ISAIAH 26:1 - DAÜLANGPÜ LAIHING (BSI)

¹ Hapa nyih Judah kahdokei hapa kesho lokhen: Jenei chingnyü wong kohshi nyüke; Kahvangi aokpü dangpeyü bham shaungpükei, hatü kahdok shaopülei lingei nyüke.

ISAIAH 26:1 Referans Kwoze

ISAIAH 60:18

Depülaopü nevaijü lomoh aühaü, benpülangpü jung ammei kahmük konmong kü nedanhen, shejao ami ammei bham kü Yemleipü hatü ammei penyüsha kü Menvih shei nyükhen.

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”

ZEKHARIAH 2:5

Ngeiyü hapa shonei aw pe nyuhen, hatü ngei hapa mongkü hapalei müknyinshekhang vaihen” shei Jeiyong Shembüpai enyüke.

JEREMIAH 33:11

mongongmonglepü ngeü, yiükjing mo kü mongongteipü ngeü hatü Shembüpalei shem kü menvih shuohpü, moila koei peipüthülei ngeü hapakei eyei danhen, “Jeiyong Shembüpa kü menvih shuohtuh, mehenangkü büpayü meiangpeih; büpa bampü hüdenhalenshi nyunyeih.” Mehenangkü ngei hapa kahdok kü sheleipü keiha dapüshepü koei peihen shei Shembüpai enyüke.

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

MENVIH KESHO 48:12

Zion kü kamei daituh, ha shinei kamtuh; haleipü shangdüthü ietuh.

MENVIH KESHO 31:21

Shembüpa men longtuh, mehenangkü ngei shümlangpü chingnyü kü nyushi büpai yashanshi bampü ngei kü hupeih.

MATHI 16:18

Hatü ngei nüng kü enyeih, nüngü Peter, hatü ha yaong shangkü ngei ngelei attoi linghen, hatü yimching peshadeni ha khüei neyaongaokpih.

ISAIAH 12:1

Hapa nyih ammi hapakei ehen: “Ngei nüng kü menvih shuohshah, Oh Shembüpa, nüngi ngei kü mongshih-ei nyulangmao, nüngei mongshih yahlangtü nüngi ngei nyiushem meihüpeih.

ISAIAH 5:1

Ngei bampüba kü kesho hük lokshuohshah; ngelei maibong büpalei nyalingngupai kah kü shih-ei lokshah: Ngelei mongkhen küphülei nyalingngupai kah hük kahcheü kohpü kahshong hükei nyuteke.

ISAIAH 2:20

Hapa nyih shennyakthüi jomi khümteipü hon hi ngin, lajeithü, humhalache, hatü abakthü touei shükphonghen.

ISAIAH 2:11

Shennyakthülei bhongeingampü mük dohtükhen, hatü hangku changmeipü bhih-ei maantükhen; hatü Shembüpa mon hapa nyih longei anshihhen.

EZRA 3:11

Duei-ouei jomi Shembüpa kü menvih shuoh-ei hapakei jangteiyei lokteke: Shembüpai chongnyiam yaong haüpü nangkü nanglakthü peüi Shembüpa kü menvih shuoh-ei jangteiyei wongmü lenteke: “Mehenangkü büpa meipü nyüke; büpai Israel am kü bampü denden kü nyüke.” Hatü nanglakthü peüi ngeüwong anei Shembüpa kü menvih shuohteke; mehenangkü Shembüpalei shem chongnyiam yaong haüteke.

BHEI-IE 21:17

Hahepak kü Israel ami hapa kesho lokteke: “Yung ngaishih, Oh yunglok! Hapa jung hami kesho lokhen,

ISAIAH 4:2

Hapa nyih kü Shembüpalei pükao nethe meishi hatü müknyinshi nyuhen, hatü kahdok kü vampü betjükü Israel am aopüthülei mongong hatü müknyinshekhang nyuhen.

ISAIAH 14:31

Theptuh, Oh Penyüsha; Youngtuh, Oh Chingnyü; Oh Philistia, am peüi nyemtuh! Mehenangkü apshaphi leipü awshit vamkünyüke, hatü hapayü nyempü neshiüpü veshanthü khih.

ISAIAH 31:5

Outhüi jep leipü chehathü yanghen shangei piteipükei, Shembüpai Jerusalem hunglanghen; büpai hapa Jerusalem hunglangtü yanghen.”

ISAIAH 31:9

Nyempai jomei penyüsha laamdaihen; vehok mangpü eeyei jomei veshan mübüthü tünghen.” Zionlei aw nyupeyü üpaleiang? Jerusalem leipü awbhaongü üpaleiang? shei SHEMBÜPAienyüke.

ISAIAH 33:5

Shembüpayü meshük longpüang! büpa shangei nyüke; büpai Zion shahhingi, hatü daülangshemshepai mahüteke.

ISAIAH 33:6

Ammei nyih kü büpai am shingnüng chongkhenhühen; Büpai yemleipü, kihikon, hatü nyingpühingpü shuohhen; Shembüpa kü nyempeyü Zion amei mop longpü vaihen.

ISAIAH 56:5

Ngei ngelei Phopshem hatü hapa pekon mongkü nebeyaong hük, hatü hapeüthü mao meipü men shuohhen; Mechemao nekatihen nedohnetenpü men ngei jomphong kü shuohhen.

ISAIAH 62:10

Penyüsha homei daituh, leiküpü nanglakthü shing lem temtuh; Lemnyüshong lingtuh, yaonghipü yaktüktuh, jatthüi nyinghen shangmü khüamlung haongtuh.

EZEKIEL 40:5

Phopshem shinpü kü bhami shinei yahtü ngei ee. Hapa shennyakei lakei nopü nyiamlüngü meter jem lushi nyuteke. Büpai hapa shetshingkü chetpü kü meter jem, shaopü kü meter jem nyu.

MENVIH KESHO 48:4

Mechem ongthü chemi thaitü peihenshang,

ZEKHARIAH 2:9

Veituh, hingmei ngei jom khüei ngelei lak nohen hatü aathüi shao jom kü aeteishehen. Shejüang, Jeiyong Shembüpai ngei shompü khih shei ammi nyinghen.