ISAIAH 3:10 - DAÜLANGPÜ LAIHING (BSI)

¹⁰ Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

ISAIAH 3:10 Referans Kwoze

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

CHONGVENBÜ 8:12

Mang shennyakthüi mang kho hükpa düklangmao yangnyu den lushi nyunyüke, shejao üami Kahvang kü nyemnya, jomphong-üng meipüba nyuhen; mehenangkü jomi Kahvang kü nyemnyüke.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

ZEPHANIAH 2:3

Kahdoknyü kü nenteiaokpü am peü, büpai epü dükpüthü peüi Shembüpa yemtuh. Daülangpü yemtuh, maanpü leihen yemtuh; Üpai nyingpa, Shembüpai mongshihpü nyih am hanghi kübü yanglanghen.

JEREMIAH 15:11

Shembüpai eteke: Hingmei ngei nüngü mükhong meipü shingvaishi yanghen; hingmei ngei nüngei vepathü vongshüh pongpü hatü shanghahpü hepak kü nüngi phopshuohhen.

EZEKIEL 9:4

büpa kü, “Jerusalem chingnyü peü lemei daituh, hatü halei jiühitnalai dou dükpü nangkü mongshangei mahng theppüthülei shangba kü füoshang shingtuh” shei e.

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

MÜLANGPÜ 1:20

Hanangkü Kahvangi naü bühjü sheühteipü nyüha nyi kü bam, hatü nanglak longi da, hatü longi wong koh-ei leiteke.

SHAHKÜP 12:25

Am hatü ammei hapeüthü meishi nyuhen shingvaishi iy tehah; mehenangkü amphongi Shembüpa touei mehe jiüpa, ha dükhen.

MENVIH KESHO 58:11

Nanglakthüi, “Hingmei daülangpüthü shing laklei nyüke; hingmei kahdoknyü kü shahhing shahphenpü Kahvang nyüke” shei ehen.

KANDOK 12:14

Nüngei thintho-ü nüngei ju kübü vamei epü kü kohshi nyüke, hatü laophülei laki dükpü shangshi thintho nyüpeih.

KANDOK 13:21

Mangthü kü shanghah vongshüh-i changnyüpeih, shejao daülangpüthüi moihiman thintho dangnyüpeih.

KANDOK 18:21

Yangnyu nyuhen hatü dihenü laophülei yeijaang kü kohshi nyüke; Üami ha kü bamnya, hapalei betjük danghen.

ISAIAH 54:17

Am kü nemeihen shei lingpü lahhilaong mepayao nenahnelanghen, hatü am kü thaüvaüei epü shahthü peü katitükaokhen. Shembüpa chongphopüthülei mükjüp, hatü jom dah shakhüpeyü ngei leipü shei Shembüpai enyüke.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

JEREMIAH 21:14

Ammi dükhahpü betjük aimü ngei am kü hanghi shuohhen shei Shembüpai enyüke. Ngei ammei phaüthü kü awi haphen, hatü ha kü shonpü lemphü hahtükkemhen.

JEREMIAH 22:15

Cedar pü yah-ei shem vepai nüng meipü ong leshi leihünyu je? Ampai hahtü yingtü mehe shahhing hatü mehe jiüpa ha nedükangpü je? Hanangkü büpa mü lemphüli meishi nyuhampeih.

EZEKIEL 18:20

Üpa shennyaki mang thahnya, hapa shennyak-üng dihen. Chehai chepalei mang nangkü nedihen nevaijü chehalei mang nangkü chepa nedihen. Daülangpü shennyak kü mei dükpü shangshi laklei shuohhen, hatü nemeipü shennyakü laophüi dükpü mang nangkü hanghihen.

MIKA 7:13

Shejao kahmük payü halei nyupü shennyakthüi dükpü mang homei lavüngtoiyei yakphonghen.

KANDOK 10:6

Daülangpülei shangjing kü moihiman athen thennyüpeih, shejao nemeipü amei jukü ten jaoei tuhnyüpeih.

LUK SHAHSHA APPÜ 19:19

Büpai büpa kü, “Nüngi chingnyü nga shak kü vanglem lemtuh” shei e.