ISAIAH 38:3 - DAÜLANGPÜ LAIHING (BSI)

³ “Oh Shembüpa, ngei nüng touei monghahshi, mongdang kempai hinglemei hatü nüng touei mehe mei, ha dükei kampü deih-ei dangtuh” shei phopei e, hatü Hezekiah-i shahyaki thep.

ISAIAH 38:3 Referans Kwoze

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

HEBREW 5:7

Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

NEHEMIAH 13:14

Ngei deih-ei dangtuh, Oh ngelei Kahvang, hatü ngelei Kahvangei shem hatü halei khümhen shingvaishi mehe ngei lanei shuoh-ei düktepa, ha nüngi dhitei teyaktük.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

JOHAN 1:47

Mechem Jisui Nathanael ngoijapü eepa, “Meheyao shahshem neshiüpü hingshangpü Israel am hatouei nyüke” shei büpai büpa nang e.

NEHEMIAH 13:22

hatü Sabbath nyih daülangi tuhhen nangkü Levi am jom nyingi daütüktü shaden yomhen ngeükhüam shuoh. Hayao deih-ei dangtuh, Oh ngelei Kahvang, hatü nüngi bampü shangshi ngei yangei tuhshih.

NEHEMIAH 5:19

Ngei nanglakthü shingvaishi hathü peü dükpü kü ngei kü phahjiei deihte, Oh ngelei Kahvang.

SHAHKÜP 6:18

Shembüpa touei mepa jiüpü hatü meipü nyüpa, ha düktuh, shejüang am meishi nyuhen, hatü Shembüpai ammei bühipa kü lahpü kahcheü kohpü kahdokei shüei hapa yah-aokhen,

MENVIH KESHO 6:8

Mang dükpüthü peü ngei toueipü lüdaikemtuh; mehenangkü Shembüpai ngei theppü danlangteke.

1 SHÜPPÜKENGPÜ 29:19

Ngelei ha Solomon kü mongdang hüki nüngei shahkung, nüngei vanglem hatü nyuhpüvenpü peü dükhen, hatü ngei dou temei tuhshuohpü phopshem vehen chudeih mongdang yah-eishuoh.

HOSEA 12:4

Büpai vangsho phongshan mü bhow, hatü neü. Büpai thepei moihiman yiü, büpai Bethelei phongshanpongteke, hatü halei büpa mü etei.

MENVIH KESHO 119:80

Ngei veü nedanghen shingvaishi nüngei shahkung kü ngelei mongkü eela neshiüi nyuhütuh.

MENVIH KESHO 102:9

Mehenangkü aan keihangei depla hahnyüpeih; hatü yingpü yung mü mükphi vuktü yingnyüpeih.

MENVIH KESHO 32:2

Üamei mang khüei Shembüpai nenyonghü; üamei laangha kü lueilempü neshiü, jom moihiman.

MENVIH KESHO 101:2

Eela neshiüpü lem ngei yemhen; ngei mechem ha danghen? Ngelei shemei ngei mongdang daülangi nyuhen.

MENVIH KESHO 26:3

Mehenangkü nüngi bampü ngelei müksho kü nyüpeih, hatü ngei nüng kü hinglemshi kamnyeih.

MENVIH KESHO 16:8

Ngei düngei Shembüpa ngei touei tuhnyeih; mehenangkü büpa ngelei lakdah philei nyüpeih, ngei nejenlenhen.

NEHEMIAH 13:31

hatü ngei pü moila hatü shongpü betjük moila koei peihen hepak itei shuohpeih. Bampai ngei deih-ei dangtuh, Oh ngelei Kahvang.

NEHEMIAH 1:4

Mechem ngei hathü shah danpa, ngei uotü nyih longi vangsho Kahvang kü thepeiyoungei, shüaeiyungleyei hatü phopei nyupeih.

EZRA 10:1

Mechem Ezra-i phopei, mang lah-ei, thepei Kahvangei phopshem chingshelei shükshi nyupa, Israel am khong longinyüha, baha hatü hashihthü büpa shonei thai, hatü jomao shahyaki thep.

2 SHÜPPÜKENGPÜ 25:2

Büpai Shembüpa touei mehe jiü, ha dük, shejao hingshangpü mongdangi nevai.

2 SHÜPPÜKENGPÜ 16:9

Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.

1 SHÜPPÜKENGPÜ 29:9

Hahepak kü mongongshi, mong hük mü jomi Shembüpa kü shuohpü nangkü nanglakthüi mongong hatü David ongpai longi mongong.

1 ONGPATHÜ 2:4

hatü Shembüpai ngei kü lah-ei, ‘Nüngei hühihathüi jomei lem kü lishi nyujema, hatü jomei mongdang hatü laangha kempai ngei touei shahhing kü kamjema, Israel ong uoshing kü uohen shennyak netao-i nyuhen’ ” shei epeih.

KAHBHAO 17:1

Mechem Abram bong 99 nyupa, Shembüpa büpa touei peiyei, “Ngeiyü Jeiyong Kahvang; ngei touei eela nekoh-i kamtuh.

KAHBHAO 6:9

Hathüyü Noahlei hühihathü: Noah-ü daülangshemshepü shennyak nyu, hatü büpa hepak kü hangku khongkü eela neshiüpü yangnyu, hatü büpa Kahvang mü kam.

1 ONGPATHÜ 15:14

Büpai khümshingthü peü nemangtükjao Asa-i den kemei büpalei mongdang Shembüpa kü shuoh.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

MENVIH KESHO 6:6

Mahng thepai ngei nyiudaiteke, Yajeih ngelei shinshingü mükphi-i maei nyunyeih; ngelei shole mükphi kü hingdaiteke.

ISAIAH 38:2

Hezekiah-i bham philei dhe meetü Shembüpa kü,

ISAIAH 38:4

Hahepak kü Shembüpalei shah Isaiah touei peiteke:

2 ONGPATHÜ 18:3

Büpai chebü Davidi dükpükei Shembüpa touei mehe jiü, ha dük.