ISAIAH 41:2 - DAÜLANGPÜ LAIHING (BSI)

² Üpai heongphi leipü hampa hük vamhütü laophülei dousho shing nyükpa? Büpai jatthü büpalei lak kü shuohnyeih, hatü ongthü büpalei la-i shouptüknyeih; Büpalei yanlui jomphongü bhihla leitüknyeih; büpalei lahhani hahbhang vanglüki deipükei deilangnyeih.

ISAIAH 41:2 Referans Kwoze

ISAIAH 45:1

Shembüpai laophüi jehahpü Cyrus, üpalei lakdahphi kü büpa touei neütükhen, hatü ongthülei wong komtükhen, hatü shem shaden küppü aphen shomnya, büpa kü hapakei enyüke:

2 SAMUEL 22:43

Ngei jomü kübhih leishi nihtük; Ngei jomü chingshong leipü nyaühut kei nyeüei shuoptük.

ISAIAH 46:11

Heongphi leipü shennyak hük ngei nyüknyüpeih; Büpa alang keiha laongkahen; ngei mehe tem, ha jiükahen.

ISAIAH 41:25

Pehephi leipü hük ngei vamhüpeih, hatü büpa pei; büpayü heongphi leipü men homei nyükpeih. Büpai vanglem lembüthüyü shemshak kü shihtü shütükhen; dük shükbüi ashem kü nyeüpükei nyeütükhen.

ISAIAH 40:24

Jomphongü shaang shompü nevaijü haiphongpü sheili kahdokei tünglang yiüei pangpü keiha nyüke. Mechem Shembüpai vanglük shomhen, jom kaudainyüke, hatü hahbhang keiha alüngleple-i jom maoei lüdainyüke.

EZRA 1:2

“Persia ongpa Cyrus-i hapakei enyüke: Shembüpa, vangsho Kahvangi ngei kü kahdoknyü ongchingthü peü shuohteke, hatü Judah kahdok Jerusalemei büpa shingvaishi phopshem hük vehen ngei jeteke.

ISAIAH 45:13

Ngei daülangshemshepü kü ngelei mükhong jiühühen, hatü douthü jiüshi linghen nangkü ngei Cyrus vamhüpeih. Ngei büpalei lemthü peü kangshangi linghen; büpai ngelei chingnyü Jerusalem ne-ei lingei leihen, hatü wüpküpei nyupü ngelei nanglakthü bümei leihühen. Üpaiyao büpai hapa dükhen nangkü lat neshuoh, nevaijü yawhdou neshuoh” shei Jeiyong Shembüpai enyüke.

2 SHÜPPÜKENGPÜ 36:23

Persia ongpa Cyrus-i hapakei enyüke: “Shembüpa, vangsho Kahvangi kahdoknyü ongching peü ngei kü shuohteke, hatü büpai Judah kahdok Jerusalemei laophü shing phopshem hük vehen ngei jeteke. Am mü büpalei nanglak üam nyüpa, jom leishihtuh; Shembüpa, jomei Kahvang jom mü nyemnyu!” shei e.

HEBREW 7:1

Hapa Melkizedekü Salem amei ong, hatü Chaipüba Kahvangei ngongpa nyuteke. Ong ali neütüktü Abraham leijapü pongei büpai moihimanshuoh,

2 ONGPATHÜ 13:7

Hanangkü koyei veshan pinyipüan, koyei khari an, hatü la mü daiyei hokpü veshan haja an mü lenei Jehoahazlei veshan lebü ne-ao; mehenangkü Aram ongpai kübhih leishi shuopei mahtükkem.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 11:31

Terah-i cheha Abram, chehü Lot, Haranei cheha, hatü cheha Abramei nyüha Sarai müei Babylonia kahdok Ur ching tuhtü Kanan kahdokei layaongei dai, shejao jomphong Haranei nyu.

SHAKEI VAMPÜ 7:2

Hahepak kü ngei lebü vangsho phongshan hük vanyangyem Kahvangei füoshang notü heongphi leipü vamkei-i ee. Büpai kahdok hatü yungching mangtükhen ngan shuohtükpü vangsho phongshan ali kü ngeüwong anei nyüktü,

SHAKEI VAMPÜ 16:12

Vokpabü vangsho phongshani büpalei nükshung longpü Euphrates yungyen kü khüp, hatü heongphi leipü ongpa kü lem temhen shingvaishi hapa yung jepdai.

ISAIAH 41:3

Büpai jomphong kü changei dainyeih, hatü kahdok kü la-ao meishi neshoupi longi shülangshi, shejao huluh püchong neheüi dainyüpeih.

ISAIAH 42:6

Ngei, Shembüpai amphongü daülangshemshepü kü nyükpeih; Ngei ammei lak kü khaaihen. Ngei amphongü nanglakthü shing vangpüshuwpü hük, hatü kung am shing vangngai hük leihühen.

ISAIAH 48:15

Ha epeyü ngei hih, ngeiyü büpa hih. Ngei büpa müei leipeih, hatü büpa daipü dousho kü aokpü danghühen.

YOUNG LAI 1:15

Shembüpai ngelei veshanthü kemei yahlak neshiüi leitük; Büpai ngelei nethethü, hatü ngelei Judah nelathü nyalingngupai kü kei ngümtükhen veshanthü shom.