ISAIAH 33:2 - DAÜLANGPÜ LAIHING (BSI)

² Oh Shembüpa, nüngi ham kü phahjishih; hami nüng omdannyeih. Nüngü nepjeih hamei wong, shanghah hepak kü ham yangbü vaikei.

ISAIAH 33:2 Referans Kwoze

ISAIAH 59:16

Ponghahpüthü kü khüambakhen üpayao neshiüpü eeyei büpa thamanyüke; Hanangkü büpai laophülei ngani jom yanghen hatü aokpü danghühen.

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

MENVIH KESHO 60:11

Oh vepathü khüei ham kü sheühshih; mehenangkü hangku-i sheühpeyü yahlak neshiü.

MENVIH KESHO 62:8

Hepak peü kü büpa kü hinglemtuh, Oh nanglakthü; ammei mongdang büpa kü ngaiyei shuohtuh; mehenangkü Kahvangü jen loishing.

MENVIH KESHO 62:1

Kahvang kü ngelei laanghai nenmü omdannyeih; büpa leipü mon yemleipü peinyeih.

MENVIH KESHO 46:1

Kahvangü jen loishing hatü wong, shanghah kü shaangpü shaang sheühbü.

MÜLANGPÜ 14:27

Mosai büpalei lak yung shak kü haong, hatü nepnüng dhom mü yung hapalei shingkü nyokei lei. Ijip ami yung leipü yangdainüng nyaishingkü Shembüpai jom yungei hungei shüktükkem.

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

YOUNG LAI 3:23

Jomphongü nepjeih ja kei khanha; nüng monglempü longpü nyüke.

JEREMIAH 14:8

Oh Israel amei Monglem, shanghah hepak kü Yangbü, Mehekei nüngü hapa kahdokei yenthüng kei, ya hük mon paümpü yenpa kei nyudainya?

ISAIAH 40:10

Veituh, Shembüpa Kahvangü ngan mü peikünyüke, hatü büpalei laki vanglem lemnyüke; Veituh, büpai thintho kotü laophülei nanglakthü mü peikünyüke.

ISAIAH 26:16

Oh Shembüpa, shanghahpü nangkü jomi nüng yemteke; mechem nüngi jom kü lohshuohpa, jomi nümei dangkao phopnyüke.

ISAIAH 26:8

Oh Shembüpa, nüngei shahkungnyü lem kü kamei hami nüng omdannyeih; nüngei men hatü nüngei menmeiyü hamei laanghaiyahhüpü.

ISAIAH 25:4

Nüngü taopathülei loishing meipü, hatü nehahneyingpüthü shanghah shingkü nüng jomei loishing. Baihivang hatü nyahpüshampü kü nüngü loishing hatü dhüm nyuteke. Mechem nemeipüthüi ünyü hepak kübü vang keiha ching hahpa,

MENVIH KESHO 123:2

Chongphopathüi laophülei shembülei lak kü veipü keiha, chongpholathüi laophülei shembü lanyülei lak kü veipü keiha, büpai ham kü mangphahji thahshi hamei müki Shembüpa, hamei Kahvang kü veinyeih.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

MENVIH KESHO 90:15

Ham ponghahpü nyihthü shük, hatü ham shanghahpü bongthü shük nüngi ham kü mongong yahshih.

MENVIH KESHO 62:5

Kahvang kü mon ngelei laanghai nenmü omdannyeih; ngei monglemhenü büpa leipü mon dangnyeih.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

MENVIH KESHO 46:5

Kahvangü hapa chingnyü jiamei nyüke, hapa nejenlenhen. Nepnüng dhom mü Kahvangi pinnyü kü sheühhen.

MENVIH KESHO 37:39

Daülangpü am yanghenü SHEMBÜPAleipü peinyeih; Jom shanghahpü hepak kü büpayü jomei penyüsha.

MENVIH KESHO 25:3

Nüng kü monglemei omdanpüthü teveühü, shejao lanei neshuohpüthü veühütuh.

MENVIH KESHO 143:8

Dhom mü nüngi bampü jung ngei bangshah; mehenangkü ngei nüng kü hinglemnyeih. Ngei daihen lem nyuhshih; mehenangkü nüng kü ngei ngelei laangha phoppü shomnyeih.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

ISAIAH 17:10

Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

ISAIAH 37:3

Jomphongi büpa kü, “Hezekiah-i hapakei enyüke: Hapa nyih-ü shanghahpü, lohhahpü hatü mongmangpü nyih khih; nyüha hüki naü anghen hepak ngoijü hapa naü anghen wong kemdaipükei shüke.

ISAIAH 51:5

Ngelei yemleipü shülangi yopailei koei peikahen, ngelei yemleipü peikünyüke, hatü shahhingi ngelei laki jatthü kü shahhingi vanglem lemhen; Yungkungei nyupü kahmükthüi ngei om veihen, ngelei laki jom yangshuohhen shei monglemei dannyüke.

MENVIH KESHO 33:22

Hami nüng kü monglemshingkü nüngi bampü ham mü nyukei, Oh Shembüpa.

ISAIAH 8:17

Jakob am shem kübü dhe jolangpü Shembüpa kü ngei omdanhen hih; ngei büpa kü hinglemhen hih.