ISAIAH 33:6 - DAÜLANGPÜ LAIHING (BSI)

⁶ Ammei nyih kü büpai am shingnüng chongkhenhühen; Büpai yemleipü, kihikon, hatü nyingpühingpü shuohhen; Shembüpa kü nyempeyü Zion amei mop longpü vaihen.

ISAIAH 33:6 Referans Kwoze

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

KANDOK 19:23

Shembüpa kü nyempeyü yangnyuyem; hatü hapa angpü ami mongongshi neshanghah-inyunyüpeih.

1 TIMOTI 6:6

Hingmei, Kahvang nyingpü kü mongongpü omshi nanglei longpü nyüpeih;

CHONGVENBÜ 7:19

Chingnyü hük kübü vanglem lempü shennyak an leimeyü kihikoni shennyak hük nyeinya kon, hatü wong koh-ei leihünyeih.

KANDOK 14:27

Shembüpa nyempeyü yangnyu yunglok; shennyak hük dihen tai kübü yangdainyeih.

MENVIH KESHO 28:8

Shembüpayü büpalei nanglakthülei wong; büpayü laophüi jelangpüba yanghen loishing.

ISAIAH 51:6

Vangshothü kü ngangei veituh, kahdoknyü kü thaungei veituh! Mehenangkü vangshothü peü awshit keiha mahdaihen, hatü kahdoknyü ashak kei chang leidaihen, hatü halei nyupüthü peü maanha keiha didaikemhen. Shejao ngelei yemleipü denden kü nyuhen, ngelei daülangshemshe mechemao nekemdaihen.

CHONGVENBÜ 7:12

Lop kü keiha kihikon kao loishing nyüke, shejao kihikon nyupü nangleiyü ha hih: Kihikon nyupü shennyakei yangnyu-ü yangei tuhnyeih.

KANDOK 28:2

Mechem kahmük hük kü podongpolong vamhenshang, vanglem lempü longi vamnyeih; shejao danaokpü hatü nyingpü shennyaki chingmeivangmei kü tuhnyüpeih.

KANDOK 15:16

Mop longi angtü shanghah-i maei nyulei meyü, Shembüpa kü nyemshi maani angpü-üng meipüba.

MENVIH KESHO 140:7

Oh Shembüpa, ngelei Shembüpa; ngei yangbü wong kohpüba, vehok nyih kü nüngi ngelei shangjing kü jümnyüke.

MENVIH KESHO 45:4

Shahhing hatü daülangshemshepü men kü aokpü dangei müknyinshekhang kü daituh; nüngei lakdah-i nyembenüng dou dükhütuh.

2 KORINT 6:10

mongmangnyu kei shejao düngei mongong kü, taopathü kei, shejao longi shemmei kei, meheyao ne-angnyu kei shejao lemphü angpükei nyunyeih.

KANDOK 29:4

Shahhing homei ongpa hüki kahmük hük chong wonghünyeih, shejao üpai yawhdou kü kennya, büpai ha bentüknyeih.

2 ONGPATHÜ 18:7

Shembüpa büpa mü nyu; büpai dükpü lemphü kü aokpü dang. Büpai Assyria ongpa khüei yaong, hatü büpai büpa chongnepho.

KANDOK 14:26

Shembüpa kü nyempai monglempü longpü dangnyüpeih, hatü büpalei hapeüthü shingvaishi loishing vaikahen.

ISAIAH 11:9

Ngelei daülangpü kahshangei, jomi ten nedükhen nevaijü nejüteihen; mehenangkü yungching kü yungi maei nyupükei, kahdoknyü-ü Shembüpa nyingpai maei nyuhen.

ISAIAH 26:1

Hapa nyih Judah kahdokei hapa kesho lokhen: Jenei chingnyü wong kohshi nyüke; Kahvangi aokpü dangpeyü bham shaungpükei, hatü kahdok shaopülei lingei nyüke.

ISAIAH 33:20

Moeitapei nyupü Zion chingnyü kü veituh; Chingmeivangmei shinghiphei, mechemao bhiyei nedaihen Jerusalem ashakshem ammei müki eehen; haleipü shemha hükao leüh-ei nedaihen, nevaijü haleipü vü hükao nephenhen.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

ISAIAH 51:14

Khoklatei nyupüthü lomi vamdaihen; jom khoklatei nyuei nedihen, nevaijü hahying taoei nenyuhen.

JOB SHAHSHA APPÜ 4:6

Nüngi Kahvang kü nyempü hayü nüngei monglem, hatü nüng eela neshiüi nyupeyü nüng mong nyangshing nevaipü je?

KANDOK 2:5

Nüngi Shembüpa kü nyemhen nyinghen, hatü Kahvang nyinghen kon dangaokhen.

KANDOK 14:24

Kon kohpüthülei athenü jomei kihikon, shejao ngadounganangü ngapathülei chüyük.

ISAIAH 32:17

Daülangpülei betjükü chingmei, hatü hapa homei vampü nangleiyü chingmei hatü den kü monglemteipü nyuhen.

ISAIAH 32:18

Ngelei nanglakthüyü chingmei vangmei nyupü shing kü, nyiushemmei shemthü kü nebaokneshaanpü nyiumei shingthü kü nyuhen.

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

HABAKKUK 2:14

Shejao yungi yungching mapü keiha, kahdoknyü-ü Shembüpalei müknyinshekhang nyingpai maei nyuhen.