ISAIAH 26:21 - DAÜLANGPÜ LAIHING (BSI)

²¹ Kahdoknyülei nyupüthü kü jomei mang nangkü hanghi shuohhen shingvaishi Shembüpai büpa nyushing leipü vamei daikünyüke. Kahdoknyüi pinnyü shak kü iy yenpü küpei neaokhen; pinnyüi mahpüchahpüthü joei neaokhen.

ISAIAH 26:21 Referans Kwoze

ISAIAH 18:4

Shembüpai ngei kü, “Vanghe hejü shamsham shei nyupü keiha, hahvet hepak kü vanghenyü nyahpü kü yanüng nyien yuwpü keiha, ngei nenmü nyuhen hatü ngei nyushing leipü veihen” shei ephüteke.

ISAIAH 13:11

Ngei kahdoknyü kü hapalei mang nangkü, nemeipüthü kü jomei mang nangkü hanghi shuohhen. Ngei changmeipüthülei changmeipü dohtükhen, hatü nebahnevaipüthüi awdapü bhih-ei maantükhen.

JOB SHAHSHA APPÜ 16:18

Oh kahdok, ngei kü nemei-i dükpü teküplang! Shahhing shingvaishi ngei lenpü kü nenmü tenyudai!

SHAKEI VAMPÜ 16:6

mehenangkü jomi daülangpü, hatü thibüthülei iy yenhüteke, nüngi jom kü iy yinghen shuohteke. Jomi ha danghen shangpeih!”

LUK SHAHSHA APPÜ 11:50

shejüang kahdoknyü linghinüng thibüthülei iy yenhüpü kemei hapa denhivan kü yühen;

LUK SHAHSHA APPÜ 11:40

Amphong ngapathü! Shakdok lingpübai mongao nelingangpü je?

EZEKIEL 8:6

Büpai ngei kü, “Shennyak ha, chemjalak kü jiühitnalaipü dou, Israel ami dükpü, hatü ngelei daülangpü shing kübü ngei changtükhen shingvaishi jomi mehe düknya, ha eenyüla? Ha mü nyeipü jiühitnalai dou nüngi eehen hih” shei ephüteke.

SHAKEI VAMPÜ 18:24

Nüng kü thibü hatü daülangpüthülei iy, hatü kahdoknyü kü jütükpüthülei iy lüpshi nyüke.”

JOB SHAHSHA APPÜ 20:27

Vangshothüi büpa pungpü shakei vamhühen; kahdoknyüi büpa khüei yaonghen.

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

ISAIAH 22:14

Jeiyong Shembüpai ngelei dhaongi danshi hapa shakei vamei eteke: “Am dihen nyih thahshi hapa mang tükei neaokpih” shei Shembüpa, Jeiyong Kahvangi enyüke.

ISAIAH 29:6

Jeiyong Shembüpai vangmuk vangteng mü pedi vükei ngeü longpü mü, hatü alüngleple, yinglükpalei, hatü laiyeilungei hahpü awlom keiha am thümhen.

ISAIAH 65:6

“Veituh, hapayü ngei nyangtüktü nyüpeih; Ngei nenmü nenyupih, jomi dükpü shangshi shuohhen; Ngei jomi dükpü shangshi

ISAIAH 65:7

Jomi dükpü mangthü kü ngei shemhen” shei Shembüpai enyüke. Mehenangkü jomi kahshangthülei moila shuohteke, hatü shangtaothülei ngei nang nemei-i epeih. Jomi shelei dükpü doulemthü kü shettü ngei hapa kü nekomi nyokei shemhen.

ISAIAH 66:6

Chingnyülei mophicheüpü ngeü; Phopshem leipü ngeü! Shembüpai vepathü kü bhüh yempü ngeü kü bangtuh!