ISAIAH 34:6 - DAÜLANGPÜ LAIHING (BSI)

⁶ Shembüpalei yanlu-ü moila shuohpü mi, hatü yum iy, milei she kübü cheü keiha, jomei iy-i haiyei hatü cheüi jümshi nyüke. Mehenangkü Shembüpai Bozrahlei moila shuohhennyüke, hatü Edomei jühen longi nyüke.

ISAIAH 34:6 Referans Kwoze

ISAIAH 63:1

Laophülei ashakviha kü iy hoidaitü Edom hatü Bozrah leipü peiküpü üpaang? Ow meishi owtü laophülei wong kemei mokei peiküpü üpaang? Hapayü Shembüpa ngei, yanghen wong kohpü, büpa aokpü baongei peikünyüke.

JEREMIAH 49:13

Bozrah-ü nyemao nyemshi leihen hatü nyembenüng dou, eelanyongnya, thaüvaüthemthe dou leitükhen ngei nyingi lahtepih shei Shembüpai enyüke, hatü hapa jilathü peü den kü bentüktü yakphonghen.

ZEPHANIAH 1:7

Shembüpa tou kü nenmü nyutuh; mehenangkü Shembüpai shahphenhen nyih ngoikünyüke. Shembüpai jakpü moila shuohhen temnyüke; büpai laophülei nanglakthü ha kü jakhen.

JEREMIAH 51:40

Ngei jomphongü mi chehathü, yum hatü mi chebaonghathü kei jüshingei müei daihen.”

JEREMIAH 50:27

Jomei mohohbaongthü peü jütüktuh; peü jüshingei yah-ei daituh. Onyükei! jom hanghihen nyih hatü hepak ngoiteke!”

ISAIAH 63:3

“Ngei mongshih wong kempai, hatü ngei mongmangei yiü bhitnüng nyalingngupai kü nyeüpükei, hatü shouppü keiha ngei jatthü kü nyeüpeih, hatü üpaiyao ngei kü nesheühpha-angpih; Jomei iy phaatei ngelei owhiai, hatü ngelei bhagthuh kü lüppü khih.

ISAIAH 34:5

Shembüpai büpalei yanlu vangsholei temteke; veituh, hapayü Edom am büpai mahtükhen shei tempü shennyakthü touei yüshihhen.

SHAHKÜP 32:14

Mohoh kübü ammathi, hatü mi kübü amma, Bashan leipü mi hi yum hatü mohoh cheü-i, hatü wheat hah meipai haümteke. Nyalingngupai kübü yiüji meipü ammi yingteke.

EZEKIEL 21:10

Hapayü jühen nangkü yütüktü nyüke, klang kei nyephen shingvaishi thittüktü nyüke! Mekei etü jen mongongshi nyuhen? Ammi yeanpü hatü ungei-aeipü peü yaktükteke.

SHAHKÜP 32:41

Mechem ngei ngelei nyangnyangpü yanlu yüühen, hatü ngelei laki shahhing kü shonghen, Ngelei vepathü kü bhüh yemhen, hatü ngei kü jiühitpüthü hanghihühen.

2 SAMUEL 1:22

Jütükpülei iy kübü, hatü wong kohpülei phai kübü; Jonathanei lahhan nyokei nelei, nevaijü Saulei yanlu kong nyokei nelei.

1 SHÜPPÜKENGPÜ 1:44

Mechem Bela didaipa, Bozrah am Zerahlei cheha Jobabi büpa jeiyei ong vai.

MENVIH KESHO 137:7

Oh Shembüpa, Edom ami Jerusalem dopü nyih, “Shaaktüktuh! Chongnyiam omshi shaaktüktuh!” shei khüei epü deih-ei dangtuh.

ISAIAH 65:12

Ngei amphongü yani mahhühen, hatü am peüi jüpü am kü aümei khümhen; Mehenangkü mechem ngei am kü nyükpa, amphongi ngei kü nejang, mechem ngei epa, amphongi nebang, Shejao ngei touei mehe mang ammi ha dük, hatü ngei mepa kü mong nehah, ammi ha dükpeih.”

JEREMIAH 12:12

Bhih kahdok shangching koshoya peü kü vepathü peihen; Mehenangkü Shembüpalei yanlu-i hükao neyangi kahdok jung hük kübü jung hük thahshi hahtükhen.

JEREMIAH 25:34

Theptuh hatü youngtuh am mi yombüthü; bhihla kü duteituh, am mi khong müpüthü. Mehenangkü am jühen hepak ngoiteke; am dohen hatü dükbhaok haipükei haidaihen.

JEREMIAH 46:10

Hapayü Shembüpa, Jeiyong Kahvangei nyih, hapayü bhüh yempü nyih, hapayü büpai vepathü kü bhüh yempü nyih hük. Büpalei yanlui mangmoh thahshi hahhen, hatü iy-i yungle mangmei thahshi ha yinghen. Mehenangkü Shembüpa, Jeiyong Kahvangi apshaphi kahdok kü Euphrates yungyenei moila hük shuohhen.

JEREMIAH 49:7

Shembüpai Edom an nangkü hapakei enyüke: “Teman kü kihikon neshiüpü je? Kenhingpüthü kü shahnying ehen mahdaipü je? Jomei kon kemdaipü je?

EZEKIEL 35:8

Ngei ammei kahshangthü mahmahngi mahühen; yani mahpüthü ammei kahshang, kahji hatü yungyenthü kemeilei mahühen.

EZEKIEL 35:15

Mechem Israel jat amei mükjüp lavüngtoiyei nyupa, am mongongpeih; hanangkü ngei hapa dükhen. Nüng lavüngtoiyei tuhhen, Oh Seir Kahshang, nüng hatü Edom kemei. Shejüang ngeiyü Shembüpa khih shei jomi nyinghen.”

AMOS 1:11

Shembüpai hapakei enyüke: Edom amei mang jem nangkü, hatü ali shingvaishi ngei hanghi neyahlangpih; mehenangkü büpai yanlu noshi chenaü changtük, hatü phahji neshiüi dükteke; büpalei mongshih neyeplangi düngei aw kei bah-ei angteke.

ISAIAH 29:2

Ngei Ariel kü shangpong yakying koei peihen, halei theppü, hatü youngpü mon nyuhen, hatü Jerusalemü moidülei iy yenei mapükei nyuhen.