ISAIAH 26:11 - DAÜLANGPÜ LAIHING (BSI)

¹¹ Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

ISAIAH 26:11 Referans Kwoze

HEBREW 10:27

shejao nyembenüng shahphenpü omdanhen hatü mangpü awi vepathü hahtükhen.

MIKA 5:9

Ammei vepathü shak kü aokpü dangei ammei lak haonghen, hatü ammei vepathü peü jütükhen.

ISAIAH 5:24

Hanangkü yei kübü vampü awlomi hahtang hahtükpükei, hatü awlom touei thüngvan hemdaipükei jomei tünglang shedaihen, hatü jomei chübong bhihla keiha piyei lüdaihen. Mehenangkü jomi Jeiyong Shembüpalei shahkungnyüthü yakphong, hatü Israel amei Daülangpü Hükei shah yaktük.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

1 PETER 3:16

Shejao hapayü inyainyempai dhüm kohshi etuh. Am kü yaüpüthüi ammi Khrista kü doumei dükpü eeyei thaüvaüpüthü veühühen shingvaishi ammei chudeih mongdeih daülangi tuhtuh.

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

PHONGSHANTHÜ DOU 28:27

Mehenangkü hapa nanglakthülei mongdang ngadai, hatü jomei dhaong nedanhen mü hüdai, hatü jomei mük phüngdaiteke. Hei nevailang meyü jomei müki eehen, jomei dhaongi danhen, hatü jomei mong kü nyinghen, hatü jom ngei lemei lepei leihen, hatü ngei jom meitükhah shepeih.”

MATHI 25:41

Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

JEREMIAH 44:28

Yani nemah-i Ijip leipü yangei Judah kahdokei leipeyü maani mon nyuhen. Hahepak kü Ijiplei nyuhen yiüpü Judah ami ngelei shah hi jomei shah jiüpüshang nyinghen.”

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

ISAIAH 44:18

Hapa keipü shennyakthüi hapa nenyingnyu, nevaijü nedannyu; jomei mük phüngdaipü nangkü jomi ha ne-eenyu, hatü jomei mongdang küplangpü nangkü jomi ha nedanaoknyu.

ISAIAH 44:9

Üami lajeithü lingnya, jomü yahlak neshiü, hatü jomi monghahpü kahvangthü nanglei neshiü. Üami hapa kahvang kü khümnya, jomphongü mükphüngpa hatü ngapathü hatü jomphong veü danghen.

ISAIAH 18:3

Kahdoknyülei nyupü am hangkuli peü, mechem kahshangei khüamlung hük haongkahen, veituh! Mechem amit vüngkahen, bangtuh!

ISAIAH 11:13

Ephraim amei mükhüh mongyung mahdaihen, hatü Judah amei meimongnyahmong dohdaihen; Ephraim ami sheyü Judah am kü mük nehühhen, nevaijü Judah ami Ephraim am mü de nesheüteihen.

MENVIH KESHO 86:17

Nüngi bampü nyangeihepü hushih, shejüang ngei kü jiühitpüthüi ha eetü veühen; mehenangkü Shembüpa, nüngi ngei kü sheüh hatü nyiushem meihüpeih.

MENVIH KESHO 21:8

Nüngei laki vepathü peü neüaokhen, büpa kü jiühitpüthü peü büpalei lakdahphi-i yephen.

MENVIH KESHO 10:12

Paotuh, Oh Shembüpa, Oh Kahvang, nüngei lak haongtuh; nüngi ponghahpüthü tebetük.

JOB SHAHSHA APPÜ 34:27

mehenangkü jomi büpa phei nemü-i lepdai, hatü büpalei lem mepa kao ieyeilemei neyah,

1 SAMUEL 6:9

shejao ammi ha kü veishi nyutuh. Hapa laophü nyingi laophülei kahdok yemei Beth-Shemesh lemei leidaiphüjema, jen kü shanghah shuohpeyü Israel Kahvang khih shei nyinghen; shejao hapakei nevaijema, jen kü shanghah shuohpeyü büpa nevai, shejao hapayü jen kü hei-üng ngangahük kü peipü shanghah shei nyinghen” shei e.

