ISAIAH 28:1 - DAÜLANGPÜ LAIHING (BSI)

¹ Oh Ephraim am changmeipü, nükchokyiümokpü, hetmei hah-ei yiü leü kü chübongale mü ngüphivang meipü kü changmeipüthü onyükei!

ISAIAH 28:1 Referans Kwoze

HOSEA 7:5

Ongpalei mo nyih kü jomi jomei ongthü, hatü lakchongbüthü yiüi chokei ngahünyüke; Büpai eelapüthü mü büpalei lak khaainyüke.

ISAIAH 28:7

Thibüthü hatü ngongpathü dangkao yiüi chokei nüngitei-i nyüke, hatü sheti chokei longteinyüke. Jomi yiü longi yingei chokdaipü nangkü, jomi mehe dükhen nenyingi huluh shuohnyüke. Kahvangi shompü manghkhang nenyingaokhen mü thibüthüi yiü chokdaiteke; hatü ngongpathüi jom touei deijapü shah nephenaokhen mü yiüi chokei nyüke.

AMOS 6:6

Ammi yiüshong maei yiü yinghünyüke, hatü peü mü meipü mainga nyiohünyüke, shejao ammi Joseph bhihdai maandaipü kü mong kü netüngnyu.

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

AMOS 2:12

Shejao ammi Nazirit am kü yiü yingshuohnyüke, hatü thibüthü kü thihivam shah te-ekei shei khüamnyüke.

AMOS 2:8

Phoppü shing peü kü jomi taopathü leipü hang nangkü yahpü ashak nyemtü lemnyüke; Jomi Kahvangei shemei hang kü yahpü yiü yingnyüke.

HOSEA 6:10

Israel phang kü ngei nyembenüng dou hük eetepih, halei Ephraim ami mükbongjuyung düknyüke, hatü Israel am sheihdaiteke.

HOSEA 5:5

Israel am changmeipü jom khüei denpü nyüke; Ephraim ami laophü pungpü kü huluh shuohnyüke; Judah amao jom mü chemi huluh shuohnyüke.

HOSEA 4:11

Jomi mükbongjuyung dükhen nangkü Shembüpa yakphongteke. Yiü hatü yiünaü-i ngelei nanglak kenhingmonghapü gühlangteke.

ISAIAH 9:9

hatü Ephraim hi Samarialei nyupüthü peüi ha nyingteke, shejao jomei mong kü changmeipü hatü maühepai jomi,

ISAIAH 8:4

Hapa naüi, ‘Onyü’ nevaijü ‘Opa’ shei nyükhen nyingshekü Damaska amei mophimo hatü Samaria amei dounyünangba kemei Assyria ongpai koei lüdaihen” shei eteke.

ISAIAH 5:22

Yiü yingpü kü bapeühapeü shei, hatü yiü vukpü kü küphü hien aokpüba shei deihpüthü onyükei!

ISAIAH 5:11

Yiü yinghen deihshi shin lomi lomi paopüthü, hatü yiüi chokei shinshi pheiteipüthü onyükei!

KANDOK 23:29

Üpai, “Onyükei” shei enya? üpai mongmangnya? Üpai dehilaonya? üpai eelanya? ten nedükpü kü üpai mih ma yahhünya? Üpai mükhaknya?

2 SHÜPPÜKENGPÜ 28:6

Nyih hük kü Remaliahlei cheha Pekah-i Judah veshanthü 1, 20, 000 jütük; mehenangkü Judah ami Shembüpa, jomei bühipalei Kahvang yaktük.

2 ONGPATHÜ 15:29

Israel kü Pekah ong vaipü hepak kü Assyria am Tiglath Pileser ongpa peiyei Ijon, Abel-Beth-Maakah, Janoah, Kedesh hatü Hazor yahlang. Büpai Naphtali amei kahdok Gilead hatü Galil nyi yahtü shennyakthü kemei Assyrialei shetei deilangkem.

LEVI 26:19

Ngei am changmeipü mangtükhen, vang nekeihühen hatü ammei kahdok vantükhen, hatü nyiam kei vaanshi leitükhen.

HOSEA 5:9

Hanghi nyih kü Ephraim amü Israel am khongkü lavüngtoiyei leidaihen, Mehe jiüshangi peikahen ha ngei ephünyeih.

ISAIAH 9:8

Shembüpai Jakob khüei shahjang shomteke, hatü hapa jiüshi dhaümteke;

ISAIAH 9:11

Hanangkü Shembüpai jom khüei vepathü vamhü, hatü jomei vepathü mongnang thonghüteke.

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.

AMOS 6:4

Ammi meinyübha-i lingpü lüng kü lemnyüke, hatü uoshing yaongshing meipü kü uonyüke; ammi mi khong kübü mi cheha, hatü khaok leipü mohoh nitshüpü hahnyüke.

AMOS 6:8

Jeiyong Shembüpai büpa nyingi vangeishuwteke Jeiyong Shembüpai enyüke: “Ngei Jakob changmeipü nelümnyih, hatü jomei penyüsha kü jiühitnyeih. Ngei hapa chingnyü hatü halei nyupü lemphü vepa kü shuohtükhen.”