ISAIAH 39:3 - DAÜLANGPÜ LAIHING (BSI)

³ Hapheikü Isaiah thibüi Hezekiah ongpa touei peiyei, “Hathü shennyakthüi mehe ephopa hatü jomphong meleipü peiküpa?” shei phe. Hezekiah-i, “Jomphongü tailu kahdok Babylon leipü ngei yemei peiküpü khih” shei e.

ISAIAH 39:3 Referans Kwoze

SHAHKÜP 28:49

Shembüpai am khüei tailu leipü shah nenyingteipü jat hük alang laongpükei shomphahen.

JEREMIAH 5:15

Ngei am touei tailu leipü jat hük müei leikahen, Oh Israel am phang shei Shembüpai enyüke. Hapayü aivang mebü nyupü jat hük; ammi jomei shah nedan nevaijü jomi mehe enya ha ami nedanaokhen.

2 SHÜPPÜKENGPÜ 16:7

Hahepak kü Hanani thibü-i Judah am Asa ongpa touei peiyei büpa kü, “Mehenangkü nüngi Shembüpa, nüngei Kahvang kü nevai, Aram amei ong kü mongnyangpü nangkü Aram am ongpalei veshanthü nüngei lak kübü yangdaiteke.

2 SAMUEL 12:1

Shembüpai David touei Nathan shom. Nathani David touei peiyei büpa kü, “Ching hükei shennyak nyi nyuteke; hükü shemmei, hükü taopa.

ISAIAH 38:5

“Daituh hatü Hezekiah kü Shembüpa, ampa Davidei Kahvangi hapakei enyüke shei etuh: Ngei nüngi phoppü dantepih, hatü nüngei mükphi eetepih; ngei nüng kü shao bong anpünga üphahen hih.

ISAIAH 38:1

Hathü nyih kü Hezekiah tüngei dihen mü nyuteke. Amozlei cheha Isaiah thibü büpa touei peiyei, “Shembüpai hapakei enyüke: Bükhishem meishi jungtüktuh, mehenangkü nüng sheyü didaihen, hatü hapa dinshan kübü neyangpih” shei e.

2 SHÜPPÜKENGPÜ 25:15

Shembüpai Amaziah kü mongshih, hatü büpai büpa touei thibü hük shomei, “Nüngei lak kübü laophülei nanglak dangkao neyangaokhen kahvangthü kü mehekei nüngi khümnya?” shei e.

JOSHUA 9:9

Hahepak kü jomi, “Hamphongü tailu kahmük leipü peiküpeih; mehenangkü hami Shembüpa, ammei Kahvangei men danpeih. Mehenangkü büpai mehe Ijip kahdokei,

JOSHUA 9:6

jomi Gilgal baümtap mongei shüei Joshua hatü Israel shennyakthü kü, “Hamphongü tailu kahmük leipü peiküpeih, hanangkü ham mü chingmei lingshah” shei eteke.

2 SHÜPPÜKENGPÜ 19:2

Hananilei cheha Jehu thibü büpa mü heününg peiyei ongpa kü, “Nüngü nemeipü am kü sheühhen hatü Shembüpa kü jiühitpü am kü bamhen je? Ha med kü Shembüpa mongshihpü nüng kü nyüke.

ISAIAH 39:4

Büpai, “Jomphongi nüngei shem leipü mehe mehe eepa?” shei phe. Hezekiah-i, “Jomphongi ngelei shem leipü lemphüli eetih; jomphongi ne-eepü dou mepaao dou tuhshingei neshiüpih” shei e.

JEREMIAH 4:16

“Jom halei nyüke!” shei jatthü kü etuh; Shümei yahhen am tailu kahdok leipü peikünyüke shei Jerusalem kü baongeishuoh; jomü Judah chingnyüthü khüei lennyüke.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.