ISAIAH 39:1 - DAÜLANGPÜ LAIHING (BSI)

¹ Hahepak kü Babylon am Baladanei cheha Merodakh-Baladan ongpai Hezekiah kü lai nyangei thintho hük kotü phongmokbüthü shomteke; mehenangkü büpa tüngei nyupü meitekeja shei dan.

ISAIAH 39:1 Referans Kwoze

ISAIAH 23:13

Babylon amei kahdok kü veihümao, hapayü Assyria ami nevai, Babylon ami Tyre kahdokü phaüyemthü nyuishing leitükpeih; jomi ching shümtü shangdüthü lingpeih, jomi penyüshathü bentüktü chingnyüyü chingkong leitükpeih.

ISAIAH 14:4

ammi Babylon ongpa khüei hapa naamshah ehen: Mekei mih kü shüveipü shennyak dodaipa! mekei mih kü naampü shennyak dodaipa!

ISAIAH 13:19

Kahvangi noei yaktük shingkü ongchingthü khongkü müknyinshekhangshi nyupü Babylon ami changmeiyei deihpü Babylon chingnyü-ü Sodom hatü Gomorrah kei leidaihen.

ISAIAH 13:1

Babylon am nangkü Amozlei cheha Isaiah-i eepü manghkhang shah:

2 SHÜPPÜKENGPÜ 32:31

Shejao mechem Babylon am vanglem lempüthüi kahdok kü mehe mehe yashanshi nyangeihepü vampü jung phehen shompa, Kahvangi büpa kü dokhen hatü büpalei mongei deihpü lemphü nyinghen nangkü büpa mon tuhphong.

2 SHÜPPÜKENGPÜ 32:23

Longshi shingi Jerusalemei Shembüpa kü moila hatü Judah am Hezekiah ongpa kü bhei wongpü thinthothü koei pei. Ha shan kü pangei jat peüi Hezekiah kü dhüm shuoh.

2 SAMUEL 10:2

Davidi, “Chepa Nahash-i ngei kü bampü hupü keiha ngeiyao Nahashlei cheha Hanun mü bamteishi nyuhen hih” shei deih. Hanangkü Davidi chepa mü mekei bamteishi nyu, büpa mao bamteihen jung eyei phongmokbü hanei shom. Mechem Davidei phongmokbüthü Ammon kahdok ngoijapa,

2 SAMUEL 8:10

Toi ongpai David ongpa touei cheha Joram shomei Hadadezer ongpa neütükpü nangkü longi mongmeipü shah eteke. Mehenangkü Hadadezeri düngei Toi am mü hokhamteke. Jorami büpa mü ngini lingpü douthü, hon hatü melangnyiam koei pei.

2 SHÜPPÜKENGPÜ 32:25

Shejao Hezekiahlei mongkü changmeiyei deih hatü büpa kü hushuohpü phahji kü mongongei nedeih; hanangkü büpa, Judah hatü Jerusalem kü hanghi pei.