ISAIAH 34:5 - DAÜLANGPÜ LAIHING (BSI)

⁵ Shembüpai büpalei yanlu vangsholei temteke; veituh, hapayü Edom am büpai mahtükhen shei tempü shennyakthü touei yüshihhen.

ISAIAH 34:5 Referans Kwoze

JEREMIAH 46:10

Hapayü Shembüpa, Jeiyong Kahvangei nyih, hapayü bhüh yempü nyih, hapayü büpai vepathü kü bhüh yempü nyih hük. Büpalei yanlui mangmoh thahshi hahhen, hatü iy-i yungle mangmei thahshi ha yinghen. Mehenangkü Shembüpa, Jeiyong Kahvangi apshaphi kahdok kü Euphrates yungyenei moila hük shuohhen.

MALAKI 1:4

Edom ami, “Hamü ngümei mangtükjao shao lingei leihen” shei ejema, Shembüpa Kahvangi hapakei enyüke: “Jomi linghen aok, shejao ngei ha bentükhen. Jom kü mang kahdok, Shembüpalei mongshih phangkü nyupü nanglakthü shei nyükhen.

ISAIAH 63:1

Laophülei ashakviha kü iy hoidaitü Edom hatü Bozrah leipü peiküpü üpaang? Ow meishi owtü laophülei wong kemei mokei peiküpü üpaang? Hapayü Shembüpa ngei, yanghen wong kohpü, büpa aokpü baongei peikünyüke.

MATHI 25:41

Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;

ZEPHANIAH 2:12

Oh Ethiopia am, amao ngelei yani mahkemhen.

JEREMIAH 47:6

‘Ah, Shembüpalei yanlu, nüng nenmü nenyui hepak meshük nyuhen? Yanpishungei nyokei leidaituh, dohtuh hatü nenmü nyutuh’ shei nüngi lenhen.

ISAIAH 24:6

Hanangkü thaüvaüi hapa kahdok lühtüknyüke; hapa nanglakthüi jomei mang kohen. Hanangkü kahdoknyülei nyupüthüyü bhihdai maandainyüke, hatü maani mon aoei nyüke.

MENVIH KESHO 137:7

Oh Shembüpa, Edom ami Jerusalem dopü nyih, “Shaaktüktuh! Chongnyiam omshi shaaktüktuh!” shei khüei epü deih-ei dangtuh.

MENVIH KESHO 17:13

Peikei, Oh Shembüpa, hathü khüei yaongtuh hatü neüeishuoh! Nüngei yani nemeipüthü leipü ngelei yangnyu yangtuh.

SHAHKÜP 32:14

Mohoh kübü ammathi, hatü mi kübü amma, Bashan leipü mi hi yum hatü mohoh cheü-i, hatü wheat hah meipai haümteke. Nyalingngupai kübü yiüji meipü ammi yingteke.

SHAKEI VAMPÜ 1:16

Büpalei lakdah philei litha nyet noteke, hatü büpalei ju leipü nah nyi kohpü yanlu vamteke, hatü büpalei dheyü vanghe hebaongwong kei nyuteke.

2 PETER 2:14

Jomei mük mükbongjuyungi maei mang kü hüneshemnyu. Jomi shing nenüngpüthü yawh-ei yahnyüke; jomü hahnempü mongdang jükshi nyüke; jomü thaüvaütükpü hashihthü nyüke!

GALATIA 3:10

Mehenangkü shahkungnyü douthü kü mongnyangtü nyupüthü peü thaüvaü phangkü nyüke; mehenangkü, “Shahkungnyü lai kü nyangei nyupü douthü peü üpai nedük nevaijü nebangnya, büpa thaüvaü phangkü nyüke” shei nyangei nyüke.

1 KORINT 16:22

Shembüpa kü nebampü shennyakü thaüvaütüktuh. Maranatha– Oh hamei Shembüpa, yiükei!

ISAIAH 43:28

Hanangkü ngei phopshem leipü pameithü veühüpeih; Jakob chemjalak kü mangtükhen, hatü Israel am mih-i shahlong ehahhen hanpeih.

ISAIAH 65:12

Ngei amphongü yani mahhühen, hatü am peüi jüpü am kü aümei khümhen; Mehenangkü mechem ngei am kü nyükpa, amphongi ngei kü nejang, mechem ngei epa, amphongi nebang, Shejao ngei touei mehe mang ammi ha dük, hatü ngei mepa kü mong nehah, ammi ha dükpeih.”

EZEKIEL 32:29

Edom amao wonghingan nyulangmao pinnyülei ong hatü vanglem lembüthü peü halei nyüke, jomü yani mahpüthü mü mahng vüei nyüke. Jomphongü kahshalei shüdaipü nejaptükpüthü mü lemshi nyüke.

EZEKIEL 35:1

Shembüpalei shah ngei touei peiteke:

EZEKIEL 35:8

Ngei ammei kahshangthü mahmahngi mahühen; yani mahpüthü ammei kahshang, kahji hatü yungyenthü kemeilei mahühen.

EZEKIEL 35:15

Mechem Israel jat amei mükjüp lavüngtoiyei nyupa, am mongongpeih; hanangkü ngei hapa dükhen. Nüng lavüngtoiyei tuhhen, Oh Seir Kahshang, nüng hatü Edom kemei. Shejüang ngeiyü Shembüpa khih shei jomi nyinghen.”

ISAIAH 21:11

Edom am nangkü epü shah: Hanei ami Seir leipü ngei kü nyüknyüke, “Yombü, mechem-üng vangnyak peihdaiphahen? yombü, mechem-üng vangnyak peihdaiphahen?”

EZEKIEL 36:5

Shembüpa Kahvangi hapakei enyüke: Ngei mongshih wong kempai lebü jatthü hatü Edom am kempü kü khüei ha enyeih. Mehenangkü jomi naamnyi nyiyei mongongei hatü yaüeilungei ngelei kahdok hatü haleipü yinghilong kaamlangpeih.

ZEPHANIAH 1:7

Shembüpa tou kü nenmü nyutuh; mehenangkü Shembüpai shahphenhen nyih ngoikünyüke. Shembüpai jakpü moila shuohhen temnyüke; büpai laophülei nanglakthü ha kü jakhen.