ISAIAH 30:10 - DAÜLANGPÜ LAIHING (BSI)

¹⁰ Jomi manghkhang eepüthü kü, “Hajük kü manghkhang te-ekei” hatü thibüthü kü, “Mehe jiü, hapa nang teteivanei te-ekei shei enyüke. Ham kü mongongbenüng mon eshih, mehe lekahen ha mon eshih;

ISAIAH 30:10 Referans Kwoze

ROM SHAHSHA APPÜ 16:18

Mehenangkü hapa keipü shennyakthüi jenei Shembüpa Khrista chongnephonyih, shejao jomei shünyü chongphonyeih, hatü inyainyemi epai hatü yawhshah-i lapja-i nyupüthü luhahnyeih.

AMOS 7:13

Hajük kü Bethelei teteivanei meheyao te-ekei; mehenangkü hatou shingü ongpalei daülangpü shing, hatü hapa ongchingei khümshem nyüke.”

AMOS 2:12

Shejao ammi Nazirit am kü yiü yingshuohnyüke, hatü thibüthü kü thihivam shah te-ekei shei khüamnyüke.

JEREMIAH 11:21

Anathoth am shennyakthü üami nüng jütükhen yanei, “Nüngi Shembüpalei men kü teteivanei te-e; hei nevaijema hamei lak kü mahhen” shei epüthü kü Shembüpai hapakei enyüke

SHAKEI VAMPÜ 11:7

Mechem jomi jomei denpü shuoh-ei kemhen, shaongdoh neshiüpü kahsha leipü vampü yemhai jom mü vehok hokhen, hatü jom neü-ei jütükhen,

JEREMIAH 23:17

Ngei yakphongpüthü kü jomi düngei, “Am mü chingmei nyuhen” shei enyüke, hatü mongdang vaanpüthü peü kü, “Mepa shanghah-ao nepeiküpih” shei enyüke.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

MIKA 2:6

“Teteivanei chongtevenkei” “hathü dou nang tetpüvanpü te-ekei, meheyao hanghi nepeiküpih shei jomei thibüthüi enyüke.”

1 ONGPATHÜ 22:27

hatü hapa shennyak kü aan hatü yung nyi mon yingpü mü lenei lebü meheyao ne-üh-i ngei manglei thahshi khoklatei küpshi tuhtuh shei ongpai enyüke shei etuh” shei eteke.

1 ONGPATHÜ 21:20

Ahabi Elijah eeyei büpai, “Oh ngelei vepa, nüngi ngei eepü je?” shei e. Elijah-i jangei, “Hih, ngei nüng eetepih. Mehenangkü nüng nyingi Shembüpa touei mehe mang ha dükhen yutükpü nangkü,

GALATIA 4:16

Am kü shahhing epü nangkü shaang ngei ammei vepa leidaipü je?

PHONGSHANTHÜ DOU 5:28

“Hami amphong kü hapa men jung nenyuhhen hami am kü ngeükhüam wongmü shuohphei, shejao hatouei amphongi Jerusalemü ammei nyuhpüvenpai mateke, hatü amphongi hapa shennyakei iy ham shak kü kohühen temnyu khih” shei e.

PHONGSHANTHÜ DOU 4:17

Shejao nyeinya ha daei nanglakthü touei nedaihen shingvaishi jeni jiji kü hapalei men jung hajük kü ne-ehen ngeükhüam shuohshah” shei etei.

JOHAN 8:45

Shejao ngei shahhing epü nangkü ammi ngei kü hingnelem.

JOHAN 7:7

Kahdoknyüi amphong kü nejiühithen, shejao ngei kü jiühitnyüke; mehenangkü ngei ha khüei hapalei douthüyü mang shei denpü shuohnyeih.

JEREMIAH 38:4

Hahepak kü lakchongbüthüi ongpa kü, “Hapa shennyakü jütükhen vaipü khih. Mehenangkü büpai epü shah homei hapa chingnyülei nyupü veshanthü hatü nanglakthü mong maanhütüknyüke. Hapa shennyakiyü nanglak meihen nevai, jom lomohhühen mon yemnyüke” shei e.

JEREMIAH 29:27

Hanangkü am touei thibü hih shei dou dükei nyuhampü Anathoth am Jeremiah kü hapakei mehekei nedükshuohnya?

JEREMIAH 26:11

Hapheikü ngongpathü hatü thibüthüi lakchongbüthü hatü nanglak peü kü, “Hapa shennyakü dihen shangteke; mehenangkü büpai hapa chingnyü khüei eteke. Ammei dhaongi ha danteke” shei e.

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

2 SHÜPPÜKENGPÜ 25:16

Mechem büpai ha eyei nyupa, ongpai büpa kü, “Hami nüngü ongpa kü shahnying venhen jepü je? Shah te-e; hei nevaijema jühen” shei e. Hanangkü thibüpai shah epü doh shejao eteke, “Mehenangkü nüngi ha dükpü nangkü Kahvangi nüng jütükhen temei nyüke shei ngei nyingnyüke, hatü nüngi ngei epü kü nebang.”

2 SHÜPPÜKENGPÜ 16:10

Hapa thibüpai ha eshuohpü nangkü Asa longi mongshih; büpa longi mongshih-ei büpa yepei khoklatei tuh. Hahepak kü-üng nanglak hanei kü longi nemei-i shüvei.

2 TIMOTI 4:3

Mehenangkü shennyakthüi nyuhpü venpü meipü kü nebanghen hepak hük peikahen, shejao jomi lümpü kü jiüshi ejahen, hatü jomei dhaongi banghahhüpü aimü ejahen nangkü jom shinei nyuhbüthü longi thaihahhen,

2 TIMOTI 4:4

hatü shahhing shah banghen kübü lepei lüdaihen hatü yimpilathü kü mong shuohdaihen.

1 SAMUEL 9:9

(Shelei Israel leiyü, shennyak hük Kahvang kü lemhük phehahnüng daijema, büpai, “Kei, veibülei heihshah” shei ehamteke; mehenangkü shaang thibü shei nyükpü kü veibü shei ehamteke.)

ISAIAH 5:20

Ten kü mei shei epüthü, hatü mei kü ten shei epüthü; Vangngai nangjei vangnyak, vangnyak nangjei vangngai leitükpüthü; Vüngnyang nangjei shahyak, shahyak nangjei vüngnyangpü shihpüthü onyükei!

ISAIAH 29:10

Mehenangkü Shembüpai amphong kü shükshi shihen laangha shuohteke; Thibüthüi büpai ammei mük kü shaktükteke, hatü manghkhang eepüthüi ammei shangjing kü jümtükteke.

JEREMIAH 36:29

Shao ongpa Jehoiakim kü Shembüpai hapakei enyüke shei etuh: Nüngi hapa laidü jaktüktü, “Mehekei nüngi Babylon ong peiyei hapa kahdok mangtüktü haleipü nyüha baha hatü yemhimak kemei jütükhen shei nyangpa?” shei eteke.

JOB SHAHSHA APPÜ 41:3

Büpai nüng kü phahji yüei khümphahen je? Büpai nüng kü inyainyiami shah ephahen je?

ISAIAH 28:15

“Hami dipü mü vangpüshuwpü lingtepih, mahngchong mü shah shettepih shei changmeinyüke. Shanghah vongshüh dhaümshing kü ham neponghahpih; mehenangkü shahshemü hamei loishing, hatü peileipeyü ham joshing shei deihnyüke.”