ISAIAH 37:3 - DAÜLANGPÜ LAIHING (BSI)

³ Jomphongi büpa kü, “Hezekiah-i hapakei enyüke: Hapa nyih-ü shanghahpü, lohhahpü hatü mongmangpü nyih khih; nyüha hüki naü anghen hepak ngoijü hapa naü anghen wong kemdaipükei shüke.

ISAIAH 37:3 Referans Kwoze

HOSEA 13:13

Nyü hüki hapeü bühshingkü tüngpükei büpa kao peiteke, shejao büpa neliha vaipü nangkü bühhen hepak ngoijajao büpa vangngailei nevamhünyu.

ISAIAH 66:9

Ngei naü uoshing apphei kü naü ne-angi tuhnyu je? shei Shembüpai enyüke. Am yangpü ngei ammei naü uoshing küptükphahen je? shei ammei Kahvangi enyüke.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

2 ONGPATHÜ 19:3

Jomi büpa kü, “Hezekiah-i hapakei enyüke: Shinnyih-ü shangpongpü, hanghipü hatü veü pongpü nyih khih. Jenü nyüha hük naü bühhen hepak ngoidaijü hapa naü bühhen wong neshiüpükei hetteke.

ISAIAH 33:2

Oh Shembüpa, nüngi ham kü phahjishih; hami nüng omdannyeih. Nüngü nepjeih hamei wong, shanghah hepak kü ham yangbü vaikei.

MENVIH KESHO 95:8

Meribahlei nyupü keiha, jahpanei Massahlei nyupü nyih kü keiha am mong vaanei tenyu.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

2 SHÜPPÜKENGPÜ 15:4

Shejao jom shanghah shingkü jomi Shembüpa, Israel Kahvang yem hatü jomi büpa dangteke.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

ISAIAH 22:5

Manghkhang Kahjilei shangponghen, vepai neühahhen hatü nyemhen nyih hük Shembüpa, Jeiyong Kahvangei lakei nyüke. Chingnyü bhamthü laamtükhen, hatü kahshangthülei sheühpü yiüei lenhen.

HOSEA 5:15

Jomei mang shangshi jom mangponghah thahshi, hatü jomi ngelei dhe mangyem thahshi, ngei ngelei nanglakthü yakphonghen. Jom shangpongpai jomi ngei yemhen.

JEREMIAH 30:7

Hapa nyih meshük nyembenüng nyuhenang! Mepa nyih-ao hapa mü shetteihen neaokpih. Hapayü Jakob shing shanghah hepak nyuhen, shejao ha kübü büpa yangdaihen.”

ISAIAH 25:8

Büpai dipü den shingvaishi lühtükhen. Hahepak kü Shembüpa Kahvangi peüei mük kübümükphi thittükhen, hatü büpai kahdoknyü peü kübü laophülei nanglakthü lomohpü peü yahlanghen shei Shembüpai eteke.

ISAIAH 26:16

Oh Shembüpa, shanghahpü nangkü jomi nüng yemteke; mechem nüngi jom kü lohshuohpa, jomi nümei dangkao phopnyüke.

ISAIAH 66:7

Pinnyüi aokvom tüngshekü hapeü angnyüke; pinnyü kü tüngpü peishekü yeshang bühnyüke.

HOSEA 5:9

Hanghi nyih kü Ephraim amü Israel am khongkü lavüngtoiyei leidaihen, Mehe jiüshangi peikahen ha ngei ephünyeih.

ISAIAH 29:2

Ngei Ariel kü shangpong yakying koei peihen, halei theppü, hatü youngpü mon nyuhen, hatü Jerusalemü moidülei iy yenei mapükei nyuhen.