ISAIAH 34:3 - DAÜLANGPÜ LAIHING (BSI)

³ Jomei mahng kemei yaktükhen, jomei mahng shie bühen; kahshangthü kü jomei iy yenhen.

ISAIAH 34:3 Referans Kwoze

JOEL 2:20

Ngei am toueipü apsha kübü vepa taishi changtükphahen; Jom hanei bhih kahdokei changtükhen. Shelei shaongpüthü Dipü Yungchingei, hatü ngaümpheilei müpüthü peü Mediterranean Yungchingei hüngtükhen. Jomei büm peü shehen hatü shie büei aonghen. Hingmei büpai dou longpü dükteke.

EZEKIEL 39:4

Nüng hatü nüngei veshanthü hatü nüng mü nyupü jatthü peü Israel kahshangthülei dohen. Ngei amphongü asha alang phai, hatü yemhimakei het vaihühen.

ISAIAH 34:7

Jomü mangpü mohohbaong dopü keiha, hatü mohoh baongha jüpükei jükemhen. Jomei kahdokü iy yenpai bhümlanghen, hatü cheüi bhihla-ao jümlanghen.

SHAKEI VAMPÜ 14:20

Hathüyü chingnyü haolei yiü ngümshingei shouptük, hatü hapa ngümshingei shouptük, hatü hapa ngümshing leipü iy meter nyi hükshing shaoshi aong, hatü kilometer 300 hükshing taishi yenteke.

AMOS 4:10

Ngei Ijip am kü shompükei am kü cham shom, ngei ammei nethethü vehok kü jütük, hatü koyeithü yah-ei lüdai; Ammei shemei mahngshie ngü püpai ammei shongsha mahü, shejao am ngei touei mong nelep shei Shembüpai enyüke.

EZEKIEL 39:11

Hapa nyih Israel kahdokei Dipü Yungching heong philemei Yendaiouham Kahji touei ngei Gog vühen mahngchong hük shuohhen. Gog hatü büpalei veshanthülei mahng vüpü nangkü yendaiouham lem küpdaihen, hatü hapa kahji kü, “Gog-ei Veshanthülei Kahji” shei nyükhen.

EZEKIEL 38:22

Ngei büpa kü cham hatü jüteishangteipai shah phenhen; ngei büpa hatü büpalei veshanthü hatü büpa mü nyupü jatthü kü baishih vangmang, shüyaong, hatü awkaongyaong meli shomhen.

EZEKIEL 35:6

hanangkü ngeiyü vanyangyem Kahvang shei Shembüpa Kahvangi enyüke, ‘Ngei am shing iy yenhen temphahen hatü hapa iy-i am kü changhen; mehenangkü ammi iy-aongmashateihen kü nejiühitpü nangkü, iy-aongmashateipai am kü changphahen.

EZEKIEL 14:19

Nevaijü ngei hapa kahmük kü chamhilem shomei ngelei mongshih khüpeilangei iy yenhüpai haleipü shennyak hatü yemhimak kemei jütükshingkü,

JEREMIAH 22:19

Gadu mahng vüpü keiha büpalei mahng vühen; büpayü Jerusalem penyüsha haolei shüei daiyei yaktükhen.

ISAIAH 10:4

Amphong wüpküpei deihen, nevaijü vehok kü mahkemhen. Hapaiyao büpa mongshihpü nemeinyu, shaang thahshi büpalei lak noshi nyüke.

ISAIAH 66:24

Jomphong daishingkü jom khüei yaongpüthülei mahng jomi eehen; jomei büm kübü laong nedihen, nevaijü jom kü bahpü aw nemetdaihen, hatü jomphongi hangkuli peü touei jiühitbenüng leidaihen.”

JEREMIAH 25:33

Hapa nyih Shembüpai jüpüthü kahdok dohpü junghük kübü junghük thahshi nyuhen. Jom kü üpaiyao mahng nethephen, nevaijü üpaiyao jungeilangei mahng nevühen; jomü kahdok leipü nyüphinya kei nyuhen.

NAHUM 3:3

Koyei veshanthüi thep nyükpü, phunghiyan nyeleppü, mahng longi, mahng kü mahngi chettü ne-ieaoki mahmahng longi; mahng kü shennyakthüi huluh shuohnyüke!

EZEKIEL 32:4

Ngei nüng kahdokei shüktükhen, koshoya kü ngei nüng yaktükhen, hatü shangou peü nüngei büm kü bakhühen, hatü nüngei büm phaüyemthü kü ühtükhen.