ISAIAH 4:3 - DAÜLANGPÜ LAIHING (BSI)

³ Zionlei tuhpüthü, Jerusalemei aoei yemmü men nyangei nyupüthü peü kü daülangpü shei nyükhen.

ISAIAH 4:3 Referans Kwoze

LUK SHAHSHA APPÜ 10:20

Shejoongpa, mang laanghathüi amphong kü bangpü nangkü mongte-ong, shejao vangsholei ammei men nyangei nyupü kü mongongtuh” shei eteke.

SHAKEI VAMPÜ 21:27

Shejao halei nedaünelangpü, nevaijü jiühitnalai dou dükpü nevaijü shahshem meheyao neshüaokhen, shejao Mi Chehalei yangnyu laitap kü men nyangei nyupüthü mon shühen.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

MENVIH KESHO 69:28

Jom yangnyu laitap kübü thittüktuh; daülangpüthü mü jomei men omei tenyang.

SHAKEI VAMPÜ 20:15

Hapa yangnyu laitap kü men nyangei nenyupüthü hapa aw shemyungei shüktükteke.

SHAKEI VAMPÜ 17:8

Shelei nyupü nüngi eepü yemha, shaang nenyu; pinnyü shaongdoh neshiüpü kahsha leipü vamei mahhen temei daikahen. Kahdoknyü kü nyupü shennyakthü kahdoknyü chongnyiam lingshekü üamei men yangnyu laitap kü nyangei nenyu, hathüi yemha kü veitü yashanhen. Mehenangkü ha shelei chem nyu, shaang neshiü, pheilei shao vamkahen.

SHAKEI VAMPÜ 13:8

Kahdoknyü kü nyupü peü, üamei men jütükpü Mi Chehalei yangnyu laitap kü kahdoknyü chongpanghinüng men nyangei nenyu, hathüi hapa kü khümhen.

SHAKEI VAMPÜ 3:5

Ammi vehok neüjema, amphongao jomphong kei shola ow owhen, hatü ammei men vanyangyem laitap kübü nethittükhen; ngei ammei Opa hatü büpalei vangsho phongshanthü touei lahhen.

HEBREW 12:14

Shennyak peü mü chingmei kü hatü daülangi nyuhen kentuh; daülangi nenyuphei kü üpaiyao Shembüpa ne-eehen.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

PHILIPPI 4:3

Hih, ngei am kao phenyeih, ngei mü pang hük paipü, hapa nyüha nyi kü sheühtuh; mehenangkü shahjang meipü dousho nangkü ngei mü jiji hatü Klement hatü chemi chongphopüthüi kheyei düktepih, hatü jomei men yangnyu laitap kü nyangei nyüke.

ROM SHAHSHA APPÜ 11:5

Hanangkü shaangao phahjipai jelangpü aopüthü nyüpeih.

EZEKIEL 43:12

Hapayü phopshem shahkung. Ha kü shinpü moidoi peü shangching thahshi longi daülangpü vaihen.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

EPHESIA 1:4

Mehenangkü büpai kahdoknyü lingshekü büpa touei daülangi hatü eela neshiüi bampü kü nyuhen shingvaishi jen jepeih.

PHONGSHANTHÜ DOU 13:48

Mechem Kung ami ha danpa, jom mongong hatü Kahvang shah kü menvih shuoh, hatü meshüki yangnyuyem danghen je, vaipü am leiteke.

EZEKIEL 13:9

Ngelei lak nejiüpü manghkhang eepüthü hatü shahshemi tetpüvanpü epüthü khüei nyüpeih; henüng keipü shennyakthü ngelei nanglakthü mü shahdep kü ne-omhen. Israel amei bühü men nyangpü laitap kü neshüaokhen; hathüi Israel kahdokei nyokei neleiaokhen. Shejüang ammi ngeiyü Shembüpa Kahvang khih shei nyinghen.

ISAIAH 1:27

Zionü shahhingi hatü halei nyupü mong leppüthüyü daülangshemshepai angei leihen.

ROM SHAHSHA APPÜ 11:4

Shejao Kahvangi büpa kü mehe shahnyok shuohpa? “Ngei laophü shing Baal kahvang kü aümei nekhümpü shennyak haja nyet tuh-ei nyüpeih.”

MENVIH KESHO 87:6

Büpai nanglakthü men shüshingkü büpai, “Hapayü hatouei bühpeih” shei nyangei tuhnyüke.

ISAIAH 28:5

Hapa nyih Shembüpayü aoei nyupü shennyakthü shingvaishi müknyinshekhangpü chüyük, hatü nethe meipü ong athen vaihen.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

ISAIAH 46:3

Ngei epü bangtuh, Oh Jakob phang, hatü Israel am phang aopüthü. Am wom mongei nyushi mebü, hatü bühhinüng ngei am poh-ei jungei angpeih.

ISAIAH 62:12

Amphong keyü, “Daülangpü Nanglak, Shembüpai yanglangpüthü” shei nyükhen; hatü Jerusalem kü, “Yemei Dangpü, Kahvangi Neyakphongpü Chingnyü” shei nyükhen.

JOEL 3:17

Hanangkü ngeiyü Shembüpa, ammei Kahvang, Zion, ngelei daülangpü kahshangei nyunyeih shei ammi nyinghen, hatü Jerusalemü daülangpü shing vaihen, hatü kong ami hajük kü ha ching nehahhen.

OBADIAH 1:17

Shejao Zion kahshangei yangpüthü hanei nyuhen, hatü hapayü daülangpüthü vaihen; hatü Jakob am phangi hapa mükjüp kahdok lomlanghen.

MALAKI 3:16

Hahepak kü üami Shembüpa kü nyemnya, jom hüki hük mü eteinyüke, hatü Shembüpai bang, hatü ha danteke. Büpa nyupü shingei deihen shingvaishi laitap hük kü Shembüpa kü nyempüthü hatü büpa kü dhüm shuohpüthülei men nyangteke.

ISAIAH 6:13

Phaihan an kü hük hapa kahdokei nyujao, hapayü shao lavüngtoiyei leihen, shejao büpayü longkhampü agtükjao pütüng kahdokei aopükei nyuhen. Kahdokei pütüng aopeyü daülangpü li vaihen” shei eteke.

ZEKHARIAH 14:2

Mehenangkü Jerusalem khüei hokhen shingvaishi ngei jatthü peü thaihen, hatü hapa chingnyü yahlanghen, koyeithü gühlanghen, hatü nyühathü shülanghen; chingnyü hükkei shing wüpküpei yah-ei daihen, shejao aopü nanglakthü hapa chingnyü kübü neyahlanghen.