ISAIAH 32:16 - DAÜLANGPÜ LAIHING (BSI)

¹⁶ Yinghilong mongkü shahhing nyuhen, hatü betjük jükpü kah kü daülangshemshepü nyuhen.

ISAIAH 32:16 Referans Kwoze

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

ISAIAH 42:4

Büpai kahdoknyülei shahhing mangling thahshi büpai mongmah-ei, nevaijü mong maanei nenyukahen.

ISAIAH 35:8

hatü halei lemnyüshong hük nyuhen; ha kü, “Daülangpü Lem” shei nyükhen. Nedaünelangpüthü hapa lem kü nekamhen, shejao hapayü Kahvangei shennyakthü shing mon nyuhen. Nemeipü, ngapathü hapa lem kü nekamhen.

ISAIAH 28:6

Shahphenpü uoshing kü uopüthü shingvaishi büpayü shahhing laangha vaihen, hatü penyüshalei thepju kü vepa kü khangei yaongpüthü shingvaishi wong vaikahen.

ISAIAH 33:5

Shembüpayü meshük longpüang! büpa shangei nyüke; büpai Zion shahhingi, hatü daülangshemshepai mahüteke.

ISAIAH 42:11

Bhih kahdok hatü haleipü jilathüi; hatü Kedar am nyupü chingthüi Kahvang men vihtuh. Sela chingnyülei nyupüthüi mongong kesho loktuh; jomi kahshang shaopülei aongei lentuh.

ISAIAH 48:18

Ngelei shahkungthü kü ammi mong shuohlangmeyü, moihiman, nyiushemmei yungyen keiha yenkeihah shepeih, hatü am aokpü dangpeyü yungnyü lahao kei peikühah shepeih.

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

ISAIAH 11:9

Ngelei daülangpü kahshangei, jomi ten nedükhen nevaijü nejüteihen; mehenangkü yungching kü yungi maei nyupükei, kahdoknyü-ü Shembüpa nyingpai maei nyuhen.

JEREMIAH 31:23

Jeiyong Shembüpa, Israel Kahvangi hapakei enyüke: “Mechem ngei jom wüpküp leipü müei leihen, Judah kahdok hatü haleipü jilathü leipü nanglakthüi shao hathü shah noteihen: ‘Shembüpai am moihimantuh, Oh daülangpü am nyushing, Oh daülangpü kahshang.’ ”