MÜLANGPÜ 9:14

Hei nevaijema hapa kahdoknyü kü ngei kei üpayao neshiü shei nüngi nyinghen shangmü ngei hapa shan keyü nüng hatü lakchongbüthü hatü nüngei nanglakthü kü ngelei hanghi chetshi shomhen.

LUK SHAHSHA APPÜ 16:23

Büpa hanghipü molo aw leipü büpai ngangei veishingkü tailei Abraham mü Lazar uoshi ee.

MENVIH KESHO 78:63

Jomei nethethü aw vamei hahtük; jomei nelathüi yiükjing kesho neloknyu.

ISAIAH 1:31

Wong kohpüthüao phenha vanpü keiha vandaihen, hatü büpalei dou mü chemi awlah-i phenha van hahtükpü keiha, üpaiyao hapa aw nemetaoki hahtükhen.’ ”

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

ISAIAH 9:18

Hingmei mangü aw keiha bahnyüpeih; hapai hühhihang hahtüknyeih; hapai shüying kü aw bahhünyeih, hatü shang philei awshit temmü temmü lepei aongnyeih.

ISAIAH 9:19

Jeiyong Shembüpa mongshihpai kahdok hahtük, hatü nanglakthü awbhaong kübü pü kei leitük; üpaiyao haleipü neyangaokpih.

ISAIAH 10:17

Israel amei Vangngaiyü aw leidaihen, jomei Daülangpü Hükü awlom leidaihen; nyihcha kü hapa bah-ei büpalei hüh peü hahtükhen.

ISAIAH 37:32

mehenangkü Jerusalem leipü aopü khong hük, hatü Zion Kahshang leipü yangpü khong hük vamkahen. Shembüpa nyakpükenpai hapa dükhen.”

ISAIAH 42:13

Shembüpayü hampa hük kei dainyüke, veshan hük keiha büpai hokhen temnyüke; Büpai lenei thep nyüknyüke; Büpai laophülei vepathü kü laophülei wong hunyüke.

ISAIAH 59:17

Büpai daülangshemshepü jaküpnyiam keiha küpnyüke, hatü yemleipü nyiam athen thennyüke; Büpai bhüh yempü ow ownyüke, hatü büpa nyingi mongshihpü bhagthuh thuhnyüke.

ISAIAH 63:15

Nüngei daülangpü hatü müknyinshekhangpü nyushing vangsho leipü ham kü veishih. Nüngi nyakpükenpü hatü nüngei wong melei nyüpa? Nüngei phahji yahyang hatü bampü ham toueipü shonglangteke.

ISAIAH 66:15

Mehenangkü Shembüpayü aw mü peikahen, hatü büpalei koyei khariyü alüngleple keiha heihkahen; Büpa mongshihpai laophülei mongshih, hatü lohpümangpü awlom keiha peikahen.

ISAIAH 66:24

Jomphong daishingkü jom khüei yaongpüthülei mahng jomi eehen; jomei büm kübü laong nedihen, nevaijü jom kü bahpü aw nemetdaihen, hatü jomphongi hangkuli peü touei jiühitbenüng leidaihen.”

MIKA 7:16

Jatthüi ha eehen, hatü jomei wong laaiyei jom veühen, jomi jomei ju kü laki shümlanghen, hatü jomei dhaong kü dhühlanghen.

MENVIH KESHO 28:5

Mehenangkü jomi Shembüpalei douthü kü, nevaijü büpalei lakdou kü ieyeilemei neshiü. Büpai jom mangtükhen hatü ne-yei nelinghen.

ISAIAH 10:16

Hanangkü Jeiyong Shembüpai büpalei veshanthü kü lomohhen din shomhen, hatü büpalei müknyinshekhangi aw bahpükei bah-ei vamhen.

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

MIKA 7:10

Hahepak kü ngelei vepai ha eehen, hatü ngei kü, “Shembüpa, nüngei Kahvang melei nyüpa shei epüthü veüpai dhe kü jümlanghen. Ngelei müki lekei pinnyü lomohpü eehen, hatü shaangao pinnyü-ü lemnyüvang kübü nyaühut kü nyeüpükei nyeütükhen.