ISAIAH 40:10 - DAÜLANGPÜ LAIHING (BSI)

¹⁰ Veituh, Shembüpa Kahvangü ngan mü peikünyüke, hatü büpalei laki vanglem lemnyüke; Veituh, büpai thintho kotü laophülei nanglakthü mü peikünyüke.

ISAIAH 40:10 Referans Kwoze

SHAKEI VAMPÜ 22:12

“Veituh, ngei lomi yiükünyeih; peü kü laophülei dou aimü shuohhen laklei ngei mü nyüpeih.

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

ISAIAH 49:4

Shejao, “Ngei angsha kü dou dükpü khih; Kong hatü angsha kü ngei ngelei wong tükpü khih” shei eshuohpeih. Shejao ngei nang ephahenü Shembüpalei lakmongei, hatü ngelei lakleiyü ngelei Kahvangei nyüpeih.

ISAIAH 59:15

Shahhing taodai, hatü üami mang tuhtüknya, jom-ang lomohnyüke. Shembüpai veiteke, hatü shahhing ne-eepü nangkü mongmangteke.

1 JOHAN 3:8

Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.

JOHAN 12:15

“Tenyem, Zion nela Veituh, ammei ongpa gadu dok shangkü uotü peikünyüke.”

MENVIH KESHO 110:6

Büpalei jatthü kü shahphenhen, mahmahngi mahühen. Büpai kahdoknyü bahiyang peü kübü ongthü neütükhen.

HEBREW 2:14

Hanangkü hashihthüi iy hatü phai kü hean yahpükei büpai laophü nyingi jom kei hangku nyingnyoi yah. Büpai hapayü büpa dipü homei dipü shak kü wong nyupü Kahshih mahtükhen nangkü dükpeih,

JOHAN 12:13

Hanangkü jomi phenhavunglak bhagei büpa mü pongteinüng, “Hosanna! Üpa Shembüpa, Israel Ongpalei men kü peikünya moihimantuh!” shei lenyaki peiteke.

ISAIAH 53:12

Hanangkü ngei büpa kü longpüthü mü büpalei phaihan shuohhen, hatü büpai wong kohpüthü mü hean hanteihen; Mehenangkü büpai laophülei yangnyu dihen shuoh, hatü mangthü mü bhei-ie kü shih; Shejao büpai mangthü peüei mang kolang, hatü mangthü shingvaishi phop.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

ISAIAH 28:2

Veituh, Shembüpalei wong kohpü pahük nyüke. Hapayü shü ompü vanglük, hatü yingtetlongshaipü vanglük kei wong kohpü yinglükleisho, hatü bünghiyang lenhüpü vang keiha büpalei laki hathü kahdokei shomhen.

ISAIAH 33:2

Oh Shembüpa, nüngi ham kü phahjishih; hami nüng omdannyeih. Nüngü nepjeih hamei wong, shanghah hepak kü ham yangbü vaikei.

ISAIAH 51:5

Ngelei yemleipü shülangi yopailei koei peikahen, ngelei yemleipü peikünyüke, hatü shahhingi ngelei laki jatthü kü shahhingi vanglem lemhen; Yungkungei nyupü kahmükthüi ngei om veihen, ngelei laki jom yangshuohhen shei monglemei dannyüke.

ISAIAH 59:16

Ponghahpüthü kü khüambakhen üpayao neshiüpü eeyei büpa thamanyüke; Hanangkü büpai laophülei ngani jom yanghen hatü aokpü danghühen.

ISAIAH 59:18

Jomei dou aimü büpai nyokei shuohhen; büpalei vepathü kü mongshih, hatü hanghi shuohhen, yungkung kahdokei nyupüthü kao hapa hanghi shuohhen.

ISAIAH 63:5

Ngei sheühbü yemshingkü hükao nenyuang, ngei kü haohphahen veijü üpayao nedangang; Hanangkü ngelei mongshih-i ngei wong kohhü, hatü ngelei laki monha aokpü dangpeih.

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

JEREMIAH 31:16

Shembüpai hapakei enyüke: “Nüngi theppü ngeü dohtuh, hatü mükphi thittüktuh; mehenangkü nüngei dou nangkü laklei nyüpeih” shei Shembüpai enyüke. “Jomphong vepa kahdok leipü nyokei leikahen.