ISAIAH 26:14 - DAÜLANGPÜ LAIHING (BSI)

¹⁴ Hathüyü shaangü didai, hatü yemmü nenyu; didaipü hapa laanghathü yangei neleinyu. Nüngi hathü kü hanghi shuoh, hatü lomohhü; hathü deih-ei nedanghen mü nüngi jomei mongdeihthittük.

ISAIAH 26:14 Referans Kwoze

KANDOK 10:7

Daülangpüthüyü moihiman kei deih-ei danghen, shejao nemeipü amei menü betükhen.

ISAIAH 8:19

Mechem shennyakthüi ngeü lemmü lemmü vamei lashüh tetpüthü, hatü phongyompüthü kü phetuh shei ephahenshang, nanglakthüi laophülei Kahvang kü nephehen je? Yemmü nyupü am nangkü yimpi am kü mehekei phenya?

MENVIH KESHO 106:28

Hapheikü jomi Peorlei Baal kahvang kü khüm, hatü mahng kü jeetükpü hahying hah.

SHAKEI VAMPÜ 20:5

(Lebü dipüthü bong haja hük manglom thahshi yangei nelei.) Hapayü shongei yangei leipü nyüke.

MATHI 2:20

“Paotuh, hatü naü hi chenyü nyi müei Israel kahdok yemei leituh; mehenangkü naü jühen yempüthü didaiteke” shei e.

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

MENVIH KESHO 109:13

Büpalei hüshom pheinaü li hümtüktuh; den nyipabü kü büpalei men thitei yaktüktuh.

MENVIH KESHO 9:6

Vepathü den shing lavüngtoiyei mahtük; jomei chingnyüthü bhiyei yeemtük; jom deih-eiyao nedanghen mü mahdai.

SHAHKÜP 4:28

Halei amphong daiyei shennyaki lingpü yaong hi pü kahvang, neeeaokpü, nedanaokpü, nehah-aokpü kahvangthü kü khümhen.

MÜLANGPÜ 14:30

Hapa keiha Shembüpai Israel am yang, hatü Israel ami Ijip am dipü yungphaangei eeteke.

ISAIAH 26:19

Shejao nüngei nanglakthü didaipü yem leikahen, jomei büm yangei leikahen. Oh mahngchongei shishi nyupüthü, paotuh hatü mongongpai kesho loktuh. Nyieni nepnüng dhom mü kahdoknyü thahümahüpü keiha, Shembüpai shelei didaipüthüao yem leihühen.

MENVIH KESHO 36:12

Ten dükpüthü paoei neaoki doei shükshi nyüke.

MENVIH KESHO 59:5

Oh Jeiyong Shembüpa Kahvang, Israel Kahvang, jatthü kü hanghi shuohhen nüng paotuh; nemeipü dükpüthü kü phahji tehu.

MENVIH KESHO 135:17

Jom kü dhaong nyüke, shejao nedannyu; hatü jomei ju lemei ngü neheenyu.

CHONGVENBÜ 9:5

Mehenangkü yemmü nyupüthüi ham dihen shei nyingnyeih, shejao didaipüthüi meheyao nenyingnyih; Jom shing sheyü laklei neshiü, hatü jomphongü deih-ao nedeih-i betüknyeih.

ISAIAH 29:6

Jeiyong Shembüpai vangmuk vangteng mü pedi vükei ngeü longpü mü, hatü alüngleple, yinglükpalei, hatü laiyeilungei hahpü awlom keiha am thümhen.

ISAIAH 37:19

hatü Kahvang nevai, hangkui pü hatü yaong yah-ei laki lingpü kahvang vaipü nangkü ha kahvangthü aw kü jakei mangtükteke.

JOB SHAHSHA APPÜ 7:9

Phum nyaei mahdaipü keiha üam mahngchongei yüdainya nyokei neleinyih.

JOB SHAHSHA APPÜ 18:17

Kahdoknyüi sheyü büpa deih-ei nedangnyu, hatü büpalei men thitei yaktükteke.

JOB SHAHSHA APPÜ 24:20

Hümlungnyüi dangkao jom betüknyeih; laongi jom hahtüknyeih. Üpaiyao jom deih-ei nedangnyih; nemeipüthüyü pü keiha bhagdainyeih.