ISAIAH 33:1 - DAÜLANGPÜ LAIHING (BSI)

¹ Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

ISAIAH 33:1 Referans Kwoze

MATHI 7:2

Nüngi mih-ei shahphenpü ha yah-ei nüng kao shahphenhen, nüngi mih kü dakpü shongdak lakshingi nüng kao dakhen, nevaijü nüngi mih kü shetpü lüng aihüki nüng kao shethen.

ISAIAH 24:16

Kahdoknyü dohpü phileipü “Daülangpü Hük kü müknyinshekhangtuh” shei lokpü hami dannyüke. Shejao, “Ngeiyü jaangteke! ngeiyü jaangteke! Ngeiyü onyükei! Ühingnakaipüthüi ngei yuhahteke!” shei ngei eteke.

SHAKEI VAMPÜ 17:17

Mehenangkü Kahvangei shahthü mangdhaüm thahshi Kahvangi mongpü mükhong dükhen büpai jomei mongkü jomei ongching vanglem lemhen yemha kü ngan shuohhen mongteke

ISAIAH 21:2

Vongshüh peihen manghkhang hük ngei kü huteke, hapayü lueilemhen hatü mangtükhen nang nyuteke. Elam veshanthü, ching hahtuh! Media veshanthü, ching shümtuh! Babylon ami shuohpü hanghi ngei dohtükhühen.

ISAIAH 10:12

Mechem Shembüpai Zion Kahshang hatü Jerusalem khüei dou peü dükkemhenshang, büpai, “Changmeipü hatü awdapü Assyria ongpa kü shüveihen” shei enyüke.

SHAKEI VAMPÜ 13:10

“Am wüpküpei daihen mü nyujema wüpküpei daituh; üam yani mahhen mü nyu, yani mahtuh.” Hapayü daülangpüthüi munenhen hatü hinglemhen nangkü thongpü nyüke.

ISAIAH 17:14

Om dhüjü nyempühanpü mon, dhom keyü jom neshiü. Hamei kahmük kübü mophimo aetpüthüyü hapakei ponghahhen.

SHAHPHENBÜTHÜ 1:7

Hahepak kü Adoni-bezeki, “Ngelei nükdü phangei ongthü pejempüan jomei lakphiennyü hatü laphiennyü dehtüktü nükkuk homei hahshi nyuhampeih. Ngei mehe hathü kü dükshuohpa, shaang Kahvangi ha ngei kü nyokei yahphopü khih” shei e. Jomphongi büpa Jerusalemei yah-ei lei, hatü büpa halei didai.

SHAKEI VAMPÜ 16:6

mehenangkü jomi daülangpü, hatü thibüthülei iy yenhüteke, nüngi jom kü iy yinghen shuohteke. Jomi ha danghen shangpeih!”

SHAHPHENBÜTHÜ 9:23

Hahepak kü Kahvangi Abimelekh hi Shekhem am aa kü mang laang shom, hatü jomi Abimelekh kü longi nemei-i noteke.

ISAIAH 14:25

Ngei ngelei kahdokei Assyria am ngümtükhen; ngelei kahshangei ngei büpa la-i shoupei shantükhen. Büpalei kenh ngelei nanglakthü leipü bhühtükhen, hatü büpalei hanggovih jomei bhagchong leipü yailanghen.

ISAIAH 31:8

“Hapa nyih Assyria am shennyaki nevai shejao yani mahkemhen; shennyaki nevai, shejao yani lühtükhen. Yan kü nyemei jom nyaihen, hatü jomi jomei nyahbaongthü kangei dou dükhühen.

ISAIAH 48:8

Ammi chemao mangdan, nevaijü mangnying, shelei mebü ammei dhaong kü ha neshü. Am meshük lueilemnya, ha ngei meishi nyingei nyüpeih; Hanangkü am keyü bühhinüng khüei yaongpüam shei nyüknyeih.

EZEKIEL 39:10

Jomi kah leipü pü nenahen nevaijü phaü leipü aghen napü neshiü; mehenangkü jomi vehok phunglang kaakei aw kü jakshi nyuhen; üami jom kü aeteishetepa, jomiyao ha am kü aeteishehen shei Shembüpa Kahvangi enyüke.

KANDOK 22:23

Mehenangkü Shembüpai jom khüambakei yaongkahen, hatü jomphong leipü aetpüthü leipü büpai aetlanghen.

ZEPHANIAH 3:19

Ha nyih ngei am kü shüveipüthü kü shüveihen. Ngei lakkholanopüthü yanghen, hatü haidaipü nanglakthü thailanghen. Jom veüponghüpü kahdok peü kü veüpong nangjei menvih shuohhen.