ISAIAH 40:9 - DAÜLANGPÜ LAIHING (BSI)

⁹ Kahshang shaopülei aongtuh, Oh Zion, shahjang meipü baongeishuoh; Wongmü ngeüwong antuh, Oh Jerusalem, shahjang meipü yaneishuoh. Nyempü neshiüi etuh; Judah jilathü kü, “Ammei Kahvang peikünyüke” shei eyeishuoh.

ISAIAH 40:9 Referans Kwoze

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

EPHESIA 6:19

Mechem ngelei ju kübü shah vamei ehen, monglongshi hapa shahjang meipü shahjo nyinghühen nangkü ngei kü shahjang yahphahen shingvaishi ngei shingao phopshih.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

1 PETER 3:14

Shejao ammi jiüpü dükpü kü shangpongjema, am moihimanpü. Jomi mehe kü nyem, ha kü ammi tenyem, nevaijü tehan,

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

ROM SHAHSHA APPÜ 10:18

Shejao ngei phenyeih: Jomi nedanangpü je? Hih, jomi danphei. “Jomei ngeü kahdoknyü peüei daiteke, hatü jomei shahthü kahdoknyü dohpü ngoiteke.”

PHONGSHANTHÜ DOU 4:29

Shaang, Shembüpa, jomi nyem shaopü kü veihümao, hatü nüngei chongphobüthüi mong longei nüngei shah ehütuh.

PHONGSHANTHÜ DOU 4:13

Shaang mechem jomi Peter hi Johan nyi mong longpü eepa, hatü jijiyü lai nemanpü jiüjiü shennyak shei nyingpa, jomphong thama, hatü Jisu mü nyuhampü nyi khih shei nying.

PHONGSHANTHÜ DOU 2:14

Shejao Peter, anpühük mü yaongtü ngeü anei jomphong kü eteke, “Jempü Jehoda am hatü Jerusalemei nyupüthü, ammi ha nyingtuh hatü ngei mehe enya, ha banghümao.

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

JEREMIAH 22:20

Jerusalem nanglakthü, Lebanonlei aongei leneishuoh, hatü Abarimlei ngeüwong anpü Bashanei danhütuh; mehenangkü nüngei küphüthü mih-i neütükteke.

ISAIAH 58:4

Veituh, amphong shüaeiyunglepeyü, deyeilaoei, üpteilenteiyei, hüki hük kü lak shihteiyeidohnyüke. Am shinnyihpü keiha shüaeiyunglepai ammi phoppü shang Kahvangi nedanlangphapih.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

ISAIAH 41:27

Zion kü hapa jung shongei epü, hatü Jerusalem kü shahjangmei shuohpeyü ngei hih.

2 SHÜPPÜKENGPÜ 13:4

Hapheikü Abijah-i Ephraim phaüshang kahmük Zemaraim kahshangei yaongtü, “Ngei epü bangtuh, Jeroboam hatü Israel am peü!

SHAHPHENBÜTHÜ 9:7

Mechem Jothami hapa jung danpa, büpai Gerizim Kahshangei heih-ei wong mü lenei jomphong kü, “Ngei epü kü bangtuh, am Shekhem shennyakthü, shejüang Kahvangiyao ammi epü bangkahen.

ISAIAH 1:1

Judah kü Uzziah, Jotham, Ahaz hatü Hezekiah hathüi ong vaipü hepak kü Amozlei cheha Isaiah-i Judah hatü Jerusalem nangkü eepü manghkhang.

ISAIAH 35:2

Kolap chü keiha hapa punghen; hapa longi mongonghen hatü mongongpai lenhen. Lebanon amei müknyinshekhang, Karmel hatü Sharon nethe meipü hapa kü shuohhen. Jomi Shembüpalei müknyinshekhang, hatü jenei Kahvang nethe meipü eehen.

ISAIAH 44:26

Shejao mechem ngelei chongphobüi teteivanei ehen, mechem ngelei küpjan shakei vamhühen shingvaishi ngelei chongphobü shomhen, Ngei hathü tetshahvanshah hatü küpjanthü jiühünyeih. Shennyakthü shao chingchingei nyuhen shei ngei Jerusalem kü enyeih, hatü Judah chingnyüthüao shao ne-ei leiyei linghen, hatü beneilangei nyupü shao ngei lingei leihen.

JEREMIAH 29:11

Am shingvaishi ngei tempü küpjan ngei nyingei nyüpeih shei Shembüpai enyüke; hayü am daeishehen küpjan, shejao am lomohhen nevai, am kü ngoikahen monglem shuohhen küpjan.

NAHUM 1:15

Antolei kahshangthülei chingmeivangmei shahjangmei kotü peiküpü shahjang kobü kü veihümao! Oh Judah nanglakthü, ammei monyü moha motuh, hatü ammi lahtükpü düktuh. Hajük kü nemeipü ami am shak kü neaokhüpih; Jomü chemjalak kü mahdaiteke.

ISAIAH 52:6

Hanangkü ngelei nanglakthüi ngelei men nyinghen, hatü hapa shah epeyü ngei khih shei hapa nyih jomi nyinghen. Hih, hapayü ngei hih.