ISAIAH 26:4 - DAÜLANGPÜ LAIHING (BSI)

⁴ Den kü Shembüpa kü hinglemtuh; mehenangkü Shembüpa, Jeiyong Kahvangü nedohnetenpü loishing Yaongnyü.

ISAIAH 26:4 Referans Kwoze

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

MENVIH KESHO 62:8

Hepak peü kü büpa kü hinglemtuh, Oh nanglakthü; ammei mongdang büpa kü ngaiyei shuohtuh; mehenangkü Kahvangü jen loishing.

MENVIH KESHO 55:22

Nüngei hanggovih Shembüpa kü nyanphongtuh, hatü büpai nüng yangei tuhhen; büpai daülangpüthü mechemao nedohüpih.

PHILIPPI 4:13

Ngei wong kohhüpüba homei ngei dou peü dükaokhen.

MENVIH KESHO 18:2

Shembüpayü ngelei yaong, ngelei penyüsha hatü ngei yangbü; ngelei Kahvang, ngei loipü yaongnyü, ngelei inyüshung, ngelei yemleipü vaung hatü ngelei penyüsha.

MENVIH KESHO 62:11

Kahvangi chem ha eteke; ngei ha nyipa dantepih. “Nganhiwongü Kahvangei,

MENVIH KESHO 46:1

Kahvangü jen loishing hatü wong, shanghah kü shaangpü shaang sheühbü.

1 SAMUEL 2:2

Shembüpa keiha daülangpü üpayao neshiü; nüng mü lenpü üpayao neshiü; Jenei Kahvang kei Yaong üpayao neshiü.

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

ISAIAH 45:24

Jomi ngei nang hapakei ehen: “Shembüpa kü monha daülangpü, hatü wong nyüpeih.” Üami büpa khüei yaongnya, büpa touei peiyei veü ponghen.

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

MENVIH KESHO 125:1

Üami Shembüpa kü hinglem, Zion Kahshang kei nyuhen, ha mechemao shing nechaihen, shejao den kü lakshing nyuhen.

2 SHÜPPÜKENGPÜ 20:20

Jom dhom mü lomi paoei Tekoa jahpan lemei heih. Jom layaong shingkü Jehoshaphati yaongtü e, “Judah hatü Jerusalem nanglakthü, ngei epü banghümao! Shembüpa, ammei Kahvang kü hinglemtuh, shejüang wong kohshi yaongaokhen; büpalei thibüthüi epü kü hinglemtuh, shejüang am aokpü danghen.”

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

ISAIAH 63:1

Laophülei ashakviha kü iy hoidaitü Edom hatü Bozrah leipü peiküpü üpaang? Ow meishi owtü laophülei wong kemei mokei peiküpü üpaang? Hapayü Shembüpa ngei, yanghen wong kohpü, büpa aokpü baongei peikünyüke.

ISAIAH 17:10

Ammi ha yemleipü Kahvang betük; ammi am loishing Yaong deih-ei nedang. Hanangkü ammi püthü meipü sheijao, hatü mih leipü nyalingngupai leiyei sheijao;

JOB SHAHSHA APPÜ 9:19

Wong dokteijao büpa-üng wong kohpüba; Shahhing epü phikü shei ejao, üpai büpa kü chengaokhen?

2 SHÜPPÜKENGPÜ 32:8

Büpa keyü hangkulei wong mon nyüke shejao jen meyü jen kü sheühhen hatü jen nangkü hokhen Shembüpa, jenei Kahvang nyüpeih.” Hanangkü nanglakthüi Judah am Hezekiah ongpai epü shah kü mongyangei deih.

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

MENVIH KESHO 93:1

Shembüpayü ongpa, büpayü müknyinshekhang, hatü wongi maei nyüke. Büpai kahdoknyü lingteke, hatü ha nechaidaihen.

MENVIH KESHO 66:7

Büpai düngei büpalei ngani vanglem lemnyüpeih; büpalei müki jatthü kü veinyeih khüpüthüi büpa homei teyaonghü.

SHAHKÜP 32:15

Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

ISAIAH 30:29

Shejao Kahvangei nanglakthü amphongü mohitap kü yanüng kesho nyahhai-i mongongpükei nyuhen. Ammei mongü nanglakthüi Shembüpalei Kahshang, Israel amei Yaongnyü touei liping vüngei aongjü mongongpükei nyuhen.

ISAIAH 44:8

Amphong tenyem nevaijü tehan, Ngei shelei mebü-üng ha am kü ne-eangpü je? Amphongü ngelei denbüthü, Ngei mü lenei lebü Kahvang nyüpü je? Lebü Yaong neshiü; ngei hükao nyingei neshiüpih.”

ISAIAH 51:5

Ngelei yemleipü shülangi yopailei koei peikahen, ngelei yemleipü peikünyüke, hatü shahhingi ngelei laki jatthü kü shahhingi vanglem lemhen; Yungkungei nyupü kahmükthüi ngei om veihen, ngelei laki jom yangshuohhen shei monglemei dannyüke.

DANIEL 3:17

Nüngi hamphong awbhaong kü yepei shükphülangmao, hamphongi chongphopü Kahvangi haleipao ham yangphaaokhen, hatü büpai nüngei lak kübüao yangphaaokhen hih, Oh Ongpa.

DANIEL 3:28

Nebukadnezzar ongpai, “Shadrakh, Meshakh hatü Abednego hathülei Kahvang men longtuh! Büpai büpalei vangsho phongshan shomei büpa chongphopüthü yangteke! Jomi büpa kü hinglem, hatü jomei Kahvang nevaipheikü, ngelei kahvang chongnephohen hatü nekhümhen shei ngelei shahkungnyü dangkao mangei, jomei yangnyu dihen thahshi lanei shuohteke.

SHAHKÜP 33:27

Nedohnetenpü Kahvangü am loishing, hatü kahdok mongeiyao büpalei lak nyüke. Büpai ammei vepathü changtük, hatü jom mahtükkemhen am kü eteke.

MENVIH KESHO 62:9

Maanpü shennyakthüyü ngü kei mon, longpüthüyü shahshem mon; dok kü dokjü jom peü kong; jom peü ngü kei mon nyüke.