ISAIAH 3:5 - DAÜLANGPÜ LAIHING (BSI)

⁵ Shennyakthü hüki hük kü shüveiteihen, hashih-i behe kü dhüm neshuohhen, nyüten patenthüi hamhiman kü dheshing dhenaamhen.

ISAIAH 3:5 Referans Kwoze

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

JAKOB 5:4

Bangtuh! Ammei kahlei hahvet nang shapüthülei lat ammi kon lingei neshuoh-i tuhpai lennyüke, hatü hahvetpüthüi lenpü Jeiyong Shembüpalei dhaong ngoiteke.

JAKOB 2:6

Shejao ammi taopathü kü dhüm neshuohnyu. Am kü shüveipeyü shemmeithü nevaipü je? Shahphen shingei am müei deipeyü hathü nevaipü je?

LUK SHAHSHA APPÜ 22:64

Jomi büpalei mük shümtüktü, “Nüng kü üppü üpashang nyingtuh” shei eteke.

MARK 14:65

Hanei-i büpa kü yuopi shaohen pang; büpalei mük kü ashaki shaktük, hatü büpa kü ap, hatü büpa kü, “Teteivanei etuh” shei e. Yombüthüi büpa müei deiyei üpteke.

MATHI 26:67

Hahepak kü jomi büpalei dhe kü yu-opi shao, laki daüp hatü apteke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

JEREMIAH 22:17

Shejao nüngei mükhimongü shahhing e-epü mop danghen, mang neshiüpü iy yenhen, mih kü shüveitü aettei daihen deihshi nyüke.

ISAIAH 11:13

Ephraim amei mükhüh mongyung mahdaihen, hatü Judah amei meimongnyahmong dohdaihen; Ephraim ami sheyü Judah am kü mük nehühhen, nevaijü Judah ami Ephraim am mü de nesheüteihen.

ISAIAH 1:4

Oh mang jatli, mang hanggovih chettü nyupü nanglakthü, mangei lihilathü, ten kü shuohtükpü hühihathü. Jomphongi Shembüpa yakphongteke; jomi Israel amei Daülangpü Hük yaktükteke, hatü büpa toueipü jomei dok lepdaiteke.

2 ONGPATHÜ 2:23

Elisha-i Jeriko leipü layaongei Bethel yemei aong. Büpa lemei kamei nyushingkü chingnyü leipü bahanaüthü hanei vamei büpa kü yaüeilungei, “Shangpaangpa lüdaituh! Shangpaangpa lüdaituh!” shei e.

LEVI 19:32

Viünyü viüpa kü sheühtuh; behe kü dhüm shuohtuh, hatü ammei Kahvang kü nyemtuh. Ngeiyü Shembüpa.

ISAIAH 9:18

Hingmei mangü aw keiha bahnyüpeih; hapai hühhihang hahtüknyeih; hapai shüying kü aw bahhünyeih, hatü shang philei awshit temmü temmü lepei aongnyeih.

ISAIAH 19:2

Ngei Ijip ami Ijip am khüei yaonghühen, hatü jom hüki hük khüei hokhühen; chingyowi chingyow, chingnyüi chingnyü homei, hatü ongchingi ongching khüei hokhühen.

MIKA 7:2

Kahmük kübü Kahvang shennyak mahdaikem, hatü daülangpü shennyak hükao hangku khongkü aoei neshiü. Shennyak peüi iy-aongmashateihen mon danei nyüke. Peüi banghhikang kü laophülei jeihinaü vüshihnyüke.

ZEKHARIAH 11:6

“Mehenangkü ngei hajük kü kahdoknyü kü nyupüthü kü nephahjipih, shei Shembüpai enyüke. Ngei jom peü jomei ongthülei lak kü lanei shuohtükhen. Ha ongthüi kahdok kü shüveihen hatü ngei jomei lakmong kübü hathü neyangpih.”