jakob hapeüthü, büpai jelangpüthü.

GALATIA 3:19

Shejema shahkungnyülei mükhongü meheang? Pungpeyü meheang ha huhen shingvaishi shuohpeih, hatü hapayü lahpü shuohpü Abrahamei Li peipü thahshi nyuhen. Hapa shahkungü vangsho phongshani lembü hük homei shuohhen shuohpeih.

MENVIH KESHO 136:22

büpalei chongphobü Israel am kü mükjüp, büpa bampü den kü nyunyeih;

ISAIAH 14:1

Shembüpai Jakob kü shinshangei deihhen, hatü shao chem büpai Israel am jehen, hatü büpai jom jomei kahdokei chingchingei nyuhühen. Kung amao jom mü shephen, hatü Jakob phang mü mongjemhen,

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

ISAIAH 42:19

Ngei shompü ngelei nanglak keiha mükphüngdaipü nevaijü aangdaipü üpa nyüpa? Ngei kü lanei shuohtükpü keiha, nevaijü Shembüpalei chongphobü keiha mükphüngdaipü üpa nyüpa?

ISAIAH 43:5

Am tenyem; mehenangkü ngei am mü nyüpeih; Ngei ammei hühihathü heong leipü leilanghen, hatü heshüphi leipü thailanghen.

ISAIAH 43:10

Amü ngelei denbüthü, ammi ngei nyinghen, hatü hinglemhen, hatü ngeiyü Kahvang shei nyinghen shingvaishi ngeijepü ngelei chongphobüthü shei Shembüpai enyüke. Ngei mü lenei üpa kahvangao nenyuham, nevaijü ngei mü üpa kahvangao nechongkahen.

ISAIAH 45:4

Ngei chongphopü Jakob, hatü ngei jepü Israel amei men kü, nüngi ngei nenyingjao ngei nüng kü men homei nyükpeih.

MALAKI 1:2

Shembüpai enyüke, “Ngei am kü bamnyüpeih.” Shejao, “Nüngi ham kü mekei bamnya?” shei ammi enyüke. Esau-ü Jakobei chejei nevaipü je? shei Shembüpai enyüke. Halangmao ngei Jakob kü bam,

1 SHÜPPÜKENGPÜ 16:13

Oh büpa chongphopü Israelei hühihathü, Oh büpai jepü Jakobei hapeüthü.

MENVIH KESHO 136:21

hatü jomei kahdok mükjüp vaishi shuohtükpeih, büpa bampü den kü nyunyeih;