ISAIAH 30:2 - DAÜLANGPÜ LAIHING (BSI)

² Ngei leipü chudeih neyah-i üami Ijiplei yiünya, üami Pharaoh-i yangphahen shei sheühpü yemnya, hatü Ijip amei vangdhüm kü loihen yemnya, onyükei!

ISAIAH 30:2 Referans Kwoze

ISAIAH 36:6

Veituh, nüngiyü tetdaipü lenshuoh nopü shennyak lak kü hühhahpü nevaijü aokhahpükei shepü Ijip am kü mongnyangnyu khihma. Ijip amei Pharaoh ongpa kü mongnyangpü peü kü büpai hei mon düknyüpeih.

JEREMIAH 43:7

Hanangkü jomi Shembüpalei shah nebangi Ijiplei yiü hatü Tahpanhes ngoiteke.

BHEI-IE 27:21

Eleazar ngongpa touei büpa yaonghen hatü büpa shingvaishi Shembüpa toueipü Urim hatü Thummim kü Eleazari pheyei Shembüpai mongpü nyinghen. Hapa keiha Eleazari Joshua hatü Israel am khong kempü kü lem hupükei jom daihen hatü leihen” shei e.

YOUNG LAI 4:20

Shembüpai thiteiphutükpü hamei yangnyu ngü jomei tailok kü mandaiteke; Büpalei vangdhüm phangkü loishi, ham jatthü mü nyuhen shei deihteke.

JEREMIAH 42:20

am longi pungteke shei nyingtuh. Mehenangkü ammi ngei Shembüpa, ammei Kahvang touei, ‘Ham shingvaishi Shembüpa, hamei Kahvang kü phopshih, hatü Shembüpa, hamei Kahvangi mehe ehen, ha hami dükhen’ shei eshi shomteke.

JEREMIAH 42:2

Jeremiah thibü kü, “Chingmeilemlingei hami phepü kü nüngi banglangshih hatü Shembüpa, nüngei Kahvang kü aoei nyupü nanglakthü shing phopshih. Nüngiyao shaang eenyüke, chemü ham longi nyupeih, shejao shaang maani mon aoei nyüke.

JEREMIAH 37:5

Ijip leipü Pharaohlei veshanthü viong homei peikünyükeja shei danei Babylon am Jerusalem shümei nyupü kübü jom nyokei leidai.

JEREMIAH 21:2

“Chingmeilemlingei hamei men kü Shembüpa kü phekütuh; mehenangkü Babylon ongpa Nebukadnezzari ham khüei vehok pangkünyüke. Üpai nying, Shembüpai peihdaipü hepak kü dükpükei, shaangao yashanyale dou dükjü büpa ham toueipü leidaiphahen aokpeih” shei e.

ISAIAH 36:9

Ijip ami nüng kü koyei khari hatü koyei veshan yahphahen hih shei ejao nüngi ngelei shembü ongpalei peü mü maanpü lakchongbü mü dangkao mekei etü hokaokhen?

ISAIAH 18:1

Kush amei yungdangei kahdok hükei yang dheüpü ngeü dannyüke:

ISAIAH 16:3

“Ham kü shahnying meipü venshih; mehe dükhen ham kü eshih. Hebaongwong kü yanüng kei nüngei vangdhümi dhümshih. Hamphongü benhayaha, ham kü ne-ühingi ungshih.

2 ONGPATHÜ 17:4

Shejao Assyria ongpai Hosheayü peileipa khih shei yepaok; mehenangkü büpai Ijip ongpa So kü khüambakshih shei phongmokbüthü shom, hatü büpai bong ieyei Assyria ongpa kü shuohhampü bom neshuoh-i doh. Hanangkü Shalmaneser-i büpa yepei khoklatei tuh.

1 ONGPATHÜ 22:7

Shejao Jehoshaphati, “Jeni phehen mü hatouei Shembüpalei thibü lebü hükao nenyupü je?” shei phe.

SHAHPHENBÜTHÜ 9:15

Hahepak kü daümnyak hüh-i, ‘Hingmei amphongi ngei ong nyemvaikei shei deihjema peiyei ngelei dhüm kü loituh; hapakei nevaijema daümnyak hüh kübü aw vamei Lebanon kübü cedar püthü hahtükkemtuh!’ ” shei eteke.

JOSHUA 9:14

Israel shennyakthüi jomphong leipü hahying hanei yah, shejao Shembüpa kü hapa nang nephe.

SHAHKÜP 28:68

Amphong halei ne-yei nyokei neshompih shei elangmao Shembüpai amphong shao Ijiplei jahas kü uoei shomtükhen. Halei amphongi ammei vepathü kü laophü nyingi aa vaihen shingvaishi yuhen, shejao üpaiyao amphong neshakhen.

2 ONGPATHÜ 18:21

Veituh, Ijip amü lak kü hühhahhen nevaijü aokhahhen mü nihdaipü bhuknyü lenshuoh kei nyüke; nüngi jom kü mongnyangshi nyüke. Ijip ongpa Pharaoh kü mongnyangpüthü peü hapakei mon pongnyüpeih.

ISAIAH 8:19

Mechem shennyakthüi ngeü lemmü lemmü vamei lashüh tetpüthü, hatü phongyompüthü kü phetuh shei ephahenshang, nanglakthüi laophülei Kahvang kü nephehen je? Yemmü nyupü am nangkü yimpi am kü mehekei phenya?

JEREMIAH 2:18

Nile leipü yung yingnüng nüng Ijiplei yiüpai nüngi mehe dangnya? Nevaijü Euphrates yung yinghen Assyrialei heihpai nüngi mehe dangnya?

JEREMIAH 42:14

hatü ‘Anyoh, ham Ijip kahdokei leiyei vehok hatü vehok amit ngeü nedanpü, nevaijü aeipülepü neshiüpü shingei leidaihen’ shei ejema,

HOSEA 7:13

Jomi ngei toueipü lemnyongei lüdaipü nangkü onyükei! Jomi ngei khüei yaongpü nangkü jom mahtükhen! Ngei jom yanghüjao, jomi ngei khüei shahshem enyüke.

HOSEA 8:9

Mehenangkü jomü phaüei gadu monha longteipükei Assyrialei aongei nyüke, Ephraimü laophü nyingi maithü kü yutükteke.

HOSEA 8:10

Jomi laophü nyingi jatthü kü yutüklangmao, shaang ngei jom thailanghen. Mechem Assyria ongpai jom kü shüveihen, lomi jom tüngpai hangha yüpteihen.