ISAIAH 26:18 - DAÜLANGPÜ LAIHING (BSI)

¹⁸ Hamü büm nekongi nyupeih, tüngpai vaüei nyupeih, shejao hami vanglükang bühpeih. Hami kahdoknyülei vehok neneü; hami meheyao aokei dhangei nenyu.

ISAIAH 26:18 Referans Kwoze

HOSEA 13:13

Nyü hüki hapeü bühshingkü tüngpükei büpa kao peiteke, shejao büpa neliha vaipü nangkü bühhen hepak ngoijajao büpa vangngailei nevamhünyu.

MENVIH KESHO 17:14

Oh Shembüpa, nüngei laki henüng keipü shennyakthü kübü, hapa yangnyu kü mon laklei danghen kahdoknyü shennyakthü kübü nüngi ngei yangtuh. Nüngi jom shing jaoei tuhpü hanghi-i jom hanghihütuh; Jomei hapeüthü shing changei nyeishi; hüpeüthü shingao aoei tuh-eishuoh.

ISAIAH 59:4

Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.

ISAIAH 37:3

Jomphongi büpa kü, “Hezekiah-i hapakei enyüke: Hapa nyih-ü shanghahpü, lohhahpü hatü mongmangpü nyih khih; nyüha hüki naü anghen hepak ngoijü hapa naü anghen wong kemdaipükei shüke.

2 ONGPATHÜ 19:3

Jomi büpa kü, “Hezekiah-i hapakei enyüke: Shinnyih-ü shangpongpü, hanghipü hatü veü pongpü nyih khih. Jenü nyüha hük naü bühhen hepak ngoidaijü hapa naü bühhen wong neshiüpükei hetteke.

ISAIAH 33:11

Ammi aungjaangao nejükhen küpjan temnyüke; ammi angsha dou düknyüke. Ammei ngüyü am hahtükhen aw khih.

1 SAMUEL 14:45

Shejao nanglakthüi Saul kü, “Israel kü aokpü longpü danghüpü Jonathan jütükhen je? Hapakei nevai! Vanyangyem Shembüpalei men kü vangei enyeih, büpalei shangjing kübü sholah hükao nevüshihpih; mehenangkü Kahvangi sheühpü homei büpai ha dükpeih” shei e. Hanangkü nanglakthüi Jonathan nejütüki yangei tuh.

1 SAMUEL 11:13

Shejao Sauli, “Shinnyih üpayao nejühen; mehenangkü shinnyih Shembüpai Israel am yanghen” shei e.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

JOHAN 7:7

Kahdoknyüi amphong kü nejiühithen, shejao ngei kü jiühitnyüke; mehenangkü ngei ha khüei hapalei douthüyü mang shei denpü shuohnyeih.