ISAIAH 27:8 - DAÜLANGPÜ LAIHING (BSI)

⁸ Shembüpai laophülei nanglakthü wüpküpei deishihpai hanghihüteke. Büpai jom mangpü heongphi leipü yinglükleisho touei changei deishih.

ISAIAH 27:8 Referans Kwoze

HOSEA 4:1

Shembüpalei shah bangtuh, Oh Israel nanglakthü; Mehenangkü kahmük kü nyupüthü khüei Shembüpalei thaüvaü hük nyüke. Kahmük kü hinglempü nevaijü bamtei-aongteipü neshiü, hatü Kahvang nyingpü neshiü.

EZEKIEL 19:12

Shejao mongshih-ei hapa bhiyei kahdokei yaktükpeih. Heong vanglüki hapa kü jentü betjük kemei kaongtük; hapalei pükaothü kaudai hatü awi hahtük.

JEREMIAH 10:24

Oh Shembüpa, ngei neshiüi leidaimangkü nüng mongshih-ei nevai, shejao shahhingi ngei kü yeanpü yahshih.

JEREMIAH 4:11

Hahepak kü hapa nanglak hatü Jerusalem am kü hapakei ehen: Bhih kahdok shangchingthü leipü nyahpüshampü vanglük ngelei nanglakthü lemei lükteke; hapayü hahbhang shaptükhen nangkü nevai;

1 PETER 1:6

Shaang amphong kansho hük shing dokpü longi homei shangponghen nyujao ha kü am mongongtuh.

HOSEA 13:15

Büpa jeihinaüthü khongkü longi dalangmao ngei bhih kahdok kübü heong vanglük shomhen, hatü jomei yunglok ütükhen; hatü yungkuk jeptükhen. Büpalei hahpuong hatü thushong douvang peü aetlanghen.

JEREMIAH 46:28

Nüng tenyem, Oh Jakob, ngelei chongphobü; mehenangkü ngei nüng mü nyüpeih shei Shembüpai enyüke. Am yaneipanei nyupü jatthü peü mahtükjao, ngei am chemjalak kü nemahtükpih. Ngei am kü dhaong kü shükhen, shejao shahhingi dükhen. Ngei am chemjalak kü nehanghi-i payü nepeihhüpih.

JEREMIAH 30:11

Ngei nüng mü nyüpeih, hatü nüng yanghen shei Shembüpai enyüke. Ngei am yanei deishihpü jatthü peü mahtükjao, Ngei am chemjalak kü nemahtükpih. Ngei am kü hanghi neshuoh-i netuhpih, shejao hayü shahhingi dükhen; Am kü hanghi neshuoh-i neleishihpih.”

JEREMIAH 4:27

Shembüpai hapa enyüke: “Ngei hapa chemjalak kü nemangjao, hapa kahdok kemei lavüngtoiyei leihen.”

1 KORINT 10:13

Peüi nepongbenüng dokpai am kü nedokangpih. Kahvangü hingshangpü, hatü ammi nedhangaokhen mü büpai am kü nedokhüpih, shejao ammi ha munenaokhen shingvaishi büpai hapa dokpü mü yanglemao yahphahen.

ISAIAH 57:16

Ngei düngei nethaüvaühen nevaijü ngei düngei mongshih-ei nenyuhen, Hei nevaijema ngei lingpü hangkulei laangha mahdaihen, hatü hangkuli ngü kemdaihen.

ISAIAH 54:7

Shohük shingvaishi ngei am tuhphongpeih, shejao phahji yahyang longpai ngei am müei leihen.

ISAIAH 50:1

Shembüpai hapakei enyüke: “Ngei anyü leitükpü, pinnyü mü yanpü lai melei nyüpa? Nevaijü ngei üam mü bheishe hang nyupü kü yutükpa? Ammei mang nangkü ngei am yutükpeih; am pungpü nangkü anyü leitükpeih.

ISAIAH 10:12

Mechem Shembüpai Zion Kahshang hatü Jerusalem khüei dou peü dükkemhenshang, büpai, “Changmeipü hatü awdapü Assyria ongpa kü shüveihen” shei enyüke.

ISAIAH 1:5

Mehekei ammi hajük lak hahhen yemnya? Mehekei ammi nedoh-i khüei yaongnya? Ammei shangjingü makawi madaiteke, ammei mongdang kü mongshangpü nyüke.

MENVIH KESHO 103:14

Jen mekei lingpa ha büpai nyingei nyüke; büpai jenü bhihla khih shei deihnyüke.

MENVIH KESHO 78:38

Shejao büpa phahji yahyangpai, jomei mang yaktük; hatü jom nemahtüki düngei büpalei mongshih yepei tuh, hatü büpa mongshihpü kemei nevamhü.

MENVIH KESHO 76:10

Hangku mongshihpai nüngei men longhen mü vamnyeih; vehok kübü yangpüthü nüngei men kü mo monyeih.

MENVIH KESHO 38:1

Oh Shembüpa, nüng mongshihpai ngei kü telohpha, nevaijü nüng mongpuk vamei ngei kü temangpha.

MENVIH KESHO 6:1

Oh Shembüpa, nüng mongshihpai ngei kü telohpha, nevaijü nüng mongpuk vampai ngei kü hanghi teyahpha.

JOB SHAHSHA APPÜ 23:6

Büpalei wong kempai ngei khüei yaonghen je? Nevai, ngei epü büpai banglangphahen.

MENVIH KESHO 103:9

Büpai düngei nethaüvaühen, nevaijü büpalei mongshih düngei nenyuhen.

ISAIAH 64:5

Mongongshi jiüpü dükpüthü, hatü nüng deih-ei dangpüthü kü nüng peiyei sheühnyüke. Shejao hami mang thahpü nangkü nüng mongshihteke, ham pungpü nangkü nüngei dhe jolangpeih.

YOUNG LAI 3:31

Shembüpai phahjinyüke; büpai jen denden kü netuhphongpih.

YOUNG LAI 3:32

Büpai jen kü mongshang shuohjao, büpai phahji huphahen; büpa bampü longpü nyüke.