ISAIAH 40:1 - DAÜLANGPÜ LAIHING (BSI)

¹ Nyiushem meituh ngelei nanglakthü nyiushem meituh shei ammei Kahvangi enyüke.

ISAIAH 40:1 Referans Kwoze

2 KORINT 1:4

Jeni Kahvang leipü dangpü nyiushemmei yah-ei shangpongei nyupüthü nyiushem meihühen shingvaishi büpai jen shangpong kü nyiushem meihünyeih.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

ISAIAH 51:3

Mehenangkü Shembüpai Zion nyiushem meihühen, hatü lavüngtoiyei tuhphongpü shingthü kü phahjiei veihen; Büpai jahpan kemei Eden pemong keiha, hatü bhih kahdok kemei Shembüpalei pemong keiha leihühen; Mongongmongle, menvih shuohpü, hatü kesho lokpü ngeü pinnyü kü eehen.

1 THESALONIKA 4:18

Hanangkü hathü shah-i hüki hük mü mongnang thongteituh.

ZEKHARIAH 1:13

Hahepak kü ngei mü shah eteipü vangsho phongshan kü Shembüpai mongyang shah eyei jangshuohteke.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

ISAIAH 60:1

Paotuh, Jerusalem, hatü vanghenyü keiha nyatuh, hatü Shembüpalei müknyinshekhang am kü khangnyüke.

ISAIAH 12:1

Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

ISAIAH 52:9

Chemi mongongpai kesho loktuh, Oh bendailangdaipü Jerusalem; Mehenangkü Shembüpai laophülei nanglak nyiushem meihüteke, büpai Jerusalem angei leiteke.

ISAIAH 41:27

Zion kü hapa jung shongei epü, hatü Jerusalem kü shahjangmei shuohpeyü ngei hih.

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

MENVIH KESHO 85:8

Kahvang Shembüpai mehe ephahen ngei ha bangshah; mehenangkü büpai laophülei nanglak kü mong kempai hinglemei büpa touei leppüthü kü chingmei shah ehen.

NEHEMIAH 8:10

Hapheikü Nehemiah-i hathü kü, “Shemei leituh, hatü meipü hahying hahtuh; vüngnyangpü yiü yingtuh. Ammi nükhiyiü neshiüpü am kao hanei shuohtuh. Shinnyih-ü Shembüpa kü daülangpü nyih; hanangkü mongteshang, Shembüpai shuohpü mongongü ammei wong” shei eteke.

ISAIAH 61:2

Shembüpai phahjipü bong, hatü jenei Kahvang bhüh yemhen nyih baonghen; mahng theppüthü nyiushem meihühen,

EZEKIEL 16:42

Shejüang ngei am kü mongshihpü hüshemhen hatü ngei am kü mükhakpü dohdaihen; ngei nenmü nyudaihen, hatü hajük kü mongneshihhen.

MENVIH KESHO 85:3

Nüngi jom kü mongshih vampü dohdai, hatü nüng mongpuk vampü kübü shümei tuhlang.

CHONGVENBÜ 3:4

thephen hepak hük, hatü nyihen hepak hük; mahng thephen hepak hük, hatü phaukteihen hepak hük;

ZEKHARIAH 1:17

“Shao ha baongtuh: Jeiyong Shembüpai enyüke: Ngelei chingnyüthü shao mophimo-i aüh-ei yenhühen, hatü Shembüpai shao Zion nyiushem meihühen hatü shao Jerusalem jehen.”