ISAIAH 3:1 - DAÜLANGPÜ LAIHING (BSI)

¹ Veituh, shaang Shembüpa, Jeiyong Kahvangi Jerusalem, hatü Judah nyiphen leipü sheühpüshongpü shuohpü peü; hahying shuohpü hatü yung shuohpü;

ISAIAH 3:1 Referans Kwoze

LEVI 26:26

Mechem ngei ammei mophimo lem dohtükhen, nyüha ani jomei lakei nyupü hahying dük hük kü cheühen, hatü jomi hapa demei hanei shuohhen, hatü ammi hapa hahjao, shao-üng am aeipü nemeihen.

EZEKIEL 14:13

Shennyak ha, mechem kahmük hük ngei kü hingnelemi mang thahhenshang, hatü ngei jom khüei lak noei jomei hahying peipü lem kemei küppei shaühile shompü nangkü haleipü shennyak hatü yemhimak kemei dihenshang,

ISAIAH 1:24

Hanangkü Shembüpa, Jeiyong Kahvang, Israel amei Wong kohpü Hüki hapakei enyüke: ‘Oh, ngei ngelei vepathü kü ngelei mongshih khüpei langshuohhen hih, hatü ngelei vepathü kü ngei bhüh yemhen hih.

JEREMIAH 38:9

“Ngelei shembü, ongpa, hathü shennyaki Jeremiah thibü kü dükpeyü longi nejiüpü dou khih. Chingnyülei dangkao hahhen meheyao neshiüjü jomi büpa yungkukei hütükpeyü büpa halei aeipai dihen khih” shei e.

JEREMIAH 37:21

Hanangkü Zedekiah ongpai ngeükhüam shuoh, hatü jomphongi Jeremiah ongshem yombü veshanthülei shemei küpei tuh; hatü jomphongi büpa kü aan oukpü shem leipü aan nyihjeih ühteke. Hapa keiha Jeremiah ongshem yombü veshanthülei shemei küpei tuh.”

ISAIAH 51:22

Ammei Jeiyong Shembüpa, laophülei nanglak yangpü ammei Kahvangi hapakei enyüke: Veituh, am tüngtüngmüngi longteipü ammei lak leipü yungshong ngei yahlangtih; Hapa yungshong kübü sheyü ngelei mongshih neyinghen.

ISAIAH 36:12

Shejao veshan mübüi, “Ammei ongpa hatü amphong shingvaishi mon hapa shah ehen ngelei shembü ongpai shompeih shei deihnyu je? Bham touei uoshi nyupü shennyakthüao amphongi kei-üng laophülei ih hahhen hatü shien yinghen hih shei nedeihnyu je?” shei e.

ISAIAH 5:13

Danaokpü taopü nangkü ngelei nanglakthü wüpküpei daihen; aeipai hamhimanthü dikemhen, hatü nanglak khongnyü yung lepai dikemhen.

ISAIAH 2:22

Ngü mon heetü didaihen nyupü hangku kü mongtelem, Büpa kü mehe monglemhen shangpü nyüpa?

MENVIH KESHO 105:16

Mechem büpai kahdok khüei chamhilem shompa, hatü jomei hahying peü mangtükpa,

ISAIAH 3:16

Shembüpai enyüke: “Zion nelathü aung neleipü nangkü, hatü üng domei domei veishi mükmo moei, ownyülangha bongmü, lüngnyü lüngha bongmü lakdük lateen kü kling klang mü longteipü nangkü;

ISAIAH 9:20

Jomei lakdah phi-i lühhen, shejao aeipü nemeihen; laknyong phi-i hahhen, shejao hüneshemhen. Shennyak peüi laophülei hapeü jüei hahhen.

JEREMIAH 52:3

Hapayü Shembüpai mongshihpü nangkü hathü peü Jerusalem hatü Judah kü vampeih, hatü dohpülei büpai hathü büpa toueipü changtükpeih. Shaang Zedekiah ongpai Babylon ongpa khüei yaong.

JEREMIAH 52:6

Lenyang ali mü nyih shüpabü kü chingnyü mongei aeipülepü longi mangshi vampü nangkü nanglakthüi hahhen hahying neshiüi lei.

YOUNG LAI 5:4

Hami yingpü yung kü lop shuohhen mü, hami jakpü pü shakhen mü hetteke.

AMOS 4:6

Ngei ammei chingnyü peü kü vomkong nyuhen shuohteke, hatü jila peü kü hahyingi taohü, shejao ngei touei am mong nelep shei Shembüpai enyüke.

MIKA 4:9

Mehekei nüng shaang wong mü lenei thepnya? Nüngei ong neshiüpü je? Hanangkü nyüi moi paishingkü tüngpükei tüngangke je?

2 ONGPATHÜ 25:3

Lenyang alipabü nyih shüpabü kü hapa chingnyülei shaühile longpü vam, hatü shennyakthüi hahhen meheyao neshiüi nyu.