ISAIAH 34:2 - DAÜLANGPÜ LAIHING (BSI)

² Mehenangkü Shembüpai jatthü peü kü mongshih-ei nyüke; büpalei mongpuk jomei veshanthü mü nyüke. Büpai jom peü mahtükhen, büpai jom jühen lanei shuohtükhen.

ISAIAH 34:2 Referans Kwoze

ZEPHANIAH 3:8

Shembüpai enyüke, ngei om dantuh; mehenangkü ha nyih ngei denpü hük vaishi yaongkahen. Mehenangkü jom kü ngelei mongshih, hatü ngelei monglep khüpshuohnüng jatlithü hatü ongchingthü thaihühen ngei temtüktih. Kahdoknyü kemei ngei mongshihpü awi shamtükhen.

ZEKHARIAH 14:3

Hahepak kü peihdaipü nyihthü kü kei Shembüpa daiyei hapa jatthü khüei hokhen.

ISAIAH 30:25

Hapa jüteipü nyih longpü kü shangdü kemei benei vüdaihen, hatü kahshang hatü shangtao shaopü peü kü yungyen keiha iy yenhen.

ISAIAH 13:5

Jom tailu kahmük leipü peikünyüke; vangsho jung dohpü leipü peikünyüke. Hapayü kahdoknyü kemei mahtükhen Shembüpai büpalei mongshih vehok phunglang ow ownyüke.

SHAKEI VAMPÜ 20:15

Hapa yangnyu laitap kü men nyangei nenyupüthü hapa aw shemyungei shüktükteke.

SHAKEI VAMPÜ 20:9

Jomi kahdoknyü ba kü yaüei daiyei daülangpüthülei baümtap hatü daülangpü chingnyü kü shonteke. Hahepak kü vangsho leipü aw yiüei jom hahtük,

ROM SHAHSHA APPÜ 1:18

Mehenangkü Kahvang nenyingpü hatü mangthü üami jomei mang homei shahhing bangtük, hathü khüei vangsho leipü Kahvang mongshih shakei vamteke.

ISAIAH 10:5

Ngei mongshihpü nyiamlüng, Assyria am onyükei! jomei lakei ngei mongshihpü lüng noshi nyüke!

ISAIAH 13:6

Theptuh, mehenangkü Shembüpalei nyih yopailei nyüke; hapayü Shembüpai mahpüchahpü koei peipü nyih vaihen.

ISAIAH 26:20

Ngelei nanglakthü, sha küpei ammi laophülei dungei shüdaituh; Kahvang mongshihpü mangpeih thahshi am kanja jodaituh.

ISAIAH 61:2

Shembüpai phahjipü bong, hatü jenei Kahvang bhüh yemhen nyih baonghen; mahng theppüthü nyiushem meihühen,

ISAIAH 63:6

Ngei mongshih-ei jatthü peü shouptükpeih, ngei mongmangei jom peü ngümtükpeih, hatü jomei iy kahdokei yenhüpeih” shei Shembüpai enyüke.

ISAIAH 65:12

Ngei amphongü yani mahhühen, hatü am peüi jüpü am kü aümei khümhen; Mehenangkü mechem ngei am kü nyükpa, amphongi ngei kü nejang, mechem ngei epa, amphongi nebang, Shejao ngei touei mehe mang ammi ha dük, hatü ngei mepa kü mong nehah, ammi ha dükpeih.”

ISAIAH 66:14

Ammi ha eetü ammei mongkü mongongkahen; ammei bümao phenha longpükei nyuhen, hatü hapai-üng Shembüpalei lakü büpalei chongphobüthü mü nyüke, hatü büpalei mongshih büpalei vepathü mü nyüke shei nyinghen.

JEREMIAH 25:32

Jeiyong Shembüpai hapakei enyüke: “Veituh, jat hük kübü hük shei shanghah yaüei daikünyüke.”

JEREMIAH 25:33

Hapa nyih Shembüpai jüpüthü kahdok dohpü junghük kübü junghük thahshi nyuhen. Jom kü üpaiyao mahng nethephen, nevaijü üpaiyao jungeilangei mahng nevühen; jomü kahdok leipü nyüphinya kei nyuhen.

MÜLANGPÜ 8:14

Ijip ami loukmahng thaiyei shüngteke hatü kahdok peü kü shie büteke.

JOSHUA 11:20

Shembüpai Mosa kü epükei phahji neshiüi bhanghili mahtükhen, chemjalak kü jütükhen shingvaishi Israel am mü khüei hokhen Shembüpai jom mahmong longhüteke.

MENVIH KESHO 2:5

Hahepak kü büpai jom kü mongshih-ei lohnyüke, hatü lohpai jom nyemhüei,

ISAIAH 66:16

Mehenangkü aw mü hatü laophülei yanlui Shembüpai shennyakthü peü kü shahphenhen, hatü Shembüpai jüpüthü longi chongkahen.”

JEREMIAH 25:31

Hapa vüngjang jangei kahdok dohpü ngoishi daihen; mehenangkü Shembüpai jatthü khüei yaonghen; büpai hangkuli peü kü shahphenhen, hatü nemeipüthü yani mahhühen shei Shembüpai enyüke.

EZEKIEL 36:5

Shembüpa Kahvangi hapakei enyüke: Ngei mongshih wong kempai lebü jatthü hatü Edom am kempü kü khüei ha enyeih. Mehenangkü jomi naamnyi nyiyei mongongei hatü yaüeilungei ngelei kahdok hatü haleipü yinghilong kaamlangpeih.