ISAIAH 4:1 - DAÜLANGPÜ LAIHING (BSI)

¹ Hapa nyih kü nyüha nyeti baha hük kü shongtü, “Hami hamei hahying hahshah, hatü büm-ow kemei hamei-üng owshah; shejao hamphongü nüngei shembünyü shei mon nyükhahshah. Shem neyemangpih shei eshi veüei nyuhen mon nüngi yahlangshih” shei ehen.

ISAIAH 4:1 Referans Kwoze

KAHBHAO 30:23

Pinnyü büm nekongi lei, hatü yeshang hük büh, hatü pinnyüi, “Kahvangi ngei kü lohpü yahlangteke” shei e.

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

ISAIAH 13:12

Daülangpü hon meyü shennyakang kompüba, Ophir hon meyü hangkuang maanpüba leitükhen.

LUK SHAHSHA APPÜ 21:22

Mehenangkü hathüyü nyangei nyupü peü jiüei bhüh yempü nyih.

LUK SHAHSHA APPÜ 1:25

“Shembüpai ngei kü ha dükpeih, hatü büpai ngei kü phahjiyei vei, hatü ngelei nanglak khongkü ngei ponghahpü mongmang büpai yahlang” shei pinnyüi e.

2 THESALONIKA 3:12

Hapa keipü shennyakthüi chongkhenei nyutuh hatü jomei shünyü langei nyutuh shei Shembüpa Jisu Khrista kü hami shahkung shuoh-ei enyeih.

ISAIAH 17:7

Hapa nyih nanglakthüi jom Lingbü yemhen, hatü Israel amei Daülangpü Hük kü veihen.

ISAIAH 10:20

Nyih hük Israel am aopüthü hatü Jakob am phang yangei nyupüthüi jom mahtükpüthü kü mong nenyanghen, shejao hingmei mü Shembüpa, Israel amei Daülangpü Hük kü mongnyanghen.

1 SAMUEL 1:6

Mehenangkü Shembüpai pinnyü nyülan leitükpü nangkü pinnyü mü chemi nyupü nyüha-i pinnyü kü longi ne-ienelemi shüvei.

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

ISAIAH 3:6

Shennyak hanei-i laophülei jeihinaü jütepü, “Nüngei lakei ashak dok-üm dangkao nyupai, hapa keiha shanghahpü nyih kü hamei mübü vaikütuh” shei ehen.

ISAIAH 54:4

Tenyem, mehenangkü am veü nepongpih; mongteshang, amphong hangnehipih; Mehenangkü am thehila hepak kü veütükpü betükhen, hatü am vaümnyü vaiyei tuhphongpü deih-ei nedanghen.

JEREMIAH 15:8

Yungching bhihhiphang mao nyeishi ngei vaümnyü longi vamhühen. Heshotapa kü ngei thehilathülei nyüthü khüei jühen am müei peihen. Ngangahük kü ngei jom kü shanghah hatü nyemhihan koei peihen.

2 SAMUEL 6:23

Saulei yiükha Mikhalü dipü thahshi hapeü nebüh.