ISAIAH 39:2 - DAÜLANGPÜ LAIHING (BSI)

² Hezekiah-i jomphong ombaongei yah; büpai jomphong müei büpalei mophimo tuhshingei shüei haleipü hon, ngin, hetnyai, douvang mainga, hatü haleipü phunglang lemphüli hushuohteke. Büpalei ongshem hatü ongching kü büpai jomphong kü nehupü dou mepaao nenyuang.

ISAIAH 39:2 Referans Kwoze

2 SHÜPPÜKENGPÜ 32:31

Shejao mechem Babylon am vanglem lempüthüi kahdok kü mehe mehe yashanshi nyangeihepü vampü jung phehen shompa, Kahvangi büpa kü dokhen hatü büpalei mongei deihpü lemphü nyinghen nangkü büpa mon tuhphong.

2 SHÜPPÜKENGPÜ 32:25

Shejao Hezekiahlei mongkü changmeiyei deih hatü büpa kü hushuohpü phahji kü mongongei nedeih; hanangkü büpa, Judah hatü Jerusalem kü hanghi pei.

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

JOB SHAHSHA APPÜ 31:25

ngei mop longi angpü nangkü hatü ngelei laki longi latei leiaokpü nangkü mongongei;

2 KORINT 12:7

Hanangkü ahshi longpü shakei vampü ngei eepü nangkü ngei changmeihen kübü yepei tuhhen shingvaishi ngelei phai kü hüh hük, ngei kü shüveihen Satanei phongmokbü hük ngei kü shuohpeih.

CHONGVENBÜ 7:20

Kahdoknyü kü mang nethah-i jiüpü mon dükpü daülangpü shennyak üpayao neshiü.

KANDOK 4:23

Peü mü nüngei mongdang yomtuh, mehenangkü hapayü yangnyu yunglok khih.

2 SHÜPPÜKENGPÜ 32:27

Hezekiah ongpai mop longi ang hatü dhüm kohshi nyu, hatü büpai laophülei hon, ngin, douvang yaongthü, hetnyai, iithü hatü dounyünangba peü tuhhen shemthü veteke.

2 SHÜPPÜKENGPÜ 9:9

Hapheikü pinnyüi ongpa kü hon dok haja ali mü shei hatü hetnyai hatü douvang yaong longi shuoh. Solomon ongpa kü Sheba am onglanyüi shuohpü hetnyai kei meipü nenyuang.

2 SHÜPPÜKENGPÜ 9:1

Mechem Sheba am onglanyüi Solomonei menmei jung danpa, pinnyüi Jerusalemei büpa kü dokei shah wongpü wongpü phehen pinnyü mü chongphobüthü longi müei ut kü hetnyai, hon hatü ngin longi kotü Solomon touei peiyei pinnyüi mongei deihshi nyupü peü büpa kü phe.

2 ONGPATHÜ 20:13

Hezekiah-i phongmokbüthü ombomei yah, hatü büpai jomphong kü dou tuhpü shem leipü hon hi ngin, melivungla, meipü mainga hatü lahhilaong kemei hushuohteke. Hezekiah ongpai jomphong kü nehupü dou mepayao büpalei ongshem nevaijü ongching kü nenyu.

1 ONGPATHÜ 10:25

Peipü peüi büpa kü thintho, hon, ngin, ashakviha, lahhilaong, hetnyai, koyei hatü gadu chehathü koei vangbong ieyei longi peiteke.

1 ONGPATHÜ 10:15

hatü hapayü bhei leihpüthüi, Arabia am ongthüi hatü kahmük kübü governorthüi shuohpü neomi shiüteke.

1 ONGPATHÜ 10:10

Hapheikü pinnyüi ongpa kü hon dok haja ali mü nyeishi, hatü hetnyaithü longi, hatü douvang yaongthü shuoh. Solomon kü Sheba am onglanyüi shuohpükei mechemao hetnyai hapakei nedang.

1 ONGPATHÜ 10:2

Pinnyüi khong longpü hük mütü utthü kü hetnyai, hon hatü douvang yaongthü longi kotü Jerusalem ngoiyei pinnyüi deihshi nyupü peü Solomon kü pheteke.

1 JOHAN 1:8

Jen nyingi ham mang neshiüpih shei ejema, jen nyingi luhahnyüke, hatü jen kü shahhing nenyu.