ISAIAH 3:15 - DAÜLANGPÜ LAIHING (BSI)

¹⁵ Ngelei nanglakthü ngümtükpü, taopathülei dhe nihtükpü mehe lappüang?” shei Shembüpa, Jeiyong Kahvangi enyüke.

ISAIAH 3:15 Referans Kwoze

MENVIH KESHO 94:5

Jomi nüngei nanglakthü ngümtüknyüke, Oh Shembüpa, hatü nüngei mükjüp hanghihünyüke.

EZEKIEL 18:2

Israel kahdok nangkü ammi düngei, “Chebü chepai thiok hahpü kü hühihathü bha daümnyüpeih” shei eteipü hapa kandok shah lappü meheang?

ISAIAH 58:4

Veituh, amphong shüaeiyunglepeyü, deyeilaoei, üpteilenteiyei, hüki hük kü lak shihteiyeidohnyüke. Am shinnyihpü keiha shüaeiyunglepai ammi phoppü shang Kahvangi nedanlangphapih.

MÜLANGPÜ 5:14

Pharaohlei dou kü hienbüthüi Israel am dou kü veihen jepüthü kü, “Amphongi shelei dükpükei mehekei menyih hatü shinnyih dou netempa?” shei üpteke.

JONAH 1:6

Jahas mübü longpübai büpa kü, “Nüng mepakei hajük shinya? Paotuh hatü nüngei Kahvang kü yangshih shei phoptuh. Üpai nyingpa, büpai jen kü phahjiei deihtü jen yangphahen aokpeih” shei e.

ISAIAH 5:7

Jeiyong Shembüpalei nyalingngupai kah-ü Israel phang, hatü Judah phangü büpalei mongongpü pemong. Büpai shahhing eehen shei veiteke, shejao iy-aongmashateipü eeteke; Daülangshemshepü veiteke, shejao hanghi homei vaüpü danteke.

ISAIAH 10:2

Hapa keiha ammi taopathü kü jiüpü nedüknyu, hatü hanghipü ngelei nanglakthülei hean gühlangnyüke; hapa keiha vaümnyüthülei mophimo, hatü hashihhathülei douhinang gühlangkemnyüke.

ISAIAH 14:30

Taopathü khongkü taopai mi kei phenha ni danghen, hatü nehahneyingpüthüi nyiushem kü nyuhen. Shejao nüngei lihilathü münghishaü homei dikemhen, hatü ngei nüngei aopü shennyakthü jütükhen.

ISAIAH 26:6

Hanghiyei nyupüthüi hatü taopathülei la-i hapa kü shouptüknyeih.

ISAIAH 29:19

Nentei-aokpüthüi Shembüpa kü mongonghen; nehahneyingpüthüi Israel amei Daülangpü Kahvangkü mongmeihen.

ISAIAH 30:12

Hanangkü daülangpü Israel Kahvangi hapakei enyüke: “Mehenangkü ammi hapa shah yaktükpü nangkü, hatü depülaopü kü, hatü lawlüppü kü mong shuohpü nangkü;

ISAIAH 32:6

Mehenangkü ngapa hüki ngashah enyeih, büpalei mongü ten mü nekongi nyunyeih. Büpai Kahvangi nelümpü dou düknyeih, hatü Shembüpa khüei ten enyeih; aeipüthü kü hahhen neshuohnyih, hatü yung lepüthü kü yung neshuohnyih.

ISAIAH 63:8

“Hingmei, jomü ngelei nanglakthü, jomi ngei kü ne-ühingphapih” shei Shembüpai enyüke, hatü büpayü jom Yangbü leiteke.

KANDOK 30:14

Kahdoknyü kübü taopathü, hatü hangku khongkü nehahneyingpüthü shaaitükhen shingvaishi hanei amei bhayü yan kei, hatü longkhoih kei nahshi nyüke.