3 Hüki nyükpü ngeü: ‘Amphongi jahpandok kü Shembüpalei lem temtuh; Jenei Kahvang shingvaishi jahpandok kü lemnyüshong hük kangshangi lingtuh.
Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.
Büpai jangei Isaiah thibüi epükei, “Ngeiyü Shembüpalei lem kangshangi temtuh shei jahpanei lenpü ngeü hük hih” shei eteke.
“Lingtuh, lingtuh, lemnyüshong temtuh! Ngelei nanglakthülei lem kü bangpü peü nüngtüktuh” shei ehen.
Ngei douja hük düknyüpeih; shaang hapa vamkünyüke, ammi ha ne-eenyu je? Ngei bhih kahdok kü lemnyü hük lingkahen, hatü halei yungyenthü vamhühen.
hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.
Ngei kahshangthü kemei lemnyüshong linghen, hatü jom kamteihen lemnyü temhen.
Kahvang kü kesho lokeishuoh, büpalei men kü menvihpü loktuh. Phum shangkü uoei kamteipüba kü men vihtuh, hatü büpa touei mongongtuh.
Kahji peü longei anshihhen; Kahshang hatü shangtao peü kahji leihühen; Khappükhungpü kahdok peü ai jiüei leihen, hatü vakhivien kemei shingmeiji leidaihen.