ISAIAH 28:7 - DAÜLANGPÜ LAIHING (BSI)

⁷ Thibüthü hatü ngongpathü dangkao yiüi chokei nüngitei-i nyüke, hatü sheti chokei longteinyüke. Jomi yiü longi yingei chokdaipü nangkü, jomi mehe dükhen nenyingi huluh shuohnyüke. Kahvangi shompü manghkhang nenyingaokhen mü thibüthüi yiü chokdaiteke; hatü ngongpathüi jom touei deijapü shah nephenaokhen mü yiüi chokei nyüke.

ISAIAH 28:7 Referans Kwoze

LUK SHAHSHA APPÜ 21:34

“Lishi nyutuh, hei nevaijema mop dameihupü, yiü chokpü hatü yangnyu mongshangi ammei mong vihhen, hatü hapa nyih nüngi nenyingpü kü taikoni keiha nüng manlanghen.

MATHI 24:29

Hathü shangpongpü nyih peihhinüng vanghenyü manghdaihen, hatü lennyüi vangngai neshuohhen; hatü vangsho leipü lithathü vüdaihen, hatü vangsho nganthü jenhen.

ISAIAH 19:14

Shembüpai jom kü nepongpaüpü laangha shihshuohteke; hanangkü jomi Ijip ami dükpü nejiüi leitükteke, hatü yiü chokpü shennyaki laophüi bhaipü shangkü dopükei nyüke.

CHONGVENBÜ 10:17

Longli ongli kübü shennyaki vanglem lempü, hatü wong danghen shingvaishi hepak jiüshi mohitap lingpü, shejao yiüi nechokpü kahmükü moihiman!

KANDOK 20:1

Yiü yingpai yaüeilungei enyüpeih; chokpümokpü hahpai depülaopü vamhünyeih, hatü hapai chokpüthüyü ngapa.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

JEREMIAH 23:16

Jeiyong Shembüpai hapakei enyüke: “Ammi thibüthüi teteivanei epü kü tebang; jomi am kü angsha monglem shah-i mahünyüke. Jomi jomei sholi kü peipü manghkhang enyüke; SHEMBÜPAleipü epü nevai.”

JEREMIAH 14:14

Hahepak kü Shembüpai ngei kü, “Hathü thibüthüi ngelei men noshi shahshemi teteivannyüke; ngei jomphong neshom, nevaijü nanglakthü kü etuh shei ngei jom kü ne-eangpih. Jomi am kü shahshem manghkhang, yahlak neshiüpü tetshahvanshah, hatü jomei sholi kü peipü lushahlemshah enyüke.

ISAIAH 3:12

Hasho naü-eethüi ngelei nanglakthü kü shüveihen, nyühathüi jom shak kü vanglem lemhen. Oh ngelei nanglakthü, ammei mübüthüi am lemnyong kü münyüke; jomi am lembienei deilangnyüke.

MENVIH KESHO 107:27

Yiüi chokpükei huluh shuoh-ei tüngtüngmüngi nyu, hatü jomei kon kemdai.

EPHESIA 5:28

Hapa keiha bahathüi laophülei shembünyüthü kü laophülei büm kü bampükei bamhen vongbong. Üpai laophülei nyüha kü bamnya büpai laophü nyingkü bamhahnyeih.

EZEKIEL 44:21

Mongpa chingdungei shüshingkü ngongpa üpaiyao yiü neyinghen.

EZEKIEL 13:7

Ngei jom kü ne-epü kü, “Shembüpai hapakei enyüke” shei epai jomei manghkhangthüyü nejiü hatü jomi tetpüvanpeyü shahshem khih shei ne-eangpü je?

YOUNG LAI 2:4

Büpai ham kü vepai kei lahhani kap; büpalei lakdah-i vepai kei ham kü kapteke. Ham monghampüthü kemei büpai jütük; Zion nelalei ashakshem kü büpai aw kei mongshih bahhü.

JEREMIAH 23:13

Samaria am thibüthü khongkü ngei hapa jiühitbenüng dou eepeih: Jomi Baal kahvangei men kü teteivannyüke, hatü ngelei nanglak Israel am lemnyongei münyüke.

ISAIAH 29:11

Am shingvaishi hapa manghkhangü küptükpü laitap hük leshi leidaiteke. Ammi hapa laitap ieaokpü shennyak kü, “Hapa ieshih” shei eshuohjü jomi, “Hapayü küptükpü nangkü ne-ieaokükhih” shei ephahen.

ISAIAH 24:2

Hapayü nanglakthü kü nopü keiha ngongpathü kao nohen, aa kü nopü keiha shembü kao nohen, aa lanyü kü nopü keiha shembülanyü kao nohen, shakpüthü kü nopü keiha yupüthü kao nohen, lushuohpü am kü nopü keiha luhahpü am kao nohen, hang shemhahhen nyupü am kü keiha hang shemhen nyupü am kao nohen.

ISAIAH 22:13

Shejao ha nangjeiyei mohoh, hatü mi jütü hahyingei, yiü yingei mongongmongleyei moeitapei, ‘Jeni hahshah, yingshah, jen ngenyih didaihen’ ” shei eteke.

ISAIAH 5:22

Yiü yingpü kü bapeühapeü shei, hatü yiü vukpü kü küphü hien aokpüba shei deihpüthü onyükei!

ISAIAH 5:11

Yiü yinghen deihshi shin lomi lomi paopüthü, hatü yiüi chokei shinshi pheiteipüthü onyükei!

KANDOK 23:30

Hathüyü yiü danei nyupüthü; vuktükpü yiü jepei kamteipüthü nyüke.

ISAIAH 24:20

Kahdoknyü-ü yiüi chokpü am kei tüngtüngmüngi, hatü tapten kei yawteinyüke; hapalei mang hapa shangkü vihyaki nyüke, hatü dohen, hajük kü ne-yei nepao-aokhen.

ISAIAH 28:1

Oh Ephraim am changmeipü, nükchokyiümokpü, hetmei hah-ei yiü leü kü chübongale mü ngüphivang meipü kü changmeipüthü onyükei!

ISAIAH 43:27

Ammei shongpü pa-i mang thah, hatü ammei mübüthüi ngei khüei yaongpeih.

HOSEA 7:5

Ongpalei mo nyih kü jomi jomei ongthü, hatü lakchongbüthü yiüi chokei ngahünyüke; Büpai eelapüthü mü büpalei lak khaainyüke.

HABAKKUK 2:15

Laophülei küphü hük yiüi chokei bümkong nyuküpü kü veihen nangkü laophülei yiüdük kübü yiü yingei chokhüpüthü, Onyükei!

HABAKKUK 2:16

Amü müknyinshekhang nangjei veüpongi mahühen; am nyingi yinghen, hatü bümkong nyuhen. Shembüpalei lakdahphi leipü yungshong nüng shonei shakahen, hatü nüngei müknyinshekhang veüpongi jümlanghen.

ISAIAH 5:23

Yawhdou nangkü mang kü mang shei nedeihpü, shejao mang neshiüpüthü kü jiüpü nedükpüthü!