ISAIAH 33:5 - DAÜLANGPÜ LAIHING (BSI)

⁵ Shembüpayü meshük longpüang! büpa shangei nyüke; büpai Zion shahhingi, hatü daülangshemshepai mahüteke.

ISAIAH 33:5 Referans Kwoze

ISAIAH 2:17

Shennyakthü bhongeingampü dohtükhen, hatü hangku changmeipü bhih-ei maantükhen. Hapa nyih Shembüpa mon longei anshihhen.

ROM SHAHSHA APPÜ 11:26

Hapakei Israel am peü yanghen; hapa nyangei nyüke: “Zion kübü Yemleipüba peikahen; büpai Jakob kübü mangthü peü yaktükhen.”

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

ROM SHAHSHA APPÜ 3:26

Büpai hayü shaangpü hepak kü büpayü daülangshemshepü hatü üpai Jisu kü hinglem büpai dahshakhünyeih shei huhen shingvaishi ha dükteke.

ISAIAH 66:1

Shembüpai hapakei enyüke: “Vangsho-ü ngelei ong uoshing, kahdoknyü-ü ngelei la shoupshing. Menüng keipü shem amphongi ngei kü melei vephahenang? Ngei nyiumeihen shing melei nyüpa?

ISAIAH 61:11

Mehenangkü kahdoki sheili nyem phaathüpü kei, hatü pemongi halei sheili kohhüpü keiha, Shembüpa Kahvangi daülangshemshepü hatü dupü-oupü jatthü peü eeshi kohhühen.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 37:20

Oh Shembüpa, hamei Kahvang, kahdoknyü ongchingthü peüi nüng monha Kahvang khih shei nyinghen shangmü nüngi büpalei lakmong leipü ham yangshih, Oh Shembüpa” shei phop.

ISAIAH 33:10

Shembüpai, “Shaang ngei yaonghen” “Shaang ngei longei aonghen” “Shaang ngei shangei aonghen” shei enyüke.

ISAIAH 32:1

Veituh, ong hüki daülangshemshepai, hatü vanglem lembüthüi shahhingi vanglem lemkahen.

ISAIAH 28:6

Shahphenpü uoshing kü uopüthü shingvaishi büpayü shahhing laangha vaihen, hatü penyüshalei thepju kü vepa kü khangei yaongpüthü shingvaishi wong vaikahen.

ISAIAH 12:4

Hapa nyih ammi hapakei ehen: “Shembüpa men vihtuh, büpalei men kü nyüktuh; büpai mehe douthü dük, ha jatthü kü nyinghütuh; büpalei men peü mü shopüba shei baongtuh.

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

MENVIH KESHO 123:1

Ngelei müki nüng kü veinyeih, Oh nüng vangsholei ong uoshing kü uoshi nyüke.

MENVIH KESHO 118:16

Shembüpalei lakdah shaoshi haongnyüke, Shembüpalei lakdah phi-i wong kohpü douthü dükteke.

MÜLANGPÜ 18:11

Shaang, Shembüpayü lebü kahvangthü peü khongkü longpüpa shei ngei nyingteke; mehenangkü mechem Ijip ami Israel am kü naamei dükpa, büpai nanglakthü Ijip am lak kübü yangpeih” shei e,

MÜLANGPÜ 15:6

Nüngei lakdah kü, Oh Shembüpa, müknyinshekhang wong nyüke; Nüngei lakdah-i, Oh Shembüpa, vepathü nihtüknyüke.

MÜLANGPÜ 15:1

Hahepak kü Mosa hatü Israel ami Shembüpa kü hapa kesho lok: “Ngei Shembüpa kü kesho lokhen; mehenangkü müknyinshekhangshi büpai aokpü dangteke; Koyei hatü ha kü uopüthü büpai yungei shüktükteke.

ISAIAH 52:1

Paotuh, Paotuh, Oh Zion, Wong kohtuh! Nethe meipü owhiai owtuh, Oh daülangpü chingnyü, Jerusalem. Mehenangkü nejaptükpü hatü nedaünelangpüthüi hajük kü ammei penyüshamongei neshüküpih.

ISAIAH 5:16

Shejao Jeiyong Shembüpai büpalei shahhing homei longei anshihhen, hatü daülangpü Kahvangi büpalei daülangshemshepai laophü nyingi daülangi huhen.

ISAIAH 26:1

Hapa nyih Judah kahdokei hapa kesho lokhen: Jenei chingnyü wong kohshi nyüke; Kahvangi aokpü dangpeyü bham shaungpükei, hatü kahdok shaopülei lingei nyüke.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

ISAIAH 33:4

Ammi mophimo thaiyei shüngnyüke, hatü shoukhanbaong yow keiha shennyakthüi laongei shetei lüdainyüke.

ISAIAH 56:1

Shembüpai hapakei enyüke: Shahhing noteituh, jiüpü düktuh; Lomi ngelei yemleipü peikahen, hatü ngelei daülangshemshepü shakei vamkahen.

JEREMIAH 23:5

Ngei David kü kon kohshi vanglem lemhen, hatü kahdok kü mehe shahhing, hatü jiüpü nyüpa, ha dükhen daülangpü Pükao hük vamhühen nyihthü ngoikünyüke, shei Shembüpai enyüke.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”