ISAIAH 32:9 - DAÜLANGPÜ LAIHING (BSI)

⁹ Laophü kü monglempü nyühathü, yaongtuh, hatü ngei epü bangtuh. Mong lemshi nyupü nelathü ngei mehe enya, ha kü bangtuh.

ISAIAH 32:9 Referans Kwoze

MATHI 13:9

Dhaong kohpü peüi bangtuh!

ISAIAH 28:23

Bangtuh, hatü ngelei shah danhahtuh; ngei mehe enya, ha kü mong shuohtuh.

ISAIAH 3:16

Shembüpai enyüke: “Zion nelathü aung neleipü nangkü, hatü üng domei domei veishi mükmo moei, ownyülangha bongmü, lüngnyü lüngha bongmü lakdük lateen kü kling klang mü longteipü nangkü;

ZEPHANIAH 2:15

Hapayü monghamshi nenyemnehani nyupü chingnyü, jomei wong kü monglemei hapakei e, “Ham mon, üamao ham kei neshiü.” Mehekei shaangü yemhimak paümshing chingkow leidaipa? Ham kü peihpüleipü peüi shiinyüke, hatü ngaüm dhinyüke.

YOUNG LAI 4:5

Chemü hetmeiyungma mon hahshi nyupüthü, shaangü aeipülepai chingshongei diyei nyüke; Chemü büm-ow meipai mon owtü longhahpüthü shaangü depla nyiotü nyüke.

SHAHPHENBÜTHÜ 9:7

Mechem Jothami hapa jung danpa, büpai Gerizim Kahshangei heih-ei wong mü lenei jomphong kü, “Ngei epü kü bangtuh, am Shekhem shennyakthü, shejüang Kahvangiyao ammi epü bangkahen.

SHAHKÜP 28:56

Longi kenhing monghapü, longshem ongshem kü bühpü, shemmei mechemao kahdok kü neshuoppü nyühaiyao longi aeipülepü nangkü laophülei hapeü jüei hahhen hatü pinnyüi laophüi bampü baha nevaijü hapeüthü üpa kao ha hanei ne-ühhen.

MENVIH KESHO 123:4

Shemmeithüi ham kü yaüpü, changmeipüthüi ham vüshihpü munenei heihtepih.

JEREMIAH 9:20

Shembüpalei shah bangtuh, Oh nyüha, hatü büpalei ju kübü shah nüngei dhaongei shühahtuh; Anha kü mahng kesho hük nyuh-eishuoh, hatü nüngei küphü kü mahng thephen nyuh-eishuoh.

JEREMIAH 9:19

Mehenangkü Zion leipü ngeü hük, “Ham mekei lomohpa! Ham mekei veü pongpa! Mehenangkü hami kahdok tuhphong, hatü hamei nyushingü bentükteke” shei epü dannyüke.