12 Hanangkü daülangpü Israel Kahvangi hapakei enyüke: “Mehenangkü ammi hapa shah yaktükpü nangkü, hatü depülaopü kü, hatü lawlüppü kü mong shuohpü nangkü;
Hanangkü yei kübü vampü awlomi hahtang hahtükpükei, hatü awlom touei thüngvan hemdaipükei jomei tünglang shedaihen, hatü jomei chübong bhihla keiha piyei lüdaihen. Mehenangkü jomi Jeiyong Shembüpalei shahkungnyüthü yakphong, hatü Israel amei Daülangpü Hükei shah yaktük.
Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.
Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.
Ammei mang kü ammi mong yangei deihnyüke, hatü, “Üpaiyao ham ne-eeaokpih” shei deihnyüke. Ammei kihikon hatü nyingpühingpai am lemnyong kü mülang, hatü ammi ammei mongei, “Ham mon, ham mü lenei lebü neshiü” shei ehahnyüke.
Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.
Hapayü ammei lashüh shangba, am kü dokei tuhpü phaihan shei Shembüpai enyüke. Mehenangkü ammi ngei betük, hatü shahshem kü hinglem.
Mehenangkü Ijip ami sheühpeyü yahlak neshiü. Hanangkü ngei jom kü, “Neheti uopü Rahab” shei nyüknyüpeih.
“Oh ven nedanpü hapeüthü onyükei,” “Üami ngelei küpjan nevaipü kü küpjan lingei dainya, ngei mongpü nevaipü kü üami mang kü mang üei mih mü uwmeilem lingnya;
“Hami dipü mü vangpüshuwpü lingtepih, mahngchong mü shah shettepih shei changmeinyüke. Shanghah vongshüh dhaümshing kü ham neponghahpih; mehenangkü shahshemü hamei loishing, hatü peileipeyü ham joshing shei deihnyüke.”
Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.
Aetpüshepü kü hingtelem; angsha kü gühhen kü mongtelem; mop nyeinya dashingkü nüngei mong hathü kü tenyang.
“Kahvang kü neloipü shennyak, shejao mop kü monglempü, hatü hapa kü loipü shennyak kü veituh!” shei ehen.
Mehenangkü jomei mongkü ten dükhen mon temnyüke, hatü jomei ju-i vongshüh vamhühen mon enyüke.
Shembüpai büpalei nanglak behethü, hatü mübüthü khüei shahphenhen yaongnyüke. “Ngelei nyalingngupai kah mangtükpü hayü am hih; hatü taopathülei douhinang ammei shemei nyüke.
Ngelei nanglakthü ngümtükpü, taopathülei dhe nihtükpü mehe lappüang?” shei Shembüpa, Jeiyong Kahvangi enyüke.
Israel amü jomei chingnyü Samaria mü wong kohpü nevai, hatü Samariayü Pekah ongpa mü wong kohpüba nevai. Nüngi hinglempü kü wong nekohjema, nüng shenei nenyuaokpih.”
Mehenangkü hathü nanglakthüi nenmü yenpü Shiloah yungyen tuhphongtü Rezin ongpa hi Pekah ongpa nyi kü nyempü nangkü;
Kahdoknyülei nyupüthü kü jomei mang nangkü hanghi shuohhen shingvaishi Shembüpai büpa nyushing leipü vamei daikünyüke. Kahdoknyüi pinnyü shak kü iy yenpü küpei neaokhen; pinnyüi mahpüchahpüthü joei neaokhen.
Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.
Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.