ISAIAH 27:1 - DAÜLANGPÜ LAIHING (BSI)

¹ Hapa nyih kü Shembüpai laophülei wong kohpü hatü dihen leü kohpü yanlu yah-ei kaokei nyokei kamteipü Leviathan biü hanghihühen; büpai yungching mongei nyupü hapa biü jütükhen.

ISAIAH 27:1 Referans Kwoze

EZEKIEL 29:3

“Shembüpa Kahvangi hapakei enyüke” shei büpa kü etuh: “Ngei nüng khüei nyüpeih, Ijip ongpa Pharaoh, yungyenei lemshi nyupü Dragon nüngi, Nile yungyenü ngelei; ngei laophü shing linghahpeih” shei enyüke.

ISAIAH 51:9

Paotuh, paotuh, wong antuh, hatü ham yangshih, Oh Shembüpa; Paotuh, peihdaipü nyihthü kü keiha, meyangmeyangpü denshemthü kü keiha. Rahab khih mü nihtükpü hatü dragon kü peiyei hümtükpeyü nüng nevaipü je?

SHAKEI VAMPÜ 12:3

Hahepak kü shao vangsholei lebü nenyingaokbenüng nyangeihepü hük vam: Dragon hakla longpü hük shangjing nyet, vaung an hatü athen nyet shangjing ieyei kü athen thentü nyu.

ISAIAH 66:16

Mehenangkü aw mü hatü laophülei yanlui Shembüpai shennyakthü peü kü shahphenhen, hatü Shembüpai jüpüthü longi chongkahen.”

MENVIH KESHO 104:26

Ha kü jahas kamteinyüke, hatü nüngi lingpü Leviathan halei ngalenyüke.

JOB SHAHSHA APPÜ 26:13

Büpalei ngüi vangshothü nethe meihünyeih; büpalei laki mokdaipü biüao shüh-ei jünyüpeih.

SHAKEI VAMPÜ 20:2

Büpai Dragon, aivang biü, üpa kü Kahshih hatü Satan shei enya, yepei bong haja hük shingvaishi shatü,

SHAKEI VAMPÜ 19:21

Aopüthü kemei koyei kü uopübalei ju leipü vampü yanlui jütük, hatü phaüouthüi jomei phai hahteke.

JEREMIAH 51:34

Babylon ongpa Nebukadnezzari ham lühtükpeih, büpai ham ngümtükpeih; büpai ham dük kong kei leitükpeih; Biüi keiha büpai ham lühtükpeih, hatü hamei hetmeiyungma-i büpa shümoh meipeih, hatü büpai ham bhaiyei ngaitükpeih.

JOB SHAHSHA APPÜ 40:19

Hapayü Kahvangi dükpü longpü khongkü shongpü nyüke; hapa Lingbüi mon yani bapei jüaokhen.

SHAKEI VAMPÜ 17:15

Hapheikü hapa vangsho phongshani ngei kü eteke, “Nüngi eepü hapa büm yupü nyühai uopü yungthüyü nanglakthü, khongnyü, jatthü hatü shahlemthü;

SHAKEI VAMPÜ 17:1

Hapheikü nükshung nyet nopü vangsho phongshanthü nyet khongkü hük peiyei ngei kü eteke, “Heihkei, ngei yung longpüthü yopailei nyupü chingnyü kübü büm yupü nyüha kü mekei shahphenhen nüng kü huphüshah.

SHAKEI VAMPÜ 16:13

Hahepak kü ngei mang laangha jem luk keiha Dragonei ju, yemhalei ju, hatü shahshem thibülei ju leipü vamküpü ee.

SHAKEI VAMPÜ 13:11

Hapheikü ngei shao kahdok leipü yemha hük miha kü kei vaung nyi kohtü vampü ngei ee hatü Dragoni kei shah eteke.

SHAKEI VAMPÜ 13:4

Peüi Dragon kü khüm; mehenangkü büpai yemha kü büpalei wong shuoh, hatü jomi yemha kü khümei, “Yemha kei üpa nyüpa, hatü üpai hapa khüei hok-aokhen?” shei eteke.

SHAKEI VAMPÜ 2:16

Mong leptuh, hei nevaijema ngei lomi am touei peiyei ngelei ju kübü yanlui ngei jom khüei hokhen.

JEREMIAH 51:13

Yungnyü yungha longi nyupü, hatü mop longi angpü kahmük; Am kü dohpütenpü hatü am mahhen hepak ngoiteke.

JEREMIAH 47:6

‘Ah, Shembüpalei yanlu, nüng nenmü nenyui hepak meshük nyuhen? Yanpishungei nyokei leidaituh, dohtuh hatü nenmü nyutuh’ shei nüngi lenhen.

ISAIAH 65:25

Shuw hatü mi cheha nyi chemi het hahhen, mailangiyao mohoh-i keiha hahtang hahhen; shejao biüei hahyingü bhihla nyuhen. Ngelei daülangpü Zion Kahshangei jom hüki hük kü neketteihen, nevaijü nejüteihen shei Shembüpai enyüke.

ISAIAH 26:21

Kahdoknyülei nyupüthü kü jomei mang nangkü hanghi shuohhen shingvaishi Shembüpai büpa nyushing leipü vamei daikünyüke. Kahdoknyüi pinnyü shak kü iy yenpü küpei neaokhen; pinnyüi mahpüchahpüthü joei neaokhen.

MENVIH KESHO 45:3

Nüngei yanlu laaptuh, Oh wong kohpü ongpa; nethe meipü müknyinshekhang ow owtuh.

JOB SHAHSHA APPÜ 3:8

Üami nyihthü kü thaüvaünya, üami Leviathan phuknya, jomi ha nyih kü thaüvaütuh.

JOB SHAHSHA APPÜ 41:1

Nüngi nyahyep nyiamphaak yah-ei Leviathan manaokhen je? nevaijü vü hüki büpalei yei kü sha-aokhen je?

ISAIAH 65:12

Ngei amphongü yani mahhühen, hatü am peüi jüpü am kü aümei khümhen; Mehenangkü mechem ngei am kü nyükpa, amphongi ngei kü nejang, mechem ngei epa, amphongi nebang, Shejao ngei touei mehe mang ammi ha dük, hatü ngei mepa kü mong nehah, ammi ha dükpeih.”

AMOS 9:3

Karmel shangchingei jom aongei jodaijao, haleipao ngei jom yemei yepei leihen, hatü jomi ngei toueipü yungching shaongdohlei shüei jodailangmao, haleipao ngei yungching biünyü kü ngeükhüam shuohhen, hatü hapai jom kü kaokhen.