ISAIAH 32:15 - DAÜLANGPÜ LAIHING (BSI)

¹⁵ Shejao shangphi leipü laangha ham kü khüpphahen, hatü bhih kahdok kemei kahcheü kohpü kahdok leihen, hatü hapayü yinghilong kei nyuhen.

ISAIAH 32:15 Referans Kwoze

ISAIAH 29:17

Kansho hük mong aa kü Lebanonü kahcheü kohpü kah leipeih, hatü kahcheü kohpü kah-ü phaü neleihen je?

EZEKIEL 39:29

Hajük kü ngelei dhe jom toueipü nejodaihen; mehenangkü ngelei laangha Israel phang kü khüpshuohhen shei Shembüpa Kahvangi enyüke.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

ISAIAH 59:19

Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü Shembüpalei ngü vanglük keiha peikahen.

PHONGSHANTHÜ DOU 2:33

Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.

LUK SHAHSHA APPÜ 24:49

Veituh, ngelei Pa-i mehe lah, ha ngei am kü shomhen; hanangkü amphong shangeipü ngani am kü mangbak thahshi chingnyülei nyutuh” shei e.

2 KORINT 3:8

Laanghalei chongphopü dousho meshük nyeishi müknyinshekhang kü peikahen?

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

MENVIH KESHO 104:30

Mechem nüngi nüngei ngü duhenshang jom vamnyeih; hatü nüngi kahdok shak ja leihünyüke.

ISAIAH 63:11

Hahepak kü jomphongi Shembüpalei chongphobü Mosalei nyih deih-ei dang, hatü jomi, “Laophülei mi yombüthü mü hathü yungching leipü yangpübamelei nyüpa? Jomphong kü laophülei Laangha Daülangpü shuohpü melei nyüpa?

ISAIAH 45:8

Oh vangsho shangpa, vang keipü daülangshemshepü shomtuh; Kahdoknyü ju aptuh, yemleipü koh-ei vamhütuh; hapa mü daülangshemshepü longhütuh; Ngei, Shembüpai hapa lingpeih.

KANDOK 1:23

Ngei lohpü kü lihahtuh; Ngelei mongdang leipü shahnying meipü, hatü ngei deihpü kemei ngaiyei am kü ephüshah.

ISAIAH 35:7

Bhihshamü yungkuk leidaihen, kahvan bhaoei yunglok vamkahen. Chem hepak shahhishuw nyupü shing kü pingu hatü yeih kohhen,

MENVIH KESHO 107:35

Büpai shao bhih kahdok yungkuk leitüknyeih, hatü kahvan kahdok yunglok vamshing leitüknyeih.

MENVIH KESHO 107:33

Büpai yungnyü ütüktü bhih kahdok leitüknyeih, yunglok vamshing kahvan leitüknyeih.

JOHAN 7:39

Shaang büpai hayü büpa kü hinglempüthüi yahhen Laangha jung eteke; mehenangkü Jisu müknyinshekhang kü mangaongdai-i nyupü nangkü Laangha shao-üng mangshuoh-i nyuteke.

ISAIAH 28:6

Shahphenpü uoshing kü uopüthü shingvaishi büpayü shahhing laangha vaihen, hatü penyüshalei thepju kü vepa kü khangei yaongpüthü shingvaishi wong vaikahen.

ISAIAH 59:21

Shembüpai, “Ngei shingvaishiyü, hapayü ngei jomphong mü vangteipü nyüpeih” shei enyüke. “Ngelei laangha mepa am kü nyu, hatü ngelei shah ammei ju kü shihpü ha ammei ju kübü nevaijü ammei hapeüthü nevaijü hapeüthülei ju kübü shaang mebü dohpü neshiüi neyandaipih” shei Shembüpai enyüke.

EZEKIEL 37:14

Ngei am kü ngelei laangha shihphahen, hatü am yem tuhphonghen; shejüang ngei, Shembüpai ha eteke, hatü ha dükkahen shei ammi nyinghen shei Shembüpai enyüke.