ISAIAH 26:15 - DAÜLANGPÜ LAIHING (BSI)

¹⁵ Nüngi jat longhü, Oh Shembüpa; nüngi jat dahü. Nüngi laophü shing müknyinshekhang dangteke; nüngi kahdok kübü viong dahüteke.

ISAIAH 26:15 Referans Kwoze

ISAIAH 9:3

Nüngi hapa jat longhüteke; nüngi jom nyeinya mongonghüteke. Hah vetshingkü mongongpükei, nevaijü vehok neütü yah-ei leipü mop hanjü mongongpükei, nüngi dükpü dou kü jomi mongongnyüke.

JOHAN 17:1

Jisui hathü shah epheikü büpai vangsho philei ngangei veitü eteke, “Opa, hepak ngoiteke, Anha-i nüng müknyinshekhanghen shingvaishi Anha müknyinshekhanghütuh.

JOHAN 15:8

Ammi betjük longi jükpai ngelei nanglomthü khih shei huhen; hapai Opa müknyinshekhanghühen.

EZEKIEL 36:24

Ngei am jatthü peü toueipü, kahmükthü peü lemeipü thailanghen, hatü ammei kahdokei müei leihen.

EZEKIEL 5:12

Amphong khong kübü phaihan jem kü hükü tüngpüaipai hatü shaühile homei dihen; phaihan hükü chingnyü haoei deiyei mih-ei yani mahhühen, hatü shompü phaihan hükü ngei vanglük kü domtükhen hatü ngei ha pheikü yan noshi changhen.

JEREMIAH 32:37

Ngei mongshihpai ngei jom changei deishihpü kahmükthü leipü jom thaiyei leilanghen; hapa shingei ngei jom müei leiyei nyiushemmei kü jom chingchingei nyuhühen.

JEREMIAH 30:19

Jom leipü menvihpü kesho vamhen, hatü mongongpü ngeü vamhen. Ngei jomei nanglak bhei-ie nyeinya dahühen, hatü jom maanei neleihen; Ngei jom kü dhüm koei peihen, hatü jom nevüshihhen.

ISAIAH 60:21

Ammei nanglakthü peü daülangi leihen, hatü jomi denshing kahdok yahhen. Ngelei müknyinshekhang huhen shingvaishi amü ngei sheipü sheili; ngelei lakdou.

ISAIAH 44:23

Mongongpai loktuh, Oh vangshothü; mehenangkü Shembüpai hapa dükteke; Wongmü lentuh, Oh chülohpü kahdoknyü. Vangsho kü shongshi kesho loktuh, Oh kahshangthü, Oh jahpandok hatü halei nyupü pühivungthü! Mehenangkü Shembüpai Jakob angei leiteke, büpalei müknyinshekhang Israel am kü hunyüke.

ISAIAH 33:17

Ong hüki nethe meipü kü vanglem lempü, hatü kahdok bahiyang daei daipü ammei müki eehen.

NEHEMIAH 9:23

Nüngi jomei lihilathü vangsho lithathü kei dahü, hatü nüngi chebü chepa kü shuohhen epü kahdokei peiyei kaamei yahhü.

SHAHKÜP 10:22

Ammei bühipa Ijip kahdokei pejempüan mon yiüteke, shejao Shembüpa, ammei Kahvangi amphong vangsho lithilen kei dahüteke.

BHEI-IE 23:10

Yungching bhihhiphang keipü Israel am üpai ieaokhen, nevaijü phaihan ali kü hük dangkao üpai itaokhen? Kahvangei nanglak kü ngei ngelei yangnyu hantet dohhüshah; Daülangpü shennyak kei ngei daülangi dishah.”

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

ISAIAH 10:22

Israel nanglakthü yungching bhihhiphang kei nyulangmao jom aopüthü mon nyokei leihen. Mahhenü hingmei mü khuodaipü; mehenangkü hayü shangpeih.

ISAIAH 6:12

Shembüpai jom peü tailuei shomei kahdok shingkong manglei thahshi;

2 ONGPATHÜ 23:27

Hanangkü, “Ngei Israel am changtükpü keiha, ngei Judah amao changtükhen, hatü ngei Jerusalem hatü ngei jepü Chingnyü yaktükhen, hatü ‘Ngei kü khümhen shing’ shei ngei epü hapa Phopshemao yaktükhen” shei Shembüpai eteke.

2 ONGPATHÜ 17:23

hatü Shembüpai büpa chongphopü thibüthü homei epükei Israel am büpa toueipü mangchangtük thahshi hapa mang kübü neyan. Hanangkü Israel amü laophülei kahdok kübü Assyria kahdokei shinnyih thahshi wüpküpei daiyei nyüpeih.

2 ONGPATHÜ 17:6

Hoshea ong vaipü bong shüpabü kü Assyria ongpai Samaria omei yah, hatü Israel am kemei Assyrialei wüpei deilang. Büpai hathü hanei Habor Yungnyü yopailei Gozan kahdok Halah chingnyülei tuh, hatü haneiyü Media chingnyülei tuhteke.

1 ONGPATHÜ 8:46

Mechem nüngei nanglakthüi nüng khüei mang thahhen– mehenangkü mang nethahpü hükao neshiü, hatü nüngi jom kü mongshih-ei jomei vepalei lak kü shuohjü vepathüi jomei kahdokei wüpküpei deiyei tailuei nevaijü yopailei tuhshingkü,

SHAHKÜP 28:64

Shembüpai am jatthü peü touei junghük kübü junghük dohpü ngoishi haitükhen, hatü ammi nevaijü ambü ampai nenyingpü yaong, hatü pü kahvangthü kü khümhen.

SHAHKÜP 28:25

Shembüpai am vepathüi aokhühen. Amphongi jom touei lem hük kü mon peihen shejao jom toueipü amphong lem nyet kü nyaihen, hatü kahdoknyü nanglaki am mehe ponghahnya ha eeyei nyemhen.

KAHBHAO 13:16

Ngei nüngei lihila molo bhihhiphang kei leihühen. Hanei ami molo bhihhiphang ieaokjema nüngei hühihathüao ieaokhen.

JOB SHAHSHA APPÜ 12:23

Büpai jatthü longhünyeih, hatü hathü mangtüknyeih; Büpai jatthü dahünyeih, hatü hathü haitükkemnyeih.

ISAIAH 40:5

Hahepak kü Shembüpalei müknyinshekhang shakei vamkahen, hatü hangkuli peüi hapa eehen; mehenangkü Shembüpalei ju kübü ha vamei eteke.’ ”