13 hatü hapa nyih amit longpü vünghen. Üamphong Assyria kahdokei mahei nyu, hatü üam Ijiplei wüpküpei nyu, hathüi Shembüpa kü khümhen shingvaishi daülangpü Jerusalem Kahshangei nyokei leikemhen.
hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.
Hatü lenyang nyetpabü nyih anpabü kü shing peülei amit wongmü vüngtuh; mang tükpü moila shuohpü nyih kü ammei kahdok kempülei amit vüngtuh.
Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,
“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,
Jerusalem hahhen peipü jatthü kübü yangei aopüthü peü bong ieyei Ongpa, Jeiyong Shembüpa kü khümhen shingvaishi hatü Ashakshem Mo mohen shingvaishi peihen.
Israel am Ijip leipü leishingkü lemnyüshong nyupü keiha, Israel am Assyria leipü aoei leipüthü shingvaishi lemnyüshong vamkahen.
Shebaniah, Joshaphat, Nathanel, Amasai, Zekhariah, Benaiah hatü Eliezer hathü ngongpathü peü Kahvangei Vangpüshuwpü Pela touei amit vünghen je. Obed-Edom hatü Jehiah nyiyao Vangpüshuwpü Pela yomhen je.
shejao nyetpabü vangsho phongshani büpalei amit vünghen nyihthü kü Kahvangei doujo büpai laophü chongphopü thibüthü kü epükei vamkahen.”
amit nopü vokpabü vangsho phongshan kü, “Longpü Euphrates yungyenei küpshi nyupü vangsho phongshan ali veyeishuoh” shei epü ngei dan.
Shaang amit nyet nyupü vangsho phongshanthüi amit vünghen tem.
Hapheikü ngei vangsho phongshan nyet Kahvang touei yaongshi jomphong kü amit nyet yahshuoh-ei ee.
Mehenangkü Shembüpa laophü nyingi vangsho leipü ngeü longpü mü vangsho phongshan longpülei ngeü mü, hatü Kahvangei amit ngeü mü yiükahen, hatü Khrista kü shiyei nyupüthü shongei paohen.
Shejao ngei phenyeih: Jomi nedanangpü je? Hih, jomi danphei. “Jomei ngeü kahdoknyü peüei daiteke, hatü jomei shahthü kahdoknyü dohpü ngoiteke.”
Mehenangkü heong kübü heshü thahshi jatthü peü mü ngelei men longpü vaihen, hatü shing peü kü ngelei men kü vong meipü ayingshü, hatü daülangpü moila koei peihen; mehenangkü ngelei menü jatthü shak kü longpü nyüke shei Shembüpa Kahvangi enyüke.
Jomü Ijip leipü outhü keiha, Assyria leipü athubathü kei kheüei thaikemkahen; hatü ngei jom ngamshing kahdokei chingchinghühen shei Shembüpai enyüke.
Shembüpalei kahdok kü jom nenyuaokhen; Ephraim am Ijip kahdokei nyokei daihen, hatü Assyrialei nedaüpü hahying hahhen.
Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.
Yani nemah-i Ijip leipü yangei Judah kahdokei leipeyü maani mon nyuhen. Hahepak kü Ijiplei nyuhen yiüpü Judah ami ngelei shah hi jomei shah jiüpüshang nyinghen.”
Hanangkü jomi Shembüpalei shah nebangi Ijiplei yiü hatü Tahpanhes ngoiteke.
Shembüpai enyüke: “Ngei jomei douthü hatü jomi deihpü nyingnyeih, hatü ngei jatthü hatü shahlem laolao epüthü peü thaihen peihen, hatü jom peü peiyei ngelei müknyinshekhang eehen.
Israel am wüpküp leipü müei leipü, “Thaiyei tuhpüthü mü lenei ngei shao thaihen” shei enyüke.
Hapa kahshangei Jeiyong Shembüpai nanglakthü peü shingvaishi hahying peü changshi, hatü meipü yiü omshi mo hük temhen.
Hanangkü Shembüpa laophü nyingi Ijip am kü nyinghühen, hatü Ijip ami hapa nyih Shembüpa nyinghen, hatü jomi büpa kü jakpü moila, lebü moila shuoh-ei Shembüpa kü vangeishuwei hathü dükei büpa kü khümhen.
Kahdoknyülei nyupü am hangkuli peü, mechem kahshangei khüamlung hük haongkahen, veituh! Mechem amit vüngkahen, bangtuh!
Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.
Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.
Nanglakthü longi peiyei, “Kei, jeni Shembüpalei kahshangei, Jakob Kahvangei shemei aongshah. Büpai büpalei lemthü kü kamhen shingvaishi jen kü büpalei lemthü nyuhphahen” shei ehen. Mehenangkü nyuhpüvenpü Zion leipü, hatü Shembüpalei shah Jerusalem leipü yanei daikahen.
Kesho lokei nüng kü khümpüthü, hatü nüngei vangngai kü kampüthü mongong, Oh Shembüpa;
Lenja kü amit vüngtuh, sheepa kü ammei mo nyih vüngtuh.
Kahvangi mongongpai lenpü ngeü chi kü, hatü Shembüpai amit vüngpü ngeü chi kü shangei aong.
Hoshea ong vaipü bong shüpabü kü Assyria ongpai Samaria omei yah, hatü Israel am kemei Assyrialei wüpei deilang. Büpai hathü hanei Habor Yungnyü yopailei Gozan kahdok Halah chingnyülei tuh, hatü haneiyü Media chingnyülei tuhteke.
Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.
Shembüpai Ijip am kü cham peihüei tok shuohhen; büpai jom kü tok shuohhen hatü meitükhühen. Jomi Shembüpa touei lepei leihen, hatü jomi phoppü büpai danhen hatü jom meihühen.
Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”
Lenja hük kübü hük thahshi, Sabbath hük kübü hük thahshi hangkuli peü peiyei ngei touei aümei khümhen.
Ngei amphongü lebü nanglakthü khong kübü tukei ngaihen hatü kahmükthülei haidaipü ngelei laklu wong longpai mongshihpai thaiyei leihen;
Vong meipü meli keiha halei ngei am yahhen, ngei amphong mih nanglakthü hatü lebü kahmükthülei haidaipü peü thaiyei leihen; jatthüi eeshi ngei ngelei daülangshemshepü shakei vamhühen.
Hanangkü Shembüpa Kahvangi hapakei enyüke: Ngei shaang wüpküp leipü Jakob müei leihen, hatü Israel nanglak peü kü ngei shinshanghen, hatü ngei ngelei daülangpü men kü nyakeikenhen.
Büpai yungching hatü nethe meipü kahshang nyi aa kü longhiongei ashakshem longpü vehen. Shejao üpaiyao büpa kü sheühhen neshiüi büpa hammü dihen.
Jeiyong Shembüpai hapakei enyüke: Ngei ngelei nanglakthü heong heshü kahmükthü peü kübü yanglanghen;
Hapa nyih kü Shembüpai büpalei lak shao chem laihen, hatü laophülei nanglak aopüthü Assyria leipü, Ijip leipü, Pathros leipü, Kush leipü, Elam leipü, Babylonia leipü, Hamath hatü yungching yungkung kübü jatthülei lakmong kübü yangei leilanghen.
Ngei pehe leipü am kü, “Jom leishihtuh” hatü apshaphi leipü am kü, “Jom shongei tetuh” shei ehen. Ngelei yeshangthü tailu kahdok leipü, hatü ngelei yiükhathü kahdok dohpü leipü,
Ephraim phaüshang kahmük leipü veyompüthüi nyükhen nyih hük vamkahen.” “Kei, jeni Zionlei jenei Shembüpa Kahvang touei aongshah.”
Nüngei lenshuoh-i nüngei nanglak mithü, nüngei mükjüp mi khong haümtuh. Jom yingnyü yingmongei paüeiyonei lüdaijao, jom shonei phenha vunglak nyüke. Peihdaipü aivang nyih kü keiha, jomphong Bashan hatü Gilead phenni üh-ei haümtuh.