ISAIAH 39:8 - DAÜLANGPÜ LAIHING (BSI)

⁸ Hahepak kü Hezekiah-i Isaiah kü, “Nüngi epü Shembüpalei shah-ü meiangke” shei e. “Ngelei nyih kü chingmeivangmei kü lakbowlayangei nyuhen enyu vaaishang” shei büpai deihteke.

ISAIAH 39:8 Referans Kwoze

2 SHÜPPÜKENGPÜ 32:26

Shomshi Hezekiah hatü Jerusalem nanglakthüi jom changmeipü nangkü maanpü lei; hanangkü Hezekiahlei nyih kü Shembüpa mongshihpü jom kü nepei.

2 SHÜPPÜKENGPÜ 34:28

Ngei ambü ampa touei deishihhen, hatü nüng chingmeivangmei kü dihühen; ngei hapa shing hatü haleipü nanglakthü kü koei peipü shanghah nüngei müki ha ne-eehühen” shei e. Jomphongi ha shahjang koei ongpa touei leiteke.

1 PETER 5:6

Hanangkü Kahvangei laklu wong longpü phangkü am maanpü leituh; shejüang hepak jiüpü kü büpai am longei anshihhen.

ZEKHARIAH 8:19

Jeiyong Shembüpai hapakei enyüke: “Len alipabü, ngapabü, nyetpabü hatü anpabü shüaeiyunglepeyü Judah am shingvaishi mongongbenüng hepak hatü mongongpü mohitap vaikahen. Hanangkü shahhing hatü chingmeivangmei kü bamtuh.”

ZEKHARIAH 8:16

Hathü dou ammi dükhen vongbong: Hüki hük mü shahhing eteituh, hatü shahphen shingei chingmei shingvaishi shahhing hatü jiüpü shahphen shuohtuh,

YOUNG LAI 3:39

Jenei mang nangkü hanghi pongshingkü mehekei jeni eelahenang?

YOUNG LAI 3:22

Shembüpa bampü longpü, mechemao dohpü neshiü, büpa phahji yahyang longpü mechemao nekemdainyih.

MENVIH KESHO 39:9

Ngei nenmü nyudaihen, ngei ju nekapih; mehenangkü hapa dükpeyü nüng hih.

JOB SHAHSHA APPÜ 1:21

hatü eteke: “Nyüei vom mongeipü ngei bümkong pei, hatü ngei bümkong haleipü daihen. Shembüpai shuohteke, hatü Shembüpai yahlangteke; Shembüpalei men longtuh.”

2 SAMUEL 15:26

Shejao büpai, ‘Ngei nüng kü mong nehahnyih’ shei ejema, büpa kü mehe mei büpai ha ngei kü nyemdükpha; ngei temei nyüpeih” shei e.

1 SAMUEL 3:18

Hanangkü Samueli meheyao nejo-i büpa kü lemphüli eshuohteke. Hahepak kü büpai, “Hapayü Shembüpa mong khih; büpa kü mehe mei, ha nyemdükpha” shei e.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.