ISAIAH 3:24 - DAÜLANGPÜ LAIHING (BSI)

²⁴ Vongmei meli nangjei shie büpü, bhag-ai ashak nangjei vülep; shohiyang meipü jeiyei shangpaangpü; man-ow nangjei dhoila ashak; dhemeilaüma nangjei veü shuohhen.

ISAIAH 3:24 Referans Kwoze

EZEKIEL 27:31

Am nangkü jom peüi sho chaei kuptüknyüke; jomi dhoila ashak ümnyüke. Jomi laangha mangei hatü mongdang kü shahyaki thepnyüke.

YOUNG LAI 2:10

Zion nela khong kübü behethüi sheyü ju kübü shah nevami kahdokei uoshi nyüke; Jomei shangjing kü bhihla nyiotü, hatü dhoila ashaki jümtü nyüke. Jerusalem nelathüao kahdokei dhe aümei shanyüke.

MIKA 1:16

Ammi mong hahpü hapeüthü nangkü mongkü tüngei theppai sho chaei kuptüktuh. Am nyingi langdalei shangjing kei shangpaangtüktuh; mehenangkü ammei lak kübü yanei jom wüpküpei daihen.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

ISAIAH 15:3

Chingyangshongei jomi dhoila ashak ümnyüke; shem adok hatü banghthai lembaong kü lemeileyei mahng thepnyüke.

1 PETER 3:3

Ammei dhemeilaümayü shakdok meipü lappai, sho nyiükei hiutükpü hatü honyük yükpü hatü owmei owpü kübü vampü nevaihen vongbong.

AMOS 8:10

Ngei ammei mohitap mahng theppü leitükhen, hatü ammei kesho nyahhai peü mahng kesho leitükhen. Ngei am peü dhoila ashak ümhühen, hatü ammei sho chaei kuptükhen. Ngei hapa hepak kü halom dipü kü nyühipai youngpükei leihühen. Hapa nyih dohpeyü shahyakpü nyih hük leihühen.”

ESTHER 2:12

Nela hük Xerxes ongpa touei peihen shekü pinnyüi lenyang anpünyi thahshi nela lingei vanglem kü epükei dükhen nyu. Len vok thahshi myrrh mainga nyioei hatü len vok thahshi balsam mainga nyioei junghen nyuteke.

LEVI 26:16

ngei am kü hapakei dükhen: Ngei am kü nyempühanpü, nemeiaokbenüng dinten, pheühileü homei mükhina tenei yangnyu lomohhen koei peikahen; ammi sheipü sheili angsha vaitükhen; mehenangkü ammei vepathüi hapa hahtükhen.

SHAKEI VAMPÜ 18:9

Pinnyü mü mükbongjuyung dükei pinnyü mü nyiushemmei kü nyupü kahdoknyü ongpathüi pinnyü kü aw bahpü awshit eeyei pinnyü kü mahng thephen hatü younghen.

SHAKEI VAMPÜ 16:9

Jomphongü ahshi-üng nyahshi shaamhü, shejao hathü cham kü wong nyupü Kahvangei men thaüvaü, hatü jomi mong lepei büpa kü müknyinshekhang neshuoh.

SHAKEI VAMPÜ 11:3

Ngelei denbü nyi kü nyih 1260 dhoila ashak ümtü teteivanhen wong shuohhen” shei e.

JOEL 1:8

Yiük phepü nethe didaijü nela-i dhoila ashak ümtü theppü keiha, amphong thepeiyoungtuh.

EZEKIEL 7:18

Jom peü dhoila ashak ümhen, nyempai jümtü nyuhen. Jomei dhe veüpai jümtü hatü jomei sho chaei kuptüktü nyuhen.

JEREMIAH 48:37

Mehenangkü peüi sho hatü jumum chaei kuptükteke; peüei lakei makaw nyüke, hatü peüei shüng kü dhoila ashaki ngeihshi nyüke.

JEREMIAH 6:26

Oh ngelei nanglak, dhoila ashak ümtuh, depla kü lüteituh; halomha hük kü shahyaki thepeiyoungtuh; mehenangkü am jühen ngangahük kü peikahen; nyempühanpü peü lemei shinei nyüke.

JEREMIAH 4:8

Hanangkü dhoila ashak ümtü, “Shembüpa mangshi mongshihpü jen toueipü nelüdaiang” shei theptuh hatü youngtuh.

ISAIAH 57:9

Amü melivungla nyiotü olive mainga notü Molekh kahvang kü khümnüng dainyüke. Amphongü kahvang yemei tailu kahdok ngoishi, hatü mahngchong thahshi laophülei shennyak shomnyüke.

KANDOK 31:24

Pinnyüi nyemin ashak hatü shüngshep daknyüke, hatü hathü yunyüke.

KANDOK 7:17

Ngelei shinshing kü vong meipü büpü myrrh, aloe, hatü cinnamon meli-i kaptüktih.

JOB SHAHSHA APPÜ 16:15

Ngei ngelei büm kü dhoila ashak thüngei ümpeih, hatü bhihla kü ngelei wong dungtükpeih.

SHAHKÜP 32:24

Ngei jom kü shaühile, dinten, hatü chamhilem shomhen. Ngei jom khüei yemtenmakshai, leü nemeipü biüi kaokhen shomhen.

SHAHKÜP 28:22

Shembüpai am kü thahteibenüng dinten, daopü poukpü hatü pheüi shanghahhühen; büpai am kü nyahpüshampü, üpüvanpü shomei ammei sheilivungla mangtükhen.

JEREMIAH 49:3

Mahng theptuh, Oh Heshbon am; mehenangkü Ai chingnyü mahtükteke! Lentuh! Oh Rabbah nelathü! Dhoila ashak ümtü mahng theptuh; haleipü halei shei thamaei longteituh. Mehenangkü Molekh kahvang, hatü hapalei ngongpathü hatü lakchongbüthü mü wüpküpei daihen.

ISAIAH 4:4

Shembüpai Zion nelathülei nühinam kemei paütükhen, hatü Jerusalemei iy haipü kemei shahphenpü laanghai hatü bahpü laangha aw homei daütükhen.

ISAIAH 3:23

aina kohpü ashak, nyemin ashak, shangshak, dok-üm ashak yah-ei lüdaihen.

ISAIAH 15:2

Dibon ami phopshemei hatü vaümchongthülei thepei phophen aongteke; Moab ami Nebo hatü Medeba nangkü sho chaei kuptük, hatü jumum kuptüktü mahng thepnyüke.