ISAIAH 3:8 - DAÜLANGPÜ LAIHING (BSI)

⁸ Mehenangkü Jerusalemi huluh shuohteke, hatü Judah doteke; mehenangkü jomei shah hatü dou Shembüpa khüei nyuteke; jomi büpalei müknyinshekhang ompü sheihtükteke.

ISAIAH 3:8 Referans Kwoze

1 KORINT 10:22

Shembüpai mük nyemhühpha shei jeni deihnyu je? Jenü büpa mü wong kohpüba je?

HOSEA 7:16

Jomi nanglei neshiüpü lemei lepdainyüke; Jomü mangdaipü lah keiha nyüke; jom changmei shah epü nangkü jomei mübüthü yani mahhen, Ha eeyei Ijip ami nyiteihen.”

JUD SHAHSHA APPÜ 1:15

büpai Kahvang nenyingpü lem kü Kahvang nenyingpü dou dükpüthü peü kü, hatü Kahvang nenyingpü mangthüi büpa khüei epü shahlong peü kü shahphenhen.”

HABAKKUK 1:13

Ten kü veihen nüngei mükü ahshi-üng daülangpü nyüke, hatü douten dükpü kü nüngi neveihünyu. Shejema mehekei lawlüppüthü kü nüngi hei-üng veishi nyudainya? hatü nemeipüthüi jom mü nyeinya daülangpüthü lühtükpü kü nenmü veishi nyudainya?

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

EZEKIEL 9:9

Büpai ngei kü, “Israel hatü Judah amei mangü ahshi-üng ahdaiteke; kahmük kemeilei jüteipai maei hatü Jerusalemü iy-aongmashateipai madaiteke. Jomi, ‘Shembüpai kahmük yaktükteke; Shembüpai meheyao ne-eenyih’ shei enyüke.

EZEKIEL 8:12

Hahepak kü büpai ngei kü, “Shennyak ha, Israel am behethüi vangnyak kü laophü laophülei lajei tuhpü vaümchongei mehe düknya ha nüngi eela? shei e. Shembüpai jen ne-eenyih; Shembüpai hapa kahdok betüktih” shei jomi enyüke.

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

ISAIAH 57:4

Üam kü thaüvaünya? Üam kü loh-ei ju katü shahlong enya? Amü mangei hapeüthü, hatü lupülempüthülei li nevaipü je?

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

ISAIAH 1:7

Ammei kahmük lavüngtoidaiteke, ammei chingnyüthü awi hahtükteke, ammei müki eeshi kung ami ammei kahdok kowtükteke; Kung ami kowtükhinüng lavüngtoiyei leidaiteke.

2 SHÜPPÜKENGPÜ 33:11

Hanangkü Shembüpai jom khüei Assyria ongpalei veshan mübüthü shomei Manasseh am khoklatei yepei küp, shong kü nyiamphaaki kentü melangnyiami shatü Babylonei müei dei.

2 SHÜPPÜKENGPÜ 28:18

hatü Philistia ami hahepak kü-üng heshüphi kahshangla hatü pehephi Judah hahteke. Jomi Beth-Shemesh, Aijalon, hatü Gederoth hatü Soko chingnyüthü, Timnah hatü Gimzo mü jomei chingthü omshi hahteke.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

ISAIAH 49:19

Am nyaidaitü chingkong nyulangmao, hatü ammei kahdok lavüngtoiyei yakphongjao, halei nyuhen leipüthü shingvaishi kahdok maandaitü ponghen, hatü am lomohhüpüthü am toueipü taishi lüdaiphahen.

ISAIAH 59:3

Mehenangkü ammei lak kü iy khashi nyüke, ammei laki shaitüktü nyüke. Ammei jubenyeijaangi shahshem enyüke, hatü ammei jubenyeijaangi nemeipü dükhen nümnümnyüke.

JEREMIAH 4:13

Veituh! Büpa phum kei peikünyüke, büpalei koyei khari alüngleple kei; büpalei koyeithü alang mao shülangpüba peikünyüke– onyükei, jenü mahdainyu khih!

JEREMIAH 44:3

mehenangkü jomi mang dükpü, hatü ngei mongshihhüpü nangkü ha vampeih. Halei jom nevaijü nüng nevaijü ambü ampa-i nenyingpü kahvang kü ayingshü jakei khümpeih.

YOUNG LAI 1:9

Pinnyü nedaünelangpeyü pinnyülei büm-ow kü khashi nyüke; Ngoikahen nang pinnyüi deih-ei nelenyu; Pinnyü dopü nyemshi hanshi; üpaiyao pinnyü nyiushem meihühen neshiü. Pinnyülei vepathüi neüshuohpü nangkü, “Oh Shembüpa, sheühshih” shei enyüke.

MIKA 6:12

Ammei shemmeithüi üpteinyüke; ammei shennyakthüi shahshem enyüke, hatü jomei jubenyeijaangi lueilemei enyüke.

KANDOK 26:27

Shennyak hüki kahsha shojema, hapa kü büpa-üng vühen; shennyak hüki yaong ngowjema, hapai büpa kü-üng jeephen.

JEREMIAH 23:36

Shejao amphongi, “Shembüpalei shah” shei ju kü vamei te-etei; mehenangkü laophü laophülei shah-i hanggovih leidaiteke; hapa keiha vanyangyem Kahvang, Jeiyong Shembüpa, jenei Kahvangei shah nyongnyongdah-i leitüknyüke.

HOSEA 5:5

Israel am changmeipü jom khüei denpü nyüke; Ephraim ami laophü pungpü kü huluh shuohnyüke; Judah amao jom mü chemi huluh shuohnyüke